---
title: "കെ സുധാകരൻ കെപിസിസി പ്രസിഡൻറായി നാളെ ചുമതല ഏൽക്കും ; മുഖ്യമന്ത്രി വിദേശത്ത് പോയത് ആലയിൽ നിന്നും പശു ഇറങ്ങി പോകുംപോലെയെന്ന് സുധാകരൻ"
english_title: "K Sudhakaran will take charge as KPCC president tomorrow;Sudhakaran said that the Chief Minister's going abroad is like a cow leaving the barn"
publisher: "panoornews.in"
canonical_url: "https://panoor.truevisionnews.com/news/203723/k-sudhakaran-will-take-charge-as-kpcc-president-tomorrowsudhakaran-said-that-the-chief-ministers-going-abroad-is-like-a-cow-leaving-the-barn"
published_at: "2024-05-07T13:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6639e5bc70689_vrvrr.jpg"
keywords: []
---

# കെ സുധാകരൻ കെപിസിസി പ്രസിഡൻറായി നാളെ ചുമതല ഏൽക്കും ; മുഖ്യമന്ത്രി വിദേശത്ത് പോയത് ആലയിൽ നിന്നും പശു ഇറങ്ങി പോകുംപോലെയെന്ന് സുധാകരൻ

> **Lead Summary:** ****സുധാകരൻ്റെ കടുത്ത സമ്മർദത്തിന് പിന്നാലെയാണ് ചുമതല ഏൽക്കാൻ ഹൈക്കമാന്റ് അനുമതി നൽകിയത്. വിവാദം അവസാനിപ്പിക്കാൻ എഐസിസി ഇടപെടുകയായിരുന്നു. അതേസമയം, കെപിസിസി പ്രസിഡൻ്റ് സ്ഥാനം തനിക്ക് തരേണ്ട കാര്യമില്ലെന്നും പോയി ഒപ്പിട്ട് എടുക്കാവുന്നതേ ഉള്ളൂ എന്നും കെ സുധാകരൻ മാധ്യമങ്ങളോട് പ്രതികരിച്ചു.

## Article Content

****സുധാകരൻ്റെ കടുത്ത സമ്മർദത്തിന് പിന്നാലെയാണ് ചുമതല ഏൽക്കാൻ ഹൈക്കമാന്റ് അനുമതി നൽകിയത്. വിവാദം അവസാനിപ്പിക്കാൻ എഐസിസി ഇടപെടുകയായിരുന്നു. അതേസമയം, കെപിസിസി പ്രസിഡൻ്റ് സ്ഥാനം തനിക്ക് തരേണ്ട കാര്യമില്ലെന്നും പോയി ഒപ്പിട്ട് എടുക്കാവുന്നതേ ഉള്ളൂ എന്നും കെ സുധാകരൻ മാധ്യമങ്ങളോട് പ്രതികരിച്ചു.

പാർട്ടിക്കുള്ളിൽ തനിക്കെതിരെ ഒരു തന്ത്രവും മെനയുന്നില്ല. തനിക്ക് ആരോടും ഒരു പരാതിയുമില്ലെന്നും കെ സുധാകരൻ പറഞ്ഞു. അതേസമയം, മുഖ്യമന്ത്രിയുടെ വിദേശ യാത്രയെ കെ സുധാകരൻ വിമർശിച്ചു.

ആലയിൽ നിന്ന് പശുക്കൾ ഇറങ്ങി പോകും പോലെയാണ് മുഖ്യമന്ത്രി കുടുംബവുമായി പോയിരിക്കുന്നതെന്ന് കെ സുധാകരൻ വിമർശിച്ചു. സ്പോൺസർഷിപ്പ് ആണോ എന്ന് സംശയമുണ്ട്. മുഖ്യമന്ത്രി വിദേശത്ത് പോയപ്പോൾ സംസ്ഥാനത്തിന്റെ ചാർജ് ആർക്കെങ്കിലും കൊടുത്തിട്ടുണ്ടോ. ഇടതുപക്ഷത്തിന് ആകെ ഉള്ള മുഖ്യമന്ത്രിയല്ലേ ഇത്.

മറ്റ് സംസ്ഥാനങ്ങളിൽ പ്രചാരണത്തിനു പോകണ്ടേ. എന്ത് രാഷ്ട‌ീയ ഉത്തരവാദിത്തമാണ് മുഖ്യമന്ത്രിക്ക് ഉള്ളതെന്നും സുധാകരൻ ചോദിച്ചു. സംസ്ഥാനത്ത് എൽഡിഎഫ് 20 ൽ 20 സീറ്റും തോൽക്കാൻ പോകുകയാണ്. അത് കാണാൻ സാധിക്കാതെ പോയതാകും മുഖ്യമന്ത്രിയെന്നും കെ സുധാകരൻ വിമർശിച്ചു

### Related Links & Sources
- [Original Story Source](https://panoor.truevisionnews.com/news/203723/k-sudhakaran-will-take-charge-as-kpcc-president-tomorrowsudhakaran-said-that-the-chief-ministers-going-abroad-is-like-a-cow-leaving-the-barn)