---
title: "മൂന്നാം വർഷ എം.ബി.ബി.എസ് വിദ്യാർത്ഥിനി  തൂങ്ങി മരിച്ച നിലയിൽ"
english_title: "Third year MBBS student found hanging"
publisher: "panoornews.in"
canonical_url: "https://panoor.truevisionnews.com/news/281983/third-year-mbbs-student-found-hanging"
published_at: "2025-04-07T22:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67f40408153c4_download_(4).jpg"
keywords: []
---

# മൂന്നാം വർഷ എം.ബി.ബി.എസ് വിദ്യാർത്ഥിനി  തൂങ്ങി മരിച്ച നിലയിൽ

> **Lead Summary:** കളമശേരി മെഡിക്കൽ കോളജ് ഹോസ്റ്റലിൽ മൂന്നാം വർഷ എം.ബി.ബി.എസ് വിദ്യാർത്ഥിനി തൂങ്ങി മരിച്ച നിലയിൽ. കാസർകോട് ഹോസ്ദുർഗ് സ്വദേശി അമ്പിളി ആണ് മരിച്ചത്.

## Article Content

കളമശേരി മെഡിക്കൽ കോളജ് ഹോസ്റ്റലിൽ മൂന്നാം വർഷ എം.ബി.ബി.എസ് വിദ്യാർത്ഥിനി തൂങ്ങി മരിച്ച നിലയിൽ. കാസർകോട് ഹോസ്ദുർഗ് സ്വദേശി അമ്പിളി ആണ് മരിച്ചത്.

സഹപാഠികളാണ് കോളേജ് ഹോസ്റ്റലിന്‍റെ മൂന്നാം നിലയിലെ മുറിയിലെ ഫാനിൽ തൂങ്ങിയ നിലയിൽ വിദ്യാർഥിനിയുടെ മൃതദേഹം കണ്ടെത്തിയത്. ഞായറാഴ്ച രാത്രി 11.45നായിരുന്നു സംഭവം.

അമ്പിളി ഇതിനു മുമ്പ് രണ്ട് പ്രാവശ്യം ആത്മഹത്യക്കു ശ്രമിച്ചിരുന്നു. ഒരു തവണ ഹോസ്റ്റലിലും മറ്റൊരു തവണ വീട്ടിലേക്കുള്ള യാത്രക്കിടയിൽ ട്രെയിനിൽ വച്ചുമാണ് വിദ്യാർഥിനി ആത്മഹത്യക്ക് ശ്രമിച്ചത്.

മൂന്ന് വർഷമായി മെഡിക്കൽ കോളേജിലെ സൈക്യാട്രിക് വിഭാഗത്തിൽ ചികിത്സയിലായിരുന്നു വിദ്യാർഥിനി. ഇന്നലെ ഡോക്ടറെ കാണിച്ച ശേഷം ഹോസ്റ്റലിലാക്കി പിതാവ് മടങ്ങിയതിന് പിന്നാലെയായിരുന്നു ആത്മഹത്യ.

### Related Links & Sources
- [Original Story Source](https://panoor.truevisionnews.com/news/281983/third-year-mbbs-student-found-hanging)