പാനൂർ:(www.panoornews.in) വ്യാപാരി വ്യവസായി ഏകോപന സമിതി പാനൂർ യൂനിറ്റ് കമ്മിറ്റി ഭാരവാഹികളുടെ തെരഞ്ഞടുപ്പ് നാളെ സ്ഥാനം നിലനിർത്താൻ ഔദ്യോഗിക പക്ഷവും, പുതിയ ഭരണസമിതി രൂപീകരിക്കാൻ മറ്റൊരു വിഭാഗവും മത്സരത്തിനായി രംഗത്തുണ്ട്. നിലവിലുള്ള കമ്മിറ്റി പ്രസിഡണ്ട് കെ.കെ.പുരഷോത്തമന്റെ നേതൃത്വത്തിലുള്ള ഔദ്യോഗിക പക്ഷവും, കെ.ടി.ശ്രീധരന്റെ നേതൃത്വത്തിലുള്ള മറ്റൊരു വിഭാഗവുമാണ് തെരഞ്ഞെടുപ്പ് രംഗത്തുള്ളത്. ഇരു വിഭാഗവും മെമ്പർമാരെ കണ്ട് വോട്ടഭ്യർത്ഥനകളുമായി സജീവമായിരിക്കയാണ്.
പാനൂരിലെ വ്യാപാരികളനുഭവിക്കുന്ന നിരവധി പ്രശ്ന ങ്ങൾക്ക് വേണ്ടി ശക്തമായ പ്രവർത്തനമാണ് ഇതുവരെ നടത്തിവന്നിരിക്കുന്നതെന്നും, നിലവിലുള്ള കമ്മിറ്റി തുടർന്നും ആവശ്യമാണെന്നുമാണ് ഔദ്യോഗിക പക്ഷത്തിന്റെ വാദം. എന്നാൽ വ്യാപാരികളുടെ പൊതുവായ പ്രശ്നങ്ങളിൽ ശക്തമായി ഇടപെടാൻ കമ്മിറ്റിക്ക് സാധിച്ചിട്ടില്ലെന്നും ബാഹ്യ ശക്തികൾക്ക് മുന്നിൽ പലപ്പോഴും കീഴടങ്ങി സംഘടനയുടെ അസ്ഥിത്വം തന്നെ ഇല്ലാതാക്കാൻ ചില ഭാരവാഹികൾ ശ്രമിച്ചെന്നുമാണ് മറുപക്ഷത്തിൻന്റെ വാദം.
നിഷ്ക്രിയമായ കമ്മിറ്റിയായിരുന്നു നിലവിലുണ്ടായിരുന്നതെന്നും. ഇത് മാറി വ്യാപാരികളുടെ കൂടെ നിൽക്കുന്നവരായിരിക്കണം നേതൃത്വത്തിൽ വേണ്ടതെന്നും നിലവിലുള്ള കമ്മിറ്റിയെ മാറ്റി നിർത്തുന്നതായിരിക്കും സംഘടനയുടെ കെട്ടുറപ്പിന് അഭികാമ്യമെന്നും എതിർവിഭാഗം പറയുന്നു.
The election of office-bearers of the Panur Unit Committee of the Traders and Traders Coordination Committee will be held tomorrow