---
title: "കുറ്റ്യാടിയിൽ കാറിൽ ഇരിക്കുകയായിരുന്ന യുവാവിനെ  വലിച്ചിറക്കി മർദ്ദിച്ചു ; ബിജെപി പ്രവർത്തകർക്കെതിരെ കേസ്"
english_title: "The young man who was sitting in the car was pulled out and beaten up; Case against BJP workers"
publisher: "panoornews.in"
canonical_url: "https://panoor.truevisionnews.com/news/249468/the-young-man-who-was-sitting-in-the-car-was-pulled-out-and-beaten-up-case-against-bjp-workers"
published_at: "2024-11-15T12:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6736eb3644551_6736e0d5ec9f1_ATTACK.jpg"
keywords: []
---

# കുറ്റ്യാടിയിൽ കാറിൽ ഇരിക്കുകയായിരുന്ന യുവാവിനെ  വലിച്ചിറക്കി മർദ്ദിച്ചു ; ബിജെപി പ്രവർത്തകർക്കെതിരെ കേസ്

> **Lead Summary:** കോഴിക്കോട് :** **കോഴിക്കോട് കുറ്റ്യാടിയിൽ കാറിൽ ഇരിക്കുകയായിരുന്ന യുവാവിനെ ഒരു സംഘം ബി ജെ പി പ്രവർത്തകർ വലിച്ചിറക്കി മർദ്ദിച്ചതായി പരാതി.

## Article Content

കോഴിക്കോട് :** **കോഴിക്കോട് കുറ്റ്യാടിയിൽ കാറിൽ ഇരിക്കുകയായിരുന്ന യുവാവിനെ ഒരു സംഘം ബി ജെ പി പ്രവർത്തകർ വലിച്ചിറക്കി മർദ്ദിച്ചതായി പരാതി.

ഗ്ലാസിന്റെ ചില്ലും തകർത്തു. മണിയൂർ സ്വദേശി മുഹമ്മദിനാണ് മർദ്ദനമേറ്റത്. മുഹമ്മദിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

ഇന്നലെ കുറ്റ്യാടി മരുതോങ്കര റോഡിലാണ് സംഭവം. കാറിലിരിക്കുകയായിരുന്നു യുവാവ്. ഈ സമയത്താണ് ഒരു സംഘമാളുകൾ കാറിനടുത്തേക്ക് എത്തുന്നത്.

ഒരാൾ മുഖംമൂടി ധരിച്ചിരുന്നു. കാറിൻ്റെ ചില്ലിൽ അടിച്ചും ഇടിച്ചും യുവാവിനെ പുറത്തിറക്കുകയായിരുന്നു സംഘം. യുവാവിനെ കാറിൽ നിന്ന് വലിച്ചിറക്കി മർദ്ദിക്കുകയും ചെയ്തു. ഇതിൻ്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

നേരത്തെയുണ്ടായിരുന്ന തർക്കത്തിന്റെ ഭാ​ഗമായാണ് ഇപ്പോഴുണ്ടായ മർദ്ദനനമെന്നാണ് പൊലീസ് പറയുന്നത്. മർദ്ദനമേറ്റ യുവാവിനെതിരെ പൊലീസ് കേസെടുത്തിരുന്നു.

ഇതിൻ്റെ ഭാ​ഗമായുള്ള മധ്യസ്ഥ ശ്രമങ്ങൾക്ക് വിളിച്ചുവരുത്തിയാണ് വീണ്ടും ആക്രമണമുണ്ടായത്. നിലവിൽ കണ്ടാൽ അറിയാവുന്ന 10 പേർക്കെതിരെ കുറ്റ്യാടി പൊലീസ് കേസെടുത്തു.

### Related Links & Sources
- [Original Story Source](https://panoor.truevisionnews.com/news/249468/the-young-man-who-was-sitting-in-the-car-was-pulled-out-and-beaten-up-case-against-bjp-workers)