പൊയിലൂർ തൊടുവച്ചീന്റവിട ശാക്തേയദേവീക്ഷേത്രം പ്രതിഷ്ഠാവാർഷികാഘോഷത്തോടനുബന്ധിച്ച് കുടുംബ സംഗമം നടത്തി. 3 ദിവസങ്ങളിലായി നടന്ന ക്ഷേത്രോത്സവത്തിൽ പങ്കെടുക്കാൻ നൂറു കണക്കിന് ഭക്തർ ക്ഷേത്രത്തിലെത്തിയിരുന്നു. ഹിന്ദു ഐക്യ വേദി സംസ്ഥാന വർക്കിംഗ് പ്രസിഡണ്ട് വത്സൻ തില്ലങ്കേരി ഉദ്ഘാടനം ചെയ്തു. ക്ഷേത്ര കമ്മിറ്റി പ്രസിഡണ്ട് ടി.പി.അനന്തൻ മാസ്റ്റർ അദ്ധ്യക്ഷനായി.
കുടുംബത്തിലെ ഇരട്ടകളായി ജനിക്കുകയും ഒന്നിച്ചു ഡോക്ടർമാരാകുകയും ചെയ്ത എ.കെ അർഷ, എ.കെ അൻഷി എന്നിവരെയും ദന്തൽ ഡോക്ടർ അംഗിത തേജസ്, സിവിൽ എഞ്ചിനീയർ കെ.എസ്.ഇ യദുൽ എന്നി വരെ പി.കെ.ബാലകൃഷ്ണനും, ആദ്യകാല പൂരക്കളി കലാകാരൻ പനിച്ചിങ്ങ ഗോവിന്ദനെ സി.രാഘവനും അനുമോദിച്ചു. കഴിഞ്ഞ ദിവസങ്ങളിൽ കലാപരിപാടി അവതരിപ്പിച്ച പ്രതിഭകൾക്കുള്ള പുരസ്ക്കാരം വത്സൻ തില്ലങ്കേരി നൽകി. വി.പി.സുരേന്ദ്രൻ മാസ്റ്റർ, വി.പി.രവീന്ദ്രൻ മാസ്റ്റർ എന്നിവർ സംസാരിച്ചു. നൂറു കണക്കിനാളുകൾ പങ്കെടുത്ത പരിപാടിക്ക് ജനറൽ സെക്രട്ടറി സജീവൻ യദുകുലം സ്വാഗതവും ജോ. സെക്രട്ടറി വി.പി.രാജീവൻ നന്ദിയും പറത്തു. വടകര രതി ലാൽ & പാർട്ടി അവതരിപ്പിച്ച കോമഡി ഷോയും ഗാനമേളയും അരങ്ങേറി. രാത്രി 8.10 ന് നടന്ന ശാക് തേയ പൂജയോടെ മൂന്നു ദിവസത്തെ ഉൽസവം സമാപിക്കും.
Poilur Thoduvachintavitha Shakteya Devi Temple held a family gathering on the occasion of the dedication anniversary celebration.