---
title: "പാനൂർ മേഖലയിൽ നിന്നുമുള്ള ഹജ്ജാജിമാർക്കുള്ള എ.കെ.സി.സിയുടെ  യാത്രയയപ്പ്   ഞായറാഴ്ച"
english_title: "AKCC sends off pilgrims from Panur region on Sunday"
publisher: "panoornews.in"
canonical_url: "https://panoor.truevisionnews.com/news/287220/akcc-sends-off-pilgrims-from-panur-region-on-sunday"
published_at: "2025-05-01T15:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/681349216985e_ffff.jpg"
keywords: []
---

# പാനൂർ മേഖലയിൽ നിന്നുമുള്ള ഹജ്ജാജിമാർക്കുള്ള എ.കെ.സി.സിയുടെ  യാത്രയയപ്പ്   ഞായറാഴ്ച

> **Lead Summary:** പാനൂർ: പാനൂർ പ്രെഫസർ അബ്ദുൽ ഖാദർ കൾചറൽ സെൻ്റർ (എകെസിസി) പാനൂർ ഏരിയ കമ്മിറ്റിയുടെ നേതൃത്വത്തിൽ പാനൂർ മേഖലയിൽ നിന്നും ഈ വർഷം ഹജ്ജ് തീർത്ഥാടനത്തിന് പോകുന്നവർക്ക് യാത്രയയപ്പ് നൽകുന്നു.

## Article Content

പാനൂർ: പാനൂർ പ്രെഫസർ അബ്ദുൽ ഖാദർ കൾചറൽ സെൻ്റർ (എകെസിസി) പാനൂർ ഏരിയ കമ്മിറ്റിയുടെ നേതൃത്വത്തിൽ പാനൂർ മേഖലയിൽ നിന്നും ഈ വർഷം ഹജ്ജ് തീർത്ഥാടനത്തിന് പോകുന്നവർക്ക് യാത്രയയപ്പ് നൽകുന്നു.

മെയ് നാലിന് രാവിലെ 10 മണിക്ക് പാനൂർ പൂക്കോം റോഡിൽ ഒമാസ് ഓഡിറ്റോറിയത്തിൽ നടക്കുന്ന യാത്രയയപ്പ് സമ്മേളനം കേരള ഹജ്ജ് കമ്മിറ്റി ചെയർമാൻ ഡോ: ഹുസൈൻ സഖാഫി ചുള്ളിക്കോട് ഉദ്ഘാടനം ചെയ്യും. ഡോ :ടികെ മുനീർ അധ്യക്ഷനാവും.ജില്ലാ പഞ്ചായത്തംഗം മുഹമ്മദ് അഫ്സൽ ഉപഹാര സമർപ്പണം നടത്തും.

എസ് വൈ എസ് സംസ്ഥാന വൈസ് പ്രസിഡൻ്റ് അബ്ദുൽ റഷീദ് സഖാഫി മെരുവമ്പായി, കേരള ഹജ്ജ് കമ്മിറ്റിയംഗം ഒ വി ജാഫർ, എസ്കെഎസ് എസ്എഫ് ജില്ലാ വൈസ് പ്രസിഡൻ്റ് അനസ് ഹൈതമി, കെഎൻഎം ജില്ലാ വൈസ് പ്രസിഡൻ്റ് യാക്കൂബ് എലാങ്കോട് എന്നിവർ സംസാരിക്കും. വാർത്താസമ്മേളനത്തിൽ കെ നൗഷാദ്, ഡോ: ടികെ മുനീർ, ഹാരിസ് മരക്കാർ, അഷ്റഫ് വര്യയിൽ, റഷീദ് അണിയാരം എന്നിവർ പങ്കെടുത്തു

### Related Links & Sources
- [Original Story Source](https://panoor.truevisionnews.com/news/287220/akcc-sends-off-pilgrims-from-panur-region-on-sunday)