മാഹിയിൽ മകളുടെ വിവാഹ ദിവസം പിതാവ് കുഴഞ്ഞുവീണു മരിച്ചു

Nov 7, 2024 07:17 PM | By Rajina Sandeep

മാഹി :(www.panoornews.in)മകളുടെ നിക്കാഹിന് നിമിഷങ്ങൾ ബാക്കി നിൽക്കെ പിതാവ് കുഴഞ്ഞുവീണു മരിച്ചു.പരേതരായ തോട്ടത്തിൽ അബ്ദുള്ളയുടെയും നീലോത്ത് ആയിഷയുടെയും മകൻ മാഹി കുഞ്ഞിപ്പള്ളി വി കെ ഹൗസിൽ നീലോത്ത് ഫസൽ (57) ആണ് മരണപ്പെട്ടത്.

Also read: പി.പി ദിവ്യക്കെതിരെ സിപിഎം അച്ചടക്ക നടപടിക്ക് ; എല്ലാ പാർട്ടി പദവികളിൽ നിന്നും നീക്കും

ഇന്ന് രാവിലെ 11 മണിക്കായിരുന്നു മകൾ നെസ ഫസലിൻ്റെയും , കണ്ണൂർ ചാലയിലെ തൗഫീക്ക് ഹൗസിൽ പരേതനായ കെ പി ബഷീറിൻ്റെയും ടി വി മൈമൂനത്തിൻ്റെയും മകൻ മുബഷിർ ബഷീറിൻ്റെയും നിക്കാഹ് നടക്കേണ്ടിയിരുന്നത്.

കണ്ണൂരിൽ നിന്നും വരനും ബന്ധുക്കളും എത്താൻ അരമണിക്കൂർ വൈകിയിരുന്നു. വരനും ആൾക്കാരും വീട്ടിൽ എത്തി സ്വീകരിക്കുന്നതിനിടയിൽ ഫസൽ കുഴഞ്ഞുവീഴുകയായിരുന്നു. ഉടൻ മാഹി ആശുപത്രിയിൽ എത്തിച്ചിരുന്നുവെങ്കിലും ജീവൻ രക്ഷിക്കാനായില്ല.

Also read: വാട്‌സ്ആപ് വഴി ലോട്ടറി ചൂതാട്ടം ; കണ്ണൂരിൽ രണ്ടുപേർ അറസ്റ്റിൽ

ഒടുവിൽ ഫസലിൻ്റെ ജ്യേഷ്ഠ സഹോദരനാണ് ഫസലിൻ്റെ മകളുടെ നിക്കാഹ് ചെയ്തു കൊടുത്തത്. പിന്നീടാണ് മരണ വിവരം പുറത്തുവിട്ടത്. വിവാഹത്തിൽ പങ്കെടുക്കാൻ എത്തിയവരെയും കുടുംബാംഗങ്ങളെയും ബന്ധുമിത്രാദികളെയും ഒരുപോലെ മരണവിവരം കണ്ണീരിലാഴ്ത്തി, പിന്നീട് നിമിഷനേരം കൊണ്ട് വിവാഹ വീട് മരണവീടായി മാറി.