ഭൂമിയല്ലാതെ മറ്റൊരു സ്വർഗമുണ്ടെന്നത് തട്ടിപ്പാണെന്ന് ബാലാവകാശ കമ്മീഷൻ ചെയർമാൻ കെ.വി മനോജ് കുമാർ ; പന്ന്യന്നൂരിൽ 'നിറം അനുമോദനം 2K24' സംഘടിപ്പിച്ചു

പന്ന്യന്നൂർ :(www.panoornews.in)  നമ്മൾ ജീവിക്കുന്ന ഭൂമിയാണ് സ്വർഗമെന്ന തിരിച്ചറിവുണ്ടാകണമെന്ന് സംസ്ഥാന ബാലാവകാശ കമ്മീഷൻ ചെയർമാൻ കെ.വി മനോജ് കുമാർ. ഹൂറിമാരുള്ള സ്വർഗമുണ്ടെന്നൊക്കെ പറയുന്നത് തെറ്റായ ധാരണകളാണെന്നും അദ്ദേഹം പറഞ്ഞു.

Also read: 30 കുപ്പി മാഹിമദ്യവുമായി നാദാപുരം സ്വദേശികൾ പിടിയിൽ

പന്ന്യന്നൂരിൽ നിറം ആർട്സ് ആൻറ് സ്പോർട്സ് ക്ലബിൻ്റെ നേതൃത്വത്തിൽ നടന്ന നിറം അനുമോദനം 2K24 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഈ ഭൂമിയാണ് നമ്മുടെ സ്വർഗം. ഹൂറിമാരുള്ള സ്വർഗമുണ്ടെന്നതൊക്കെ തെറ്റാണ്. ഈ ഭൂമിയിൽ സ്വപ്നങ്ങൾക്കാണുകയും, പ്രാവർത്തികമാക്കുകയും വേണം. നിറമുള്ള സ്വപ്നങ്ങൾക്കാണാൻ കുട്ടികളെ പ്രാപ്തരാക്കുകയാണ് വേണ്ടതെന്നും കെ.വി മനോജ് കുമാർ പറഞ്ഞു.

Also read: കുട്ടിയുടെ കഴുത്തിലെ സ്വർണമാല മോഷ്ടിച്ചു; രണ്ട് സ്ത്രീകൾ പിടിയിൽ

പാനൂർ ബ്ലോക്ക് പഞ്ചായത്ത് പ്രസിഡണ്ട് എ. ശൈലജ ആധ്യക്ഷയായി. പ്രദീപൻ മാലോത്ത് മോട്ടിവേഷൻ ക്ലാസെടുത്തു. റിട്ട.എ.ഇ.ഒ തിലകൻ കെ. സാന്ദ്രം, നിറം സെക്രട്ടറി ബി. ബൈജു, ട്രഷറർ സനൽ പറമ്പത്ത് എന്നിവർ സംസാരിച്ചു.

സീ കേരള സരിഗമ ഫെയിം ദേവാഞ്ജന മഹിജൻ, പ്രശസ്ത ക്രിക്കറ്റ് താരം ഖലീൽ കാസിം, ചിത്രകാരൻ പവി കോയ്യോട്, റാങ്ക് ജേതാവ് ടി.കെ വൈഷ്ണവ് എന്നിവരെ അനുമോദിച്ചു. എസ്.എസ്.എൽ.സി, പ്ലസ്ടു പരീക്ഷകളിൽ ഉന്നത വിജയം നേടിയവരെയും ചടങ്ങിൽ അനുമോദിച്ചു.

Child Rights Commission Chairman KV Manoj Kumar said that there is a heaven other than earth is a hoax;Organized 'Niram Anumodanam 2K24' at Panniannur