വരയിൽ നിന്നും എഴുത്തിലേക്ക് ; അനിരുദ്ധൻ എട്ടുവീട്ടിലിൻ്റെ പ്രഥമ കവിതാ സമാഹാരം '8ൻ്റെ കവിതകൾ' പ്രകാശനം 7ന്

പാനൂർ :(www.panoornews.in) പ്രശസ്ത ചിത്രകാരൻ അനിരുദ്ധൻ എട്ടുവീട്ടിലിൻ്റെ പ്രഥമ കവിതാ സമാഹാരം 8 ൻ്റെ കവിതകൾ വ്യാഴാഴ്ച പ്രകാശനം ചെയ്യും. 48 കവിതകളാണ് കൈരളി ബുക്സ് പ്രസിദ്ധീകരിക്കുന്ന 8 ൻ്റെ കവിതകളിലുള്ളത്. ചിത്രകലാരംഗത്ത് തൻ്റെതായ ഇടം നേടിയ ചിത്രകാരനാണ് അനിരുദ്ധൻ എട്ടുവീട്ടിൽ.

Also read: നവീൻ ബാബുവിൻ്റേത് സജീവ സി പി എം കുടുംബം ; അമ്മ മുൻ പഞ്ചായത്തംഗം, ഭാര്യാപിതാവ് മൂന്ന് തവണ ലോക്കൽ സെക്രട്ടറി

പാനൂർ വെസ്റ്റ് യുപി, പാനൂർ ഹയർ സെക്കൻ്ററി സ്കൂൾ, ഗവ. ബ്രണ്ണൻ കോളേജ്, കേരള സ്കൂൾ ഓഫ് ആർട്സ് എന്നിവിടങ്ങളിലെ വിദ്യാഭ്യാസത്തിനു ശേഷം പി ആർ മെമ്മോറിയൽ ഹയർ സെക്കൻ്ററി, കെ.കെ.വി മെമ്മോറിയൽ ഹയർ സെക്കൻ്ററി എന്നിവിടങ്ങളിൽ ദീർഘകാലം ചിത്രകലാ അധ്യാപകനായി സേവനമനുഷ്ഠിച്ചു. സംസ്ഥാന - ജില്ലാ കഥാ കവിതാ മത്സരങ്ങളിൽ പങ്കെടുത്ത് പുരസ്ക്കാരങ്ങൾ നേടിയിട്ടുണ്ട്.

ന്ത്യയ്ക്കകത്തും പുറത്തും 12 ഓളം ഏകാംഗ ചിത്രപ്രദർശനവും, നിരവധി കൂട്ടുപ്രദർശനവും നടത്തിയിട്ടുണ്ട്. ചിത്രകലാ രംഗത്ത് ഏറെ ശ്രദ്ധേയനായ അനിരുദ്ധന് ആർകെ പൊറ്റശ്ശേരി പുരസ്കാരവും ലഭിച്ചിട്ടുണ്ട്. സാമൂഹ്യ രാഷ്ട്രീയ മേഖലകളിൽ സജീവ സാന്നിധ്യമായ അനിരുദ്ധൻ ചെറുപ്പകാലത്തെ അനുഭവങ്ങളടക്കമാണ് കവിതകളിലേക്ക് പകർത്തിയത്. 48 കവിതകളാണ് 8 ൻ്റെ കവിതകൾ എന്ന് പേരിട്ടിരിക്കുന്ന പുസ്തകത്തിലുള്ളതെന്ന് അനിരുദ്ധൻ പറഞ്ഞു.

Also read: യാത്രയയപ്പ് പോലുള്ള യോഗങ്ങളിൽ ക്ഷണിക്കാതെയെത്തി അഭിപ്രായം പറയണൊ എന്ന് ബന്ധപ്പെട്ടവർ ചിന്തിക്കണമെന്ന് കേരള എൻജിഒ യൂണിയൻ ; നവീൻ ബാബു മികച്ച വ്യക്തിത്വമെന്നും യൂണിയൻ

48 കവിതകൾക്കും ചിത്രഭാഷ്യം ഒരുക്കിയതും അദ്ദേഹം തന്നെയാണ്. വ്യാഴാഴ്ച വൈകീട്ട് 3.30ന് പാനൂർ സുമംഗലി ഓഡിറ്റോറിയത്തിൽ നടക്കുന്ന ചടങ്ങിൽ കേരള സംഗീത നാടക അക്കാഡമി സെക്രട്ടറി കരിവള്ളൂർ മുരളി പുസ്തകം പി.ഹരീന്ദ്രന് നൽകി പ്രകാശനം ചെയ്യും. കെ.പി മോഹനൻ എം എൽ എ മുഖ്യാതിഥിയാകും. കെ.കെ പവിത്രൻ, എം.കെ മനോഹരൻ, ഡോ. വി. രാമചന്ദ്രൻ, രാജു കാട്ടുപുനം, വി.പി ചാത്തു, കൈരളി ബുക്സ് എംഡി ഒ. അശോക് കുമാർ എന്നിവരടക്കം ഒട്ടേറെ പ്രമുഖർ ചടങ്ങിൽ സംബന്ധിക്കും.

From drawing to writing;Anirudhan Ettuveetil's first collection of poems '8'nte Kavitaval' will be released on 7