---
title: "ഇരിട്ടി നിത്യസഹായ മാതാ പള്ളിയിൽ നേർച്ചപെട്ടി കുത്തിത്തുറന്ന് മോഷണം"
english_title: "Theft of offering box in Iritti Nityasaya Mata Church"
publisher: "panoornews.in"
canonical_url: "https://panoor.truevisionnews.com/news/246372/theft-of-offering-box-in-iritti-nityasaya-mata-church"
published_at: "2024-10-31T11:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67231948af83a_672309c706e88_57b473e4-10e1-4b4e-b4aa-26c171fc04e9.jpeg"
keywords: []
---

# ഇരിട്ടി നിത്യസഹായ മാതാ പള്ളിയിൽ നേർച്ചപെട്ടി കുത്തിത്തുറന്ന് മോഷണം

> **Lead Summary:** ഇരിട്ടി : ഇരിട്ടി ടൗണിലെ നിത്യസഹായ മാതാ ദേവാലയത്തിന്റെ നേർച്ചപെട്ടി കുത്തിത്തുറന്ന് മോഷണം . ഇന്ന് പുലർച്ചെയാണ് സംഭവം . പള്ളിയുടെ നിത്യാരാധന ചാപ്പലിന്റെ കതക് പൊളിച്ച് ഉള്ളിൽ കയറിയ മോഷ്‍ടാവ് രണ്ട് നേർച്ചപെട്ടിയും ഒരു കരുണ്ണ്യ നിധിയുടെ ബോക്സും കുത്തിപൊളിച്ച് പണം കവർന്നു .

## Article Content

ഇരിട്ടി : ഇരിട്ടി ടൗണിലെ നിത്യസഹായ മാതാ ദേവാലയത്തിന്റെ നേർച്ചപെട്ടി കുത്തിത്തുറന്ന് മോഷണം . ഇന്ന് പുലർച്ചെയാണ് സംഭവം . പള്ളിയുടെ നിത്യാരാധന ചാപ്പലിന്റെ കതക് പൊളിച്ച് ഉള്ളിൽ കയറിയ മോഷ്‍ടാവ് രണ്ട് നേർച്ചപെട്ടിയും ഒരു കരുണ്ണ്യ നിധിയുടെ ബോക്സും കുത്തിപൊളിച്ച് പണം കവർന്നു .

ഏകദേശം 25000 രൂപയുടെ നഷ്ടമാണ് കണക്കാക്കുന്നത് . കപ്യാര് എത്തി പള്ളി തുറക്കാൻ എത്തിയപ്പോഴാണ് മോഷണം നടന്നതായി കണ്ടത് .ഇരിട്ടി ടൗണിനോട് ചേർന്ന സ്ഥിതിചെയ്യുന്ന പള്ളിയിൽ സംഭവസമയത്ത് വികാരി ഫാ. ബിനു ക്‌ളീറ്റസ് മാത്രമായിരുന്നു ഉണ്ടയിരുന്നത് .

അദ്ദേഹം നല്ല ഉറക്കത്തിൽ ആയതുകൊണ്ട് ശബ്ദം ഒന്നും കേട്ടില്ല . പള്ളിക്ക് ഉള്ളിൽ നിന്നും നേർച്ചപെട്ടി വെളിയിൽ എത്തിച്ചാണ് മോഷണം . മെറ്റലിൽ തീർത്ത നേർച്ചപെട്ടിയാണ് കുത്തിത്തുറന്നത് . സിസിടിവി ദൃശ്യങ്ങളിൽ മോഷ്ട്ടാവിനെ കാണാൻ കഴിയുമെങ്കിലും മുഖം തുണികൊണ്ട് മുഖം മറച്ചിരുന്നു . എസ് ഐ ഷറഫുദീന്റെ നേതൃത്തിൽ ഇരിട്ടി പോലീസ് സ്ഥലത്തെത്തി പ്രഥമിക അന്വേഷണം നടത്തി . ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തും .

### Related Links & Sources
- [Original Story Source](https://panoor.truevisionnews.com/news/246372/theft-of-offering-box-in-iritti-nityasaya-mata-church)