പാനൂർ നഗരസഭ ഷോപ്പിംഗ് കോംപ്ലക്സ‌് കെട്ടിടം പൊളിച്ചുമാറ്റാനുള്ള പ്രാരംഭ നടപടികൾക്ക് തുടക്കം ; സമ്പൂർണ പൊളിക്കൽ തിങ്കളാഴ്ച മുതൽ

പാനൂർ:(www.panoornews.in)   പാനൂർ മത്സ്യ മാർക്കറ്റ് പൊളിക്കാനുള്ള പ്രാരംഭ നടപടികൾക്ക് ഇന്ന് അർധരാത്രി മുതൽ തുടക്കമാകും. ആദ്യം മുകൾ നിലയാണ് പൊളിക്കുക.

Also read: ഒരു പൂമാല അങ്ങോട്ടും, ഒരു പൂമാല ഇങ്ങോട്ടും, ചടങ്ങു തീർന്നു ; മാതൃകയായി സിപിഎം നേതാവ് എം.പ്രകാശൻ മാസ്റ്ററുടെയും, പൊന്ന്യം ചന്ദ്രൻ്റെയും മക്കളുടെ വിവാഹം

പൊടിശല്യമൊഴിവാക്കാൻ രാത്രി 11 ന് ശേഷമാണ് പൊളിക്കൽ നടക്കുക. സമീപത്തെ മുഴുവൻ വ്യാപാരികളോടും ജാഗ്രത പാലിക്കാൻ നിർദ്ദേശം നൽകിയിട്ടുണ്ട്. ഇരുനില കെട്ടിടം പൊളിച്ചുമാറ്റി നില നിരപ്പാക്കി നൽകാൻ 3.6 ലക്ഷം രൂപക്കാണ് കരാർ പ്രവർ ത്തി ഏറ്റെടുത്തത്.

പൊളിക്കുമ്പോൾ അപകട സാധ്യതയുള്ളതിനാൽ സമീപത്തെ വ്യാപാരികൾ ജാഗ്രത പുലർത്തണമെന്ന് നഗരസഭാ അധികൃതർ അറിയിച്ചിട്ടുണ്ട്. ടൗണിൽ തന്നെ സ്ഥിതി ചെയ്യുന്ന സുരക്ഷാ ഭീഷണിയിലായ കെട്ടിടം സമുച്ചയം പൊളിച്ചുമാറ്റാൻ നേരത്തെ തന്നെ ടെൻഡർ നൽകിയെങ്കിലും പ്രവർത്തി നടക്കുകയുണ്ടായില്ല. തുടർന്ന് റീ ടെണ്ടർ നടത്തുകയായിരുന്നു. സുരക്ഷാ ഭീഷണിയെ തുടർന്ന് ഷോപ്പിംഗ് കോംപ്ലക്‌സിൽ പ്രവർത്തിക്കുന്ന കടകളും ഓഫീസുകളും നേരത്തെ ഒഴിപ്പിച്ചിരുന്നു.

Also read: കണ്ണൂരിൽ പോലീസിനെ കയ്യേറ്റം ചെയ്ത കെ എസ് യു നേതാവ് അറസ്റ്റിൽ

തറനിലയിൽ നിലയിലുള്ള മത്സ്യ മാർക്കറ്റാണ് ഇവിടെ തന്നെ തുടർന്നത് കോൺക്രീറ്റ് ഇളകി വീഴുകയും കമ്പി പുറത്താക്കുകയും ചെയ്‌തു ഏത് സമയം നിലം പതിക്കാമെന്ന് അവസ്ഥയിലാണ് കെട്ടിടം. പരേതനായ മുസ്ലിംലീഗ് നേതാവ് കെഎം.സൂപ്പി പഞ്ചായത്ത് പ്രസിഡണ്ട് ആയിരുന്ന 1991ൽ ആണ് കോംപ്ലക്‌സ് ഉദ്ഘാടനം ചെയ്‌തത്.

കാലപ്പഴക്കത്തിൽ കെട്ടിടം സുരക്ഷിതം അല്ലാതായി. താഴെ പ്രവർത്തിച്ചിരുന്ന മത്സ്യ മാർക്കറ്റ് സമീപത്തെ മറ്റൊരു ഷെഡ്ഡിലേക്ക് മാറ്റിയിട്ടുണ്ട്.

Also read: ചമ്പാട്ടെ മദീന ഹനീഫ നിര്യാതനായി ; ഖബറടക്കം നാളെ

കെട്ടിടം പൊളിച്ച് പുതുക്കി പണിയുന്നതിൽ സന്തോഷമുണ്ടെന്ന് മത്സ്യ വ്യാപാരികളും പറഞ്ഞു. കെട്ടിടം പൊളിച്ചുമാറ്റി സ്ഥലം ലഭ്യതക്കനുസരിച്ച് ആധുനിക സംവിധാനത്തിൽ പുതിയ കെട്ടിടം പണിയാനുള്ള ഒരുക്കത്തിലാണ് നഗരസഭ.

The initial steps to demolish the Panur Municipal Shopping Complex building have started today; In Panur concern, complete demolition from Monday