16 കാരന് നേരെ ക്രൂര ലൈംഗിക പീഡനം: യുവാവിന് 113 വർഷം തടവും 1,75000 രൂപ പിഴയും

തളിപ്പറമ്പ്: 16 കാരന് നേരെ ക്രൂര ലൈംഗിക പീഡനം: യുവാവിന് 113 വർഷം തടവും 1,75000 രൂപ പിഴയും. കുറുമാത്തൂർ കുന്നിൽ ഹൗസിൽ മഹേഷ് പി കെ(34) എന്നയാൾക്കെതിരെയാണ് തളിപ്പറമ്പ് അതിവേഗ പോക്സോ കോടതിയുടെ വിധി. 7 വകുപ്പുകളിലായാണ് വിധി. 16കാരനെ കൂടാതെ മറ്റൊരു കുട്ടിയേയും ഇയാൾ പ്രകൃതിവിരുദ്ധ ലൈംഗിക പീഡനത്തിന് ഇരയാക്കുകയായിരുന്നു.

Also read: പാനൂരിനടുത്ത് തൂവക്കുന്നിൽ സൂപ്പർമാർക്കറ്റിൽ തീപ്പിടുത്തം ; 5 ലക്ഷം രൂപയുടെ നഷ്ടം

അതിൽ ഒരാളുടെ കേസിൽ ആണ് ഇന്ന് വിധി പറഞ്ഞത്. അതേസമയം മറ്റേ കേസിൽ വിചാരണ തുടരുകയാണ്. 2017 മുതൽ 21 വരെയുള്ള കാലയളവിൽ ഇയാൾ രണ്ടുപേരെയും പീഡിപ്പിക്കുകയായിരുന്നു.

അന്ന് ശ്രീകണ്ഠാപുരം പോലീസ് സ്റ്റേഷനിലെ എസ് എച്ച് ഓ രഞ്ജിത്ത് കെ ആർ ആണ് കേസിൽ അന്വേഷണം നടത്തി പ്രതിയെ അറസ്റ്റ് ചെയ്തത്. എസ് എച്ച് ഒ സുരേശൻ ഇ പി കേസിൽ തുടരന്വേഷണം നടത്തി കേസ് അന്വേഷണം പൂർത്തിയാക്കി കുറ്റപത്രം സമർപ്പിക്കുകയായിരുന്നു. പ്രോസിക്യൂഷന് വേണ്ടി അഡ്വക്കറ്റ് ഷെറി മോള്‍ ജോസ് ഹാജരായി.

Brutal sexual assault of 16-year-old: Youth gets 113 years in prison and Rs 1,75,000 fine