പന്ന്യന്നൂരിനഭിമാനം ; സാഹിത്യകാരൻ പന്ന്യന്നൂർ ഭാസിക്ക് വാഗ്ഭടാനന്ദ പുരസ്‌കാരം

പന്ന്യന്നൂർ:(www.panoornews.in)കൈരളി സേവക് സമാജിൻ്റെ 2024- ലെ വാഗ്ഭടാനന്ദ പുരസ്കാരത്തിന് നിരവധി കൃതികളുടെ കർത്താവായ പന്ന്യന്നൂർ ഭാസി അർഹനായി.

Also read: വടകരയിലെ വീടുകയറിയുള്ള മുഖം മൂടി ആക്രമണം; പ്രതികളെ തെളിവെടുപ്പിനെത്തിച്ചു, ആയുധങ്ങൾ കണ്ടെടുത്തു

അങ്കം, ചങ്ങാതിമാർ, വടക്കൻ പാട്ടിലെ വീരാംഗനമാർ, കുട്ടികളുടെ തച്ചോളി ഒതേനൻ, തച്ചോളി ഒതേനൻ പുരാവൃത്തം, ഗുണ്ടർട്ടിന്റെ ഗുരുനാഥന്മാർ, അശാന്തിക്കപ്പുറം തുടങ്ങി ഇരുപതോളം കൃതികൾ രചിച്ചിട്ടുണ്ട് പന്ന്യന്നൂർ ഭാസി.

Also read: വെക്കേഷന് വേറെവിടെ പോകാൻ :അഗ്രി പാർക്ക് ഇനി വേറെ ലെവൽ

സഹകരണ വകുപ്പിൽ ഉദ്യോഗസ്ഥനായിരുന്നു. അദ്ദേഹം രചിച്ച "വാഗ്‌ഭടാനന്ദ ഗുരു സഹകാരിയും നവോത്ഥാന നായകനും" എന്ന കൃതിയിൽ വാഗ്‌ഭടാനന്ദ ഗുരുവിനെ കുറിച്ച് 'സഹകാരിയായി പ്രവേശം' എന്ന അധ്യായമുണ്ട്. ഗുരു സ്ഥാപിച്ച ഊരാളുങ്കൽ സഹകരണ സംഘത്തെ കുറിച്ചുള്ള ഈ അധ്യായം കാലിക്കറ്റ് സർവ്വകലാശാലയുടെ എം ബി .എ സിലബസിൽ ഉൾപ്പെടുത്തിയിട്ടുണ്ട്.

Also read: ഗർഭിണിയാണെന്ന പരിഗണന പോലും തന്നില്ല ; ഗാർഹിക പീഢനം വെളിപ്പെടുത്തി യൂട്യൂബ് ദമ്പതികൾ

ഒക്ടോബർ 29 ന് തിരുവനന്തപുരത്ത് കൈരളി സേവക് സമാജിൽ നടക്കുന്ന വാഗ്ഭടാനന്ദ അനുസ്‌മരണ സമ്മേളനത്തിൽ വെച്ച് ഭക്ഷ്യ സിവിൽ സപ്ലൈസ് വകുപ്പ് മന്ത്രി അഡ്വ. ജി.ആർ അനിൽ പുരസ്‌കാരം സമർപ്പിക്കും.

വട്ടിയൂർകാവ് എം എൽ എ വി.കെ. പ്രശാന്ത് മുഖ്യാഥിതിയായിരിക്കും.

Pride of Pannyannur; Vagbhatananda award to writer Pannyannur Bhasi