---
title: "ഭർത്താവ് ചതിച്ചു, ദേശീയപാതയിൽ കാറിൻ്റെ ബോണറ്റിന് മുകളിൽ കയറിയിരുന്ന് യുവതിയുടെ പ്രതിഷേധം"
english_title: "Woman protests by sitting on car bonnet on national highway after husband cheats on her"
publisher: "panoornews.in"
canonical_url: "https://panoor.truevisionnews.com/news/285130/woman-protests-by-sitting-on-car-bonnet-on-national-highway-after-husband-cheats-on-her"
published_at: "2025-04-22T19:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6807a145d0e17_68079cc14d7d8_women.jpg"
keywords: []
---

# ഭർത്താവ് ചതിച്ചു, ദേശീയപാതയിൽ കാറിൻ്റെ ബോണറ്റിന് മുകളിൽ കയറിയിരുന്ന് യുവതിയുടെ പ്രതിഷേധം

> **Lead Summary:** ഭർത്താവ് തന്നോട് വിശ്വാസ വഞ്ചന കാട്ടിയെന്ന് ആരോപിച്ച് ദേശീയപാതയിൽ വാഹനങ്ങൾ തടഞ്ഞ് ഭാര്യയുടെ പ്രതിഷേധം. ഉത്ത‌ർ പ്രദേശിലാണ് സംഭവം. യു പി പ്രയാ​ഗ് രാജ് കാൺപൂർ ദേശീയ പാതയിലാണ് സംഭവം.

## Article Content

ഭർത്താവ് തന്നോട് വിശ്വാസ വഞ്ചന കാട്ടിയെന്ന് ആരോപിച്ച് ദേശീയപാതയിൽ വാഹനങ്ങൾ തടഞ്ഞ് ഭാര്യയുടെ പ്രതിഷേധം. ഉത്ത‌ർ പ്രദേശിലാണ് സംഭവം. യു പി പ്രയാ​ഗ് രാജ് കാൺപൂർ ദേശീയ പാതയിലാണ് സംഭവം.

ഭ‌ർത്താവ് തന്നെ ചതിക്കുകയാണെന്ന് ആരോപിച്ച് കാറിന് മുകളിൽ കയറിയിരുന്നായിരുന്നു യുവതിയുടെ ​പ്രതിഷേധം. യുവതിയുടെ കൈകളിലും മുഖത്തും മുറിവേറ്റ നിലയിലായിരുന്നു കാണപ്പെട്ടിരുന്നത്.

പ്രതിഷേധം തുട‍ർന്നതോടെ ​ഗതാ​ഗത കുരുക്ക് മുറുകി. 45 മിനിറ്റോളം യുവതി പ്രതിഷേധവുമായി ദേശിയപാതയിൽ തന്നെ തമ്പടിച്ചു. പലരും പരാതി അറിയിച്ചതിനെ തുട‍ർന്ന് പൊലീസ് സ്ഥലത്തെത്തി. തുടർന്ന് ഇവരെ അനുനയിപ്പിച്ച് സ്റ്റേഷനിൽ എത്തിച്ചു. സംഭവത്തിൽ അന്വേഷണം നടന്നു വരികയാണ്.

### Related Links & Sources
- [Original Story Source](https://panoor.truevisionnews.com/news/285130/woman-protests-by-sitting-on-car-bonnet-on-national-highway-after-husband-cheats-on-her)