---
title: "ചെറുവത്തൂരിൽ മണ്ണിടിച്ചിൽ, കല്ലും മണ്ണും ദേശീയപാതയിലേക്ക്; ഗതാഗതം പൂർണമായും തടസപ്പെട്ടു "
english_title: "Landslide in Cheruvathur, rocks and soil fall onto the national highway; traffic completely disrupted"
publisher: "panoornews.in"
canonical_url: "https://panoor.truevisionnews.com/news/304193/landslide-in-cheruvathur-rocks-and-soil-fall-onto-the-national-highway-traffic-completely-disrupted"
published_at: "2025-07-23T13:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68809ddbcecd9_ujujujujuj.jpg"
keywords: []
---

# ചെറുവത്തൂരിൽ മണ്ണിടിച്ചിൽ, കല്ലും മണ്ണും ദേശീയപാതയിലേക്ക്; ഗതാഗതം പൂർണമായും തടസപ്പെട്ടു 

> **Lead Summary:** കാസർകോട് ചെറുവത്തൂർ വീരമലക്കുന്നിൽ മണ്ണിടിച്ചിൽ. ഇന്ന് രാവിലെയാണ് സംഭവം. നീലേശ്വരത്തിനും ചെറുവത്തൂരിനും ഇടയിൽ ദേശീയപാതയിലേക്കാണ് മണ്ണിടിഞ്ഞു വീണത്.

## Article Content

കാസർകോട് ചെറുവത്തൂർ വീരമലക്കുന്നിൽ മണ്ണിടിച്ചിൽ. ഇന്ന് രാവിലെയാണ് സംഭവം. നീലേശ്വരത്തിനും ചെറുവത്തൂരിനും ഇടയിൽ ദേശീയപാതയിലേക്കാണ് മണ്ണിടിഞ്ഞു വീണത്.

തുടർന്ന് ​ഗതാഗതം പൂർണമായും തടസപ്പെട്ടു. വീരമലക്കുന്നിലെ മണ്ണും കല്ലുമാണ് ദേശീയപാതയിലേക്ക് പതിച്ചത്. കണ്ണൂർ ഭാ​ഗത്തേക്ക് പോയിരുന്ന വാഹന യാത്രക്കാർ തലനാരിഴയ്ക്കാണ് രക്ഷപ്പെട്ടത്.

മേഘ കൺസ്ട്രക്ഷൻസ് ദേശീയപാത നിർമാണം നടത്തുന്ന ഇടത്താണ് വീരമലക്കുന്ന് ഉള്ളത്. അതീവ ജാഗ്രത പട്ടികയിൽ നേരത്തെ തന്നെ ഇവിടം ഉൾപ്പെടുത്തിയിരുന്നു. നേരത്തെയും ഇവിടെ മണ്ണിടിച്ചിൽ ഉണ്ടായിരുന്നു. തുടർന്ന് ഇതുവഴിയുള്ള ​ഗതാ​ഗതം ഒരു ലൈൻ ആക്കി നിർത്തിയിരുന്നു.

ജില്ലയിൽ മഴ തുടരുന്ന സാഹചര്യത്തിലാണ് കുന്ന് ഇടിഞ്ഞുവീണത്. ഇതോടെ പ്രദേശവാസികൾ ആശങ്കയിലായിരിക്കുകയാണ്. ​ഗതാഗതം പുന:സ്ഥാപിക്കാനുള്ള പ്രവർത്തനങ്ങൾ പുരോഗമിക്കുകയാണ്.

### Related Links & Sources
- [Original Story Source](https://panoor.truevisionnews.com/news/304193/landslide-in-cheruvathur-rocks-and-soil-fall-onto-the-national-highway-traffic-completely-disrupted)