പാനൂർ:(www.panoornews.in) പാനൂർ മുളിയാത്തോട് ബോംബ് നിർമ്മിക്കുന്നതിനിടെയുണ്ടായ സ്ഫോടനത്തിൽ ഒരാൾ മരിച്ച കേസിൽ അറസ്റ്റിലായ 3 പേരും റിമാൻ്റിൽ. മടപ്പളളി സ്വദേശി ബാബു (70), കതിരൂർ ചുണ്ടങ്ങാപ്പൊയിൽ സ്വദേശികളായ രജിലേഷ് (40), ജിജോഷ് (39) എന്നിവരെയാണ് പാനൂർ സിഐ പ്രേം സദൻ വ്യാഴാഴ്ച രാവിലെ പിടികൂടിയത്.
ബാബുവിൽ നിന്നും വെടിമരുന്നെത്തിച്ചത് ഇവരാണെന്നാണ് പൊലീസ് കണ്ടെത്തിയിരിക്കുന്നത്. ബാബുവിനായി നടത്തിയ തിരച്ചിലിൽ മൂന്നരക്കിലോ വെടിമരുന്നും പിടികൂടിയിട്ടുണ്ട്.
ഈ കേസ് ചോമ്പാല പൊലീസിന് കൈമാറി. ഇതോടെ പാനൂർ ബോംബ് സ്ഫോടന കേസിൽ അറസ്റ്റിലായവരുടെ എണ്ണം 12 ആയി. അപകടത്തിൽ പരിക്കേറ്റ 2 പേർ ഇപ്പോഴും ചികിത്സയിലാണ്.
3 arrested in Panur bomb blast case remanded;Three and a half rounds of ammunition were also seized