കണ്ണൂർ :(www.panoornews.in) കണ്ണോത്തുംചാലിൽ ബൈക്കും ലോറിയും കൂട്ടിയിടിച്ച് വിദ്യാർഥി മരിച്ചു. എടക്കാട് കടമ്പൂർ ജുമാ മസ്ജിദിന് സമീപത്തെ അവാൽ തൈക്കേത്ത് ശിഹാബ്-അഫീദ ദമ്പതികളുടെ മകൻ നസൽ (19) ആണ് മരിച്ചത്. ബൈക്ക് ഓടിച്ച സുഹൃത്തും ഒരേ ക്ലാസിലെ പഠിതാവുമായ മാവിലായി സ്വദേശി പരിക്കില്ലാതെ രക്ഷപ്പെട്ടു.
![](https://tvn.zdn.im/img/truevisionnews.com/0/image-uploads/65bcba402641b_v cart box.jpg)
ചൊവ്വ ധർമ സമാജത്തിനു സമീപം ബുധനാഴ്ച വൈകീട്ട് നാലിനാണ് അപകടം. എടക്കാടുനിന്ന് കണ്ണൂരിലേക്ക് പോവുകയായിരുന്ന ഇരുവരും സഞ്ചരിച്ച ബൈക്ക് ലോറിയുമായി കൂട്ടിയിടിക്കുകയായിരുന്നു.
ബൈക്കിന് പിറകിൽ സഞ്ചരിക്കുകയായിരുന്നു നസൽ. പ്ലസ്ടു പാസായ നസൽ തുടർപഠനാവശ്യാർഥം ബംഗളൂരുവിൽ പോയി ചൊവ്വാഴ്ച തിരിച്ചെത്തിയതായിരുന്നു. സഹോദരങ്ങൾ: ആയിശ, സയാൻ.
A student met a tragic end in a collision between a bike and a lorry in Kannur
![](https://tvn.zdn.im/img/truevisionnews.com/0/assets/images/truevision-whatsapp.jpeg)