കണ്ണൂരിൽ വാടക ക്വാർട്ടേഴ്സിൽ ഗ്യാസ് സിലിണ്ടർ പൊട്ടിത്തെറിച്ചു ; അപകടം സിലിണ്ടർ മാറ്റിയിടുന്നതിനിടെ, മുഴുവൻ സാധനങ്ങളും കത്തി നശിച്ചു

കണ്ണൂർ:(www.panoornews.in)  കണ്ണൂർ തളിപ്പറമ്പ് കാക്കാത്തോടിൽ ഇതര സംസ്ഥാന തൊഴിലാളികൾ താമസിക്കുന്ന വാടക ക്വാർട്ടേഴ്‌സിൽ പാചകവാതക സിലിണ്ടർ പൊട്ടിത്തെറിച്ചു. കാക്കാത്തോട് കാർ വാഷ് സ്ഥാപനത്തിലെ നാല് തൊഴിലാളികൾ താമസിക്കുന്ന മൊയ്‌തീൻകുട്ടിയുടെ ഉടമസ്ഥതയിലുള്ള കെട്ടിടത്തിൻ്റെ രണ്ടാംനിലയിലെ മുറിയിലായിരുന്നു ഇന്ന് ഉച്ചക്ക് 1.40 ഓടെ അപകടം ഉണ്ടായത്.

Also read: പാനൂരിൽ ബസ്സിൽ നിന്നും വിദ്യാർത്ഥിനിയെ ഇറക്കിവിട്ടെന്നത് വാസ്തവ വിരുദ്ധമെന്ന് അക്ഷയ് ബസ് കണ്ടക്ടർ

പാചകവാതക സിലിണ്ടർ മാറ്റിയിടുന്നതിനിടയിൽ വാതകം ചോരുകയായിരുന്നു. അൽപ്പസമയത്തിനുള്ളിൽ തീ ഉയരുകയും ചെയ്‌തു. തീയണക്കാൻ താമസക്കാർ ശ്രമിച്ചെങ്കിലും ആളിപ്പടർന്ന തോടെ പുറത്തേക്ക് ഓടി രക്ഷപ്പെട്ടു. ഇവർ പുറത്തേക്ക് ഓടിപ്പോയതിനാലാണ് ദുരന്തത്തിൽ നിന്ന് രക്ഷപ്പെട്ടത്.

ഓടുന്നതിനിടയിൽ പശ്ചിമബംഗാൾ സ്വദേശി തഹീദുലിന് (26) കാലിന് പരിക്കേറ്റു. വൻ ശബ്ദത്തോടെ പാചകവാതക സിലിണ്ടർ പൊട്ടിത്തെറി ക്കുകയും ചെയ്തു.

Also read: ന്യൂനമര്‍ദം;നാളെ മുതല്‍ കേരളത്തിൽ വ്യാപക മഴക്ക് സാധ്യത; എട്ടുജില്ലകളില്‍ യെല്ലോ അലര്‍ട്ട്

സംഭവമറിഞ്ഞെത്തിയ തളിപ്പറമ്പ് അഗ്നിരക്ഷാനില യത്തിലെ അസി. സ്റ്റേഷൻ ഓഫീസർമാരായ ഒ.പി ജയരാജൻ, കെ. രാജീവൻ, സീനിയർ ഫയർ റെസ്‌ക്യൂ ഓഫീസർ എം.വി അബ്ദു‌ള്ള തുടങ്ങിയവർ ചേർന്ന് വെള്ളം ചീറ്റി തീയണച്ചു. അപ്പോഴേക്കും തീ ആളിപ്പടർന്ന് മുറിയിലെ കിടക്ക ഉൾപ്പെടെ സകല സാധനങ്ങളും കത്തിനശിച്ചിരുന്നു.

Gas cylinder explodes in rented quarters in Kannur; Accident While replacing the cylinder, the whole thing got burnt