വളയത്ത് കിണറ്റിൽ വീണ് ചെരിഞ്ഞത് കൃഷിഭൂമിയിലിറങ്ങി വിളകള്‍ നശിപ്പിക്കുന്ന കാട്ടാനയെന്ന് നാട്ടുകാര്‍.

വളയം :(www.panoornews.in)  ആയോട് മലയിലെ പൊട്ടക്കിണറ്റില്‍ വീണു ചരിഞ്ഞതു കൃഷിഭൂമിയിലിറങ്ങി വിളകള്‍ നശിപ്പിക്കുന്ന കാട്ടാനയെന്ന് നാട്ടുകാര്‍. കാട്ടാനയുടെ ജഡം പുറത്തെടുത്തു പോസ്റ്റ്മോര്‍ട്ടം നടത്താന്‍ വെറ്ററിനറി ഡോക്ടര്‍മാരുടെ സംഘം ഇന്നെത്തും.

Also read: എഡിഎം നവീന്‍ ബാബുവിൻ്റെ മരണം ദൗർഭാഗ്യകരമെന്ന് ഗവർണർ ; 'അന്വേഷണം നടക്കട്ടെ, ആവശ്യമെങ്കിൽ സംസ്ഥാനത്തോട് റിപ്പോർട്ട് തേടുമെന്നും ഗവർണർ

വനപാലക സംഘം ഇന്നലെ വൈകിട്ട് എത്തിയെങ്കിലും കനത്ത മഴയുള്ളതിനാലും പോസ്റ്റ്‌മോര്‍ട്ടത്തിന് ഡോക്ടര്‍മാരു ടെയും മറ്റും സംഘം വേണമെന്നതിനാലും തുടര്‍നടപടി ഇന്നത്തേക്കു മാറ്റി.

കണ്ണവം വനത്തില്‍ നിന്നാണു കാട്ടാനക്കൂട്ടം വാണിമേല്‍, വളയം, ചെക്യാട് പഞ്ചായത്തുകളിലെ കൃഷിയിടങ്ങളില്‍ ഇറങ്ങാറുള്ളത്. ഒരാഴ്ച മുന്‍പും കാട്ടാനകള്‍ കൃഷിയിടങ്ങളില്‍ ഇറങ്ങിയതായി കര്‍ഷകര്‍ പറഞ്ഞു.

Also read: കണ്ണൂർ സ്വദേശിയായ ജിം ട്രെയിനറുടെ മരണം കൊലപാതകം ; മണിക്കൂറുകൾക്കകം പ്രതി പിടിയിൽ

പടക്കം പൊട്ടിച്ചും തീ കൂട്ടിയുമാണു കാട്ടാനകളെ തുരത്താറുള്ളത്. മാസങ്ങള്‍ക്കു മുന്‍പു ലക്ഷങ്ങളു ടെ വിളകളാണു കാട്ടാനക്കൂട്ടം നശിപ്പിച്ചത്. സൗരോര്‍ജ വേലിയാണ് ആകെയുള്ള പ്രതിരോധ മാര്‍ഗം.

പലയിടങ്ങളിലും ഈ വേലികള്‍ താറുമാറായതാണ് കാട്ടാനകള്‍ കൃഷിയിടങ്ങളില്‍ ഇറങ്ങാന്‍ കാരണം. ചിലയിടങ്ങളില്‍ ഈ വേലി സ്ഥാപിച്ചിട്ടുമില്ല.

#Locals say that the 3wild antelope that fell into the 3ring well and entered the 3agricultural land and 3destroyed the 3crops