കുന്നോത്തുപറമ്പിൽ ഒമ്പതാം ക്ലാസുകാരിയെ കിണറ്റിൽ മരിച്ചനിലയിൽ കണ്ടെത്തിയ സംഭവത്തിൽ അസ്വാഭാവിക മരണത്തിന് കേസ് ; സംസ്കാരം ഉച്ചക്ക് വീട്ടുവളപ്പിൽ

കുന്നോത്തുപറമ്പ്: (www.panoornews.in) താഴേകുന്നോത്തു പറമ്പിൽ ഒമ്പതാം തരം വിദ്യാർത്ഥിനി പൂവത്താൻ്റെ വിട വിസ്മയയെ (14)കിണറ്റിൽ മരിച്ച നിലയിൽ കണ്ടെത്തിയ സംഭവത്തിൽ അസ്വാഭാവിക മരണത്തിന് കൊളവല്ലൂർ പൊലീസ് കേസെടുത്തു.

Also read: കാസർകോട് എര‍ഞ്ഞിപ്പുഴയിൽ കുളിക്കുന്നതിനിടെ 3 കുട്ടികൾ മുങ്ങി മരിച്ചു

പി ആർ എം കൊളവല്ലൂർ ഹയർ സെക്കൻ്ററി സ്കൂളിലെ ഒമ്പതാം തരം വിദ്യാർത്ഥിനിയാണ്. രാജേഷ് - നിഷ ദമ്പതികളുടെ മകളാണ്. സഹോദരൻ : ഗോകുൽ. അച്ഛനും അമ്മയും ജോലിക്കുപോയതിനാൽ വീട്ടിൽ വിസ്മയ തനിച്ചായിരുന്നു.

ജോലി കഴിഞ്ഞ് ഉച്ചക്ക് രണ്ടു മണിയോടെ തിരിച്ചെത്തിയപ്പോഴാണ് കാണാതായ വിവരം വീട്ടുകാരും നാട്ടുകാരും അറിയുന്നത്.

Also read: നികുതി കൂട്ടി ; മാഹിയിൽ പുതുവർഷം മുതൽ പെട്രോളിനും, ഡീസലിനും വില കൂടും

തിരച്ചിലിനൊടുവിൽ താമസ സ്ഥലത്തെ വീട്ടു കിണറ്റിൽ വൈകുന്നേരത്തോടെ കണ്ടെത്തുകയായിരുന്നു. പാനൂർ അഗ്നി രക്ഷാ സേനയെത്തിയാണ് മൃതദേഹം പുറത്തെടുത്തത്. കണ്ണൂർ ഗവ.മെഡി.കോളേജിൽ പോസ്റ്റ്മോർട്ടത്തിന് ശേഷം ശനിയാഴ്ച ഉച്ചക്ക് വീട്ടുവളപ്പിൽ സംസ്ക്കരിക്കും

A case of unnatural death has been registered in the case of a ninth-grade girl found dead in a well in Kunnothuparambu; the funeral will be held in the house this afternoon