---
title: "മുഴുവൻ പ്രതികൾ പിടിയിലായിട്ടും  കുറ്റപത്രം സമർപ്പിച്ചില്ല ;  പാനൂർ ബോംബ് സ്ഫോടനക്കേസിൽ 3 പ്രതികൾക്ക് ജാമ്യം"
english_title: "Although all the accused were arrested, the charge sheet was not submitted;Bail for 3 accused in Panur bomb blast case"
publisher: "panoornews.in"
canonical_url: "https://panoor.truevisionnews.com/news/217691/although-all-the-accused-were-arrested-the-charge-sheet-was-not-submittedbail-for-3-accused-in-panur-bomb-blast-case"
published_at: "2024-07-05T22:57:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66882d0e38551_Untitled-1_copy.jpg"
keywords: []
---

# മുഴുവൻ പ്രതികൾ പിടിയിലായിട്ടും  കുറ്റപത്രം സമർപ്പിച്ചില്ല ;  പാനൂർ ബോംബ് സ്ഫോടനക്കേസിൽ 3 പ്രതികൾക്ക് ജാമ്യം

> **Lead Summary:** **പാനൂർ: ** പാനൂർ ബോംബ് സ്ഫോടനക്കേസിലെ പ്രതികൾക്ക് അനായാസ ജാമ്യം. ഏറെ വിവാദമായ സംഭവം നടന്ന് 90 ദിവസമായിട്ടും കേസിൽ കുറ്റപത്രം സമർപ്പിക്കാത്തതിനാലാണ് കോടതി ജാമ്യം അനുവദിച്ചത്.

## Article Content

**പാനൂർ: ** പാനൂർ ബോംബ് സ്ഫോടനക്കേസിലെ പ്രതികൾക്ക് അനായാസ ജാമ്യം. ഏറെ വിവാദമായ സംഭവം നടന്ന് 90 ദിവസമായിട്ടും കേസിൽ കുറ്റപത്രം സമർപ്പിക്കാത്തതിനാലാണ് കോടതി ജാമ്യം അനുവദിച്ചത്.

പാനൂർ ബോംബ് സ്ഫോടനക്കേസിലെ മൂന്നാം പ്രതി അരുൺ, നാലാം പ്രതി സബിൻ ലാൽ, അഞ്ചാം പ്രതി അതുൽ എന്നിവർക്കാണ് ജാമ്യം അനുവദിച്ചത്. തലശ്ശേരി അഡീഷണൽ ചീഫ് ജുഡീഷ്യൽ മജിസ്ട്രേറ്റ് കോടതിയാണ് ജാമ്യം അനുവദിച്ചത്.

ഇതുവരെ കേസിൽ കുറ്റപത്രം സമർപ്പിച്ചിട്ടില്ല. കഴിഞ്ഞ മാസമാണ് കേസിലെ ഒന്നാം പ്രതി വിനീഷിനെ പൊലീസ് പിടികൂടിയത്.

സ്ഫോടനത്തിൽ പരിക്കേറ്റ് കോയമ്പത്തൂരിൽ ചികിത്സയിലായിരുന്ന വിനീഷ് ആശുപത്രി വിട്ടതോടെയാണ് അറസ്റ്റ് ചെയ്തത്. ബോംബ് നിർമാണത്തിന്റെ മുഖ്യസൂത്രധാരൻ വിനീഷെന്നാണ് പൊലീസ് പറയുന്നത്.

രണ്ടാം പ്രതി ഷെറിൽ സ്ഫോടനത്തിൽ കൊല്ലപ്പെട്ടിരുന്നു. കേസിൽ മുഴുവൻ പ്രതികളും പിടിയിലായിട്ടും പൊലീസ് ഇതുവരെയായിട്ടും കുറ്റപത്രം സമർപ്പിച്ചിട്ടില്ല. ബോംബ് നിർമാണത്തിന് പിന്നിൽ കൊളവല്ലൂരിലെയും പാനൂരിലെയും ക്രിമിനൽ സംഘങ്ങൾ തമ്മിലുള്ള പകയുമാണെന്നാണ് പൊലീസ് പറയുന്നത്.

### Related Links & Sources
- [Original Story Source](https://panoor.truevisionnews.com/news/217691/although-all-the-accused-were-arrested-the-charge-sheet-was-not-submittedbail-for-3-accused-in-panur-bomb-blast-case)