---
title: "ഡയബത്തോൺ 2024 ; പാർക്കോ ഹോസ്പിറ്റലിൽ പ്രമേഹ ശിൽപ്പശാല നടത്തി"
english_title: "Diabathon 2024 ; A diabetes workshop was conducted at Parko Hospital"
publisher: "panoornews.in"
canonical_url: "https://panoor.truevisionnews.com/news/249287/diabathon-2024-a-diabetes-workshop-was-conducted-at-parko-hospital"
published_at: "2024-11-14T15:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6735cccf07915_Untitled-2_copy.jpg"
keywords: []
---

# ഡയബത്തോൺ 2024 ; പാർക്കോ ഹോസ്പിറ്റലിൽ പ്രമേഹ ശിൽപ്പശാല നടത്തി

> **Lead Summary:** ** ** ലോക പ്രമേഹ ദിനമായ നവംബർ 14ന് 'പാർകോ ഹോസ്പിറ്റലിൽ ഡയബത്തോൺ 2024 ന്റെ ഭാഗമായി സൗജന്യ പ്രമേഹ ശില്പശാല സംഘടിപ്പിച്ചു.

## Article Content

** ** ലോക പ്രമേഹ ദിനമായ നവംബർ 14ന് 'പാർകോ ഹോസ്പിറ്റലിൽ ഡയബത്തോൺ 2024 ന്റെ ഭാഗമായി സൗജന്യ പ്രമേഹ ശില്പശാല സംഘടിപ്പിച്ചു.

പ്രമേഹത്തെ പ്രതിരോധിക്കാനും നിയന്ത്രിക്കാനും രോഗ ബാധിതർക്ക് കൃത്യമായ ദിശാബോധം നൽകുന്നതിനുമായി സംഘടിപ്പിച്ച ശില്പശാല ജനപങ്കാളിത്തം കൊണ്ട് ശ്രദ്ധേയമായി. രാവിലെ 8 മുതൽ ഒരു മണിവരെ നടന്ന ക്യാമ്പിൽ 6100 രൂപ വിലവരുന്ന ഷുഗർ (GRBS), എച്ച്ബിഎ1സി, യൂറിൻ മൈക്രോ ആൽബുമിൻ, ബയോതിസിയോമെട്രി, ലിപ്പിഡ് പ്രൊഫൈൽ, pro BNP (ഹൃദയസംബന്ധമായ അസുഖമുള്ളവർക്ക്) തുടങ്ങിയ ലബോറട്ടറി പരിശോധനകളും കൺസൾട്ടേഷനും ​രോ​ഗങ്ങൾക്കനുസൃതമായി സൗജന്യമായി നൽകി.

വിവിധതരം ലബോറട്ടറി പരിശോധനകൾ, ഡയറ്റ് കൗൺസിലിംഗ്, ഡയബറ്റിക് എക്സസൈസ് പരിശീലനം, ചോദ്യോത്തരങ്ങൾക്കായി ഓപ്പൺ ഫോറം തുടങ്ങിയ സെഷനുകൾ ഉൾപ്പെടുത്തിയിരുന്ന ക്യാമ്പിൽ പാർകോ സീനിയർ കൺസൾട്ടന്റ് ജനറൽ മെഡിസിൻ & ഡയബറ്റോളജിസ്റ്റ് ഡോ. നസീർ പി, അസോസിയേറ്റ് കൺസൾട്ടന്റ് ഡോ. അഫീഫ എ, ഡയറ്റീഷ്യൻ രേഖ രവീന്ദ്രൻ, ഫിസിയോതെറാപ്പിസ്റ്റ് ഷിജിൻ ടി ടി എന്നിവർ സംസാരിച്ചു.

### Related Links & Sources
- [Original Story Source](https://panoor.truevisionnews.com/news/249287/diabathon-2024-a-diabetes-workshop-was-conducted-at-parko-hospital)