രണ്ടാം ഘട്ട ജീവിത ശൈലീ രോഗനിർണയ സർവേക്ക് പാനൂരിൽ തുടക്കം

പാനൂർ:(www.panoornews.in) രണ്ടാം ഘട്ട ജീവിത ശൈലീ രോഗനിർണയ സർവേക്ക് പാനൂരിൽ തുടക്കം.      ജീവിത ശൈലി രോഗനിർണയ സർവേയുമായി പൊതുജനങ്ങൾ സഹകരിക്കണമെന്ന് പാനൂർ നഗരസഭാ ചെയർമാൻ വി.നാസർ മാസ്റ്റർ.

പാനൂർ നഗരസഭയും, സാമൂഹ്യ ആരോഗ്യ കേന്ദ്രവും സംയുക്തമായി നടത്തുന്ന ജീവിത ശൈലി രോഗനിർണയ സർവ്വേയുടെ രണ്ടാം ഘട്ടം ഉദ്ഘാടനം ചെയ്ത് സംസാരിക്കുകയായിരുന്നു ചെയർമാൻ.

Also read: ചമ്പാട്ടെ രാജൻ നിര്യാതനായി.

സർവേക്ക് ആധാർ കാർഡ് നിർബന്ധമാണ്. പലർക്കും ആധാർ നമ്പർ കൈമാറാൻ വിമുഖതയുണ്ട്. ഇത് ശരിയല്ലെന്നും, സർവ്വേക്ക് ആധാർ കൂടിയെ തീരുവെന്നും, പൊതുജനങ്ങൾ സഹകരിക്കണമെന്നും നാസർ മാസ്റ്റർ പറഞ്ഞു.

ഒന്നാം വാർഡ് കൗൺസിലർ പി.കെ പ്രവീണിൻ്റെ വീട്ടിൽ വച്ചാണ് സർവേക്ക് തുടക്കം കുറിച്ചത്. മാതാവ് പി.കെ സരളയിൽ നിന്നും സ്ക്വാഡ് അംഗങ്ങൾ വിവരങ്ങൾ രേഖപ്പെടുത്തി.

63 ചോദ്യങ്ങളടങ്ങുന്നതാണ് മൊബൈൽ സർവ്വേ. സർവ്വേ പൂർത്തിയായ ശേഷം മെഗാ മെഡിക്കൽ ക്യാമ്പ് നടത്തും. ജീവിത ശൈലീ രോഗങ്ങളെ കണ്ടെത്തി നേരത്തെ പ്രതിരോധിക്കുന്നതിനാണ് ഇത്തരമൊരു സർവ്വേ സംസ്ഥാനത്തുടനീളം നടത്തുന്നത്. ഡിസംബർ മാസം 15 ഓടെ സർവേ പൂർത്തീകരിക്കും.

Also read: ഇന്ദിരാഗാന്ധി ആശുപത്രി കെട്ടിടത്തില്‍ നിന്നു രോഗി താഴേക്ക് ചാടി ; പരിക്ക്

വാർഡ് കൗൺസിലർ പി.കെ പ്രവീൺ അധ്യക്ഷത വഹിച്ചു. ഹെൽത്ത് ഇൻസ്പെക്ടർ ടി. സജിത്ത് കുമാർ പദ്ധതി വിശദീകരിച്ചു. കൗൺസിലർ നസീല കണ്ടിയിൽ, ശാന്തകുമാരി, എം.മിനി എന്നിവർ സംസാരിച്ചു.

മെഡിക്കൽ ഓഫീസർ ഡോക്ടർ ഐ.കെ അനിൽകുമാർ സ്വാഗതവും, ജൂനിയർ ഹെൽത്ത് ഇൻസ്പെക്ടർ എം. മിനി നന്ദിയും പറഞ്ഞു.

Phase 2 lifestyle diagnosis survey started in Panur;Chairman of Municipal Corporation V.Nasser master