---
title: "നിറത്തിന്‍റെ പേരിൽ അവഹേളനം ; നവവധുവിന്‍റെ ആത്മഹത്യയിൽ ഭര്‍ത്താവ് കണ്ണൂർ വിമാനത്താവളത്തിൽ  പിടിയിൽ "
english_title: "Insulted over skin color; Husband arrested at Kannur airport in bride's suicide"
publisher: "panoornews.in"
canonical_url: "https://panoor.truevisionnews.com/news/264649/insulted-over-skin-color-husband-arrested-at-kannur-airport-in-brides-suicide"
published_at: "2025-01-20T18:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/678e4b02b8846_Untitled-2_copy.jpg"
keywords: []
---

# നിറത്തിന്‍റെ പേരിൽ അവഹേളനം ; നവവധുവിന്‍റെ ആത്മഹത്യയിൽ ഭര്‍ത്താവ് കണ്ണൂർ വിമാനത്താവളത്തിൽ  പിടിയിൽ 

> **Lead Summary:** ****നിറത്തിന്‍റെ പേരിൽ അവഹേളനം നേരിട്ടതിനെ തുടര്‍ന്ന് മനംനൊന്ത് നവവധു ആത്മഹത്യ ചെയ്ത കേസിൽ ഭർത്താവ് അറസ്റ്റിൽ.

## Article Content

****നിറത്തിന്‍റെ പേരിൽ അവഹേളനം നേരിട്ടതിനെ തുടര്‍ന്ന് മനംനൊന്ത് നവവധു ആത്മഹത്യ ചെയ്ത കേസിൽ ഭർത്താവ് അറസ്റ്റിൽ.

മലപ്പുറം മൊറയൂർ സ്വദേശി അബ്ദുൾ വാഹിദാണ് അറസ്റ്റിലായത്.  വിദേശത്തു നിന്നും കണ്ണൂർ വിമാനത്താവളത്തിലെത്തിയപ്പോഴാണ് അബ്ദുള്‍ വാഹിദിനെ പൊലീസ് പിടികൂടിയത്. കഴിഞ്ഞ ചൊവ്വാഴ്ച്ചയാണ് മലപ്പുറം കൊണ്ടോട്ടിയിൽ ഷഹാന മുംതാസ് ആത്മഹത്യ ചെയ്തത്. പ്രതിയെ കൊണ്ടോട്ടി പൊലീസിന് കൈമാറി.

കഴിഞ്ഞ ദിവസമാണ് ഷഹാനയുടെ ആത്മഹത്യയിൽ ഭര്‍ത്താവ് അബ്ദുള്‍ വാഹിദിനെതിരെ പൊലീസ് കൂടുതൽ വകുപ്പുകള്‍ ചുമത്തിയത്. ആത്മഹത്യാ പ്രേരണ, ഭാര്യയെ മാനസികമായി പീഡിപ്പിക്കൽ എന്നീ വകുപ്പുകളാണ് ഭർത്താവ് അബ്ദുൾ വാഹിദിനെതിരെ ചുമത്തിയിരിക്കുന്നത്. ചൊവ്വാഴ്ച്ചയാണ് ഷഹാന മുംതാസ് എന്ന 19കാരിയെ വീട്ടിൽ തൂങ്ങി മരിച്ച നിലയിൽ കണ്ടെത്തിയത്.

### Related Links & Sources
- [Original Story Source](https://panoor.truevisionnews.com/news/264649/insulted-over-skin-color-husband-arrested-at-kannur-airport-in-brides-suicide)