തലശേരിയിൽ ഗുണ്ടൽപേട്ടിനെ വെല്ലുന്ന തരത്തിൽ പൂ കൃഷിയുമായി തലശേരി പ്രാഥമിക സഹകരണ കാർഷിക ഗ്രാമവികസന ബാങ്ക് ; മാവേലിക്കൊപ്പം സെൽഫി പോയിൻ്റിൽ തിരക്കോട് തിരക്ക്

(www.panoornews.in)  ഓണത്തോടനുബന്ധിച്ച് തലശേരി പ്രാഥമിക സഹകരണ കാർഷിക ഗ്രാമവികസന ബാങ്ക് ഒരുക്കിയ ചെണ്ടുമല്ലി കൃഷി പുത്തൻ കാഴ്ചയായി.

Also read: കണ്ണൂരിൽ സ്കൂട്ടർ ടിപ്പർ ലോറിയിലിടിച്ച് അപകടം; അമ്മക്കും മകൾക്കും പരിക്ക്

വിടർന്നു നിൽക്കുന്ന പൂക്കൾക്കിടയിലൂടെ മാവേലിക്കൊപ്പം സെൽഫി എന്ന പുതിയ ആശയമാണ് ബാങ്ക് നടപ്പാക്കുന്നത്. നിരവധി പേരാണ് സെൽഫിയെടുക്കാൻ എത്തുന്നത്.

ഇക്കഴിഞ്ഞ ജൂലൈ 26നാണ് തലശേരി പ്രാഥമിക സഹകരണ കാർഷിക വികസന ബാങ്ക് മട്ടുപ്പാവിൽ ചെണ്ടുമല്ലി കൃഷിയാരംഭിച്ചത്. എരഞ്ഞോളി ഗ്രാമപഞ്ചായത്ത് പ്രസി.എം പി ശ്രീഷ ഉദ്ഘാടനം ചെയ്ത ചെണ്ടുമല്ലികൃഷി ഏവരെയും അമ്പരപ്പിക്കുമാറ് പൂവിടുകയായിരുന്നു.

Also read: പ്രചരിക്കുന്നത് വയനാട്ടിലെ ചെലവുകളുടെ കണക്കല്ല ; കേന്ദ്രത്തിന് നൽകിയ നിവേദനത്തിലെ വിവരങ്ങളാണെന്ന് മുഖ്യമന്ത്രി

ബാങ്കിൻ്റെ തലശേരി ബ്രാഞ്ച് മാനേജർ ആർ.പി സജ്ന, ജോർജ് ജയിംസ്, കെ.കെ മഞ്ജുഷ, കെ. റീജ എം പി സജീഷ് എന്നിവർ രാവിലെയും വൈകീട്ടും ഊഴമിട്ട് പരിപാലിച്ചു.

300 ഓളം ചെടിച്ചട്ടികളിലാണ് ചെണ്ടുമല്ലി ഗുണ്ടൽപേട്ടിനെ വെല്ലുന്ന തരത്തിൽ വിളഞ്ഞത്. ഇതോടെ വിളവെടുപ്പ് ഉത്സവാന്തരീക്ഷത്തിൽ തന്നെ നടത്തി.

Also read: തിരുവോണം, വിറ്റത് 124 കോടിയുടെ മദ്യം ; ഒന്നും, രണ്ടും സ്ഥാനം കൊല്ലത്തിന്

തലശേരി ബ്ലോക്ക് പഞ്ചായത്ത് പ്രസിഡണ്ട് സി.പി. അനിത വിളവെടുപ്പ് ഉദ്ഘാടനം നിർവഹിച്ചു. ബാങ്ക് പ്രസിഡന്റ് എ.അശോകൻ അധ്യക്ഷത വഹിച്ചു. റീജിണൽ മനേജർ വി.ശ്രീകല, കെ.വി. പവിത്രൻ, വി.ഫിറോസ്, വി.പി നാണു, കെ.സതി, കെ.സുരിജ എന്നിവർ സംസാരിച്ചു.

ബാങ്ക് സെക്രട്ടറി പി.വി ജയൻ സ്വാഗതം പറഞ്ഞു. തലശേരി ബ്രാഞ്ചിന് സമീപത്തു തന്നെ പൂക്കൾക്കൊപ്പം മാവേലിയുടെ കൂറ്റൻ കട്ടൗട്ടും സ്ഥാപിച്ച് സെൽഫിയെടുക്കാൻ സൗകര്യവും ബാങ്ക് ഏർപ്പെടുത്തിയിട്ടുണ്ട്. ഈ ഓണക്കാലം വരെ സെൽഫി പോയിൻ്റ് നിലനിർത്തും. കുട്ടികളടക്കം നിരവധിയാളുകളാണ് സെൽഫിയെടുക്കാൻ എത്തുന്നത്.

Thalassery Primary Co-operative Agriculture Rural Development Bank with flower cultivation in Thalassery to beat Gundalpet; Busy with Maveli at the selfie point