ഒറ്റ നമ്പർ ചൂതാട്ടം ; ഒന്നരലക്ഷം രൂപയുമായി ചൊക്ലിയിൽ യുവാവ് അറസ്റ്റിൽ

Dec 12, 2024 02:45 PM | By Rajina Sandeep

ചൊക്ലി :(www.panoornews.in)ചൊക്ലിയിൽ ഒറ്റനമ്പർ ലോട്ടറി ചൂതാട്ട സംഘത്തിലെ ഒരാളെ പൊലീസ് അറസ്റ്റ് ചെയ്തു. ചൊക്ലി കവിയൂരിലെ അറഫാ മൻസിൽ വണ്ണാന്റവിടെ വി.പി.റംഷിദി നെയാണ് ചൊക്ലി പോലീസ് പിടികൂടിയത്.. ഇയാളിൽനിന്നും 1,57,060 രൂപയും പിടിച്ചെടുത്തു.

Also read: കാറും ലോറിയും കൂട്ടിയിടിച്ചു അപകടം; തമിഴ്നാട്ടിൽ 3 മലയാളികൾക്ക് ദാരുണാന്ത്യം, ഒരാൾക്ക് ഗുരുതര പരിക്ക്

തലശ്ശേരി എ.എസ്.പി. കെ.എസ്. ഷഹൻഷയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ വീട്ടിൽ നടത്തിയ പരിശോധനയിൽ നോട്ട് ബുക്കിൽ പകർത്തിയും വാട്‌സാപ്പ് സന്ദേശം വഴിയും നടത്തിയ ചൂതാട്ടം കണ്ടെത്തി. സബ് ഇൻസ്പെക്ടർ കെ.സജിത്തിൻ്റെ നേതൃത്വത്തിൽ എ.എസ്.ഐ. ഒ.കെ.സുലൈഖ, കെ. സബീഷ്, പി.കെ. ചിത്രൻ, സിജിൽ തറാൽ എന്നിവരടങ്ങിയ സംഘമാണ് പരിശോധന നടത്തിയത്.

Also read: ഓട്ടോറിക്ഷയിൽ സഞ്ചരിച്ച് എംഡിഎംഎ വിൽപ്പന; നാദാപുരത്ത് ഓട്ടോ ഡ്രൈവർ അറസ്റ്റിൽ

കേരള സംസ്ഥാന ലോട്ടറിയുടെ അതത് ദിവസത്തെ ഒന്നാം സമ്മാനം ലഭിക്കുന്ന നമ്പറിൻ്റെ അവസാന മൂന്നക്കത്തെ അടിസ്ഥാനമാക്കി സമാന്തരമായി ലോട്ടറി നടത്തുകയാണ് രീതി. പത്തു രൂപ അടച്ചാൽ ആയിരം രൂപയും 100 രൂപ അടച്ചാൽ 5000 രൂപയും നമ്പറൊത്താൽ നൽകുകയാണ് രീതി. രണ്ട് നോട്ടുബുക്കും മൊബൈൽ ഫോണും പോലീസ് കസ്റ്റഡിയിലെടുത്തിട്ടുണ്ട്.