പാനൂർ ഗവ.താലൂക്കാശുപത്രിയിലെ തീപ്പിടുത്തം, ഒഴിവായത് വൻ അപകടം ; 10 ലക്ഷത്തോളം രൂപയുടെ നഷ്ടം

പാനൂർ:(www.panoornews.in)  പാനൂർ ഗവ. താലൂക്കാശുപത്രിയിൽ ജനറേറ്റർ തീപിടിച്ച് കത്തി നശിച്ച സംഭവത്തിൽ ഒഴിവായത് വൻ അപകടം. ജനറേറ്റർ പ്രവർത്തിച്ചുകൊണ്ടിരിക്കെയാണ് തീപ്പിടുത്തമുണ്ടായത്. കനത്ത പുകപടലമുയർന്നതേ തുടർന്ന് രോഗികളും ജീവനക്കാരും പുറത്തേക്ക് ഓടിരക്ഷപ്പെട്ടു.

Also read: മണ്ണിറക്കാൻ വന്ന ടിപ്പർ ലോറി കിണറ്റിലേക്ക് മറിഞ്ഞെന്ന് ; കുന്നോത്ത്പറമ്പ് പ്രദേശത്തെയാകെ ഭീതിയിലാഴ്ത്തി കള്ളക്കഥമെനഞ്ഞ വിരുതരെ കുടുക്കാൻ വലവിരിച്ച് കൊളവല്ലൂർ പൊലീസ്

പാനൂർ ഗവ. താലൂക്കാശുപത്രിയിൽ 11.45 ഓടെയാണ് പ്രവർത്തിച്ചുകൊണ്ടിരിക്കെ ജനറേറ്ററിൽ നിന്നും തീയാളിയത്. ആശുപത്രി കോമ്പൗണ്ടിൽ ആണ് ജനറേറ്റർ ഉണ്ടായിരുന്നത്. രൂക്ഷമായ പുകപടലമുയർന്നതോടെ രോഗികളും ജീവനക്കാരും പുറത്തിറങ്ങിയോടി.

Also read: പുഴയിൽ കുളിക്കുന്നതിനിടയിൽ സഹോദരങ്ങൾ ഒഴുക്കിൽപ്പെട്ടു, ഒരാൾക്ക് ദാരുണാന്ത്യം

ഈ സമയം കുട്ടികളടക്കം നിരവധിയാളുകൾ സ്ഥലത്തുണ്ടായിരുന്നു.ഇവരെല്ലാം ഓടി റോഡിലേക്ക് മാറി. കത്തിയ ജനറേറ്ററിനരികെ വാഹനങ്ങളും നിർത്തിയിട്ടിരുന്നു.

ഇവ മാറ്റിയതിനാൽ വൻ അപകടമാണൊഴിവായത്. മെഡിക്കൽ ഓഫീസർ ഐ.അനിൽകുമാർ വിവരമറിയിച്ചതിനെ തുടർന്ന് സ്ഥലത്തെത്തിയ പാനൂർ ഫയർഫോഴ്സ് ഏറെ നേരം പരിശ്രമിച്ചാണ് തീയണച്ചത്‌. സ്റ്റേഷൻ ഹൗസ് ഓഫീസർ ശ്രീജിത്ത്, സീനിയർ ഓഫീസർ സൂരജ്, സേനാംഗങ്ങളായ ജിജേഷ്, രാഹുൽ, സുഭാഷ്, അജീഷ്, ശ്രീവത്സൻ, വിനിൽ, രത്നാകരൻ എന്നിവർ തീയണക്കാൻ നേതൃത്വം നൽകി.

Also read: കാല്‍ തെന്നി വീഴാന്‍ സാധ്യതയില്ല ; മെഡിക്കല്‍ വിദ്യാര്‍ത്ഥിനിയുടെ മരണത്തില്‍ അസ്വാഭാവികതയുണ്ടെന്ന് കുടുംബം

മറ്റ് മുറികളിലേക്ക് തീ പടരാതിരുന്നതിനാൽ വൻ അപകടമാണ് ഒഴിവായത്. ജനറേറ്റർ പൂർണമായും കത്തിനശിച്ചു. അനുബന്ധ വയറിംഗ് സാമഗ്രികളും കത്തിനശിച്ചു. ഏതാണ്ട് 10 ലക്ഷത്തോളം രൂപയുടെ നഷ്ടം കണക്കാക്കുന്നുണ്ട്.

#Panoor #Government Taluk #Hospital, a major #accident was averted; Loss of around Rs. 10 lakh