പാനൂരിൽ കണ്ടെത്തിയ സ്റ്റീൽ ബോംബുകൾ ഉഗ്രസ്ഫോടനശേഷിയുള്ളത്, നിർവീര്യമാക്കി ; അന്വേഷണം ഊർജിതം

പാനൂർ:(www.panoornews.in)പാനൂർ മുളിയാത്തോട് നിന്ന് രണ്ട് സ്റ്റീൽ ബോംബുകൾ കണ്ടെത്തിയ സംഭവത്തിൽ അന്വേഷണം ഊർജിതം. 2024 ഏപ്രിലിൽ സ്ഫോടനം നടന്ന സ്ഥലത്തിന് സമീപത്തെ പറമ്പിൽ നിന്നാണ് ബോംബുകൾ കണ്ടെത്തിയത്

Also read: വിദ്യാഭ്യാസ വായ്‌പ ശരിയാക്കി നൽകാമെന്ന് പറഞ്ഞ് പെൺകുട്ടിയെ പീഡിപ്പിച്ചു ; പാനൂരിൽ 3 പേർ അറസ്റ്റിൽ

സ്ഥലത്ത് പോലീസും ബോംബ് സ്ക്വാഡും പരിശോധന നടത്തി.

ചൊവ്വാഴ്ച രാവിലെയാണ് മുളിയാത്തോടെ ആളൊഴിഞ്ഞ പറമ്പിൽ നിന്നും രണ്ട് സ്റ്റീൽ ബോംബുകൾ കണ്ടെത്തിയത്. സ്ഥലം ഉടമ യുപി അനീഷ് തൊഴിലാളികളുമായ് പറമ്പിൽ തേങ്ങ പറിക്കാൻ എത്തിയതായിരുന്നു.തെങ്ങിൻ്റെ ചുവട്ടിലായാണ് 2 സ്റ്റീൽബോംബുകൾ കണ്ടത് ഉടൻതന്നെ വിവരം പാനൂർ പോലീസിൽ അറിയിക്കുകയായിരുന്നു .

Also read: മരണമേ, ഞാൻ എട്ടാം ക്ലാസു മുതൽ ഞാൻ കാത്തിരിക്കുന്നു ; നഴ്സിംഗ് വിദ്യാർത്ഥിനിയുടെ ആത്മഹത്യാക്കുറിപ്പ് വൈറൽ

പാനൂർ എസ് ഐ ടി സുബാഷ് ബാബുവിൻ്റെ നേതൃത്വത്തിലുള്ള പോലീസ് സംഘവും ബോംബ് സ്ക്വാഡും ഡോഗ് സ്ക്വാഡും സസ്ഥലത്തെത്തി പരിശോധന നടത്തി.2024 ഏപ്രിലിൽ ഒരാൾ മരിക്കുകയും 3 പേർക്ക് ഗുരുതരമായി പരിക്കേൽക്കുകയും ചെയ്ത സ്ഫോടനം നടന്ന സ്ഥലത്തിന് സമീപത്തെ പറമ്പിൽ നിന്നാണ് ബോംബുകൾ കണ്ടെത്തിയത്.അതേസമയം കണ്ടെടുത്ത ബോംബുകൾ പൊലീസ് നിർവീര്യമാക്കി.

ഉഗ്ര ശേഷിയുള്ള ഇവ അടുത്തിടെ നിർമ്മിച്ചവയാവാമെന്നാണ് കരുതുന്നത്. മാസങ്ങൾക്ക് മുമ്പ് ഈ പ്രദേശങ്ങളിൽ പൊലീസ് റെയ്ഡ് നടത്തിയിരുന്നു. പൊലീസിൻ്റെ നിരീക്ഷണത്തിൽ പെട്ട സ്ഥലമാണിതെന്നും ബോംബ് കണ്ടെത്തിയത് സംബന്ധിച്ച് വിശദമായ അന്വേഷണം നടത്തുമെന്ന് തലശ്ശേരി എഎസ്പി പി ബി കിരൺ പറഞ്ഞു. ബോംബ് സ്ക്വാഡ് എ എസ് ഐ ബിനീഷ് സി പി , ജിജിൻരാജ് , ജോൺസൺ, ഡോഗ് സ്ക്വാഡ് അംഗം രമിത്ത് എന്നിവർ പരിശോധനക്ക് നേതൃത്വം നൽകി.

Steel bombs found in Panur have high explosive potential, have been neutralized; investigation intensifies