---
title: "അമിതമായി കഞ്ഞി വെള്ളം കൊടുത്തു; കണ്ണൂരിൽ രണ്ട് പശുക്കൾ ചത്തു"
english_title: "gave too much porridge water;Two cows died in Kannur"
publisher: "panoornews.in"
canonical_url: "https://panoor.truevisionnews.com/news/93598/gave-too-much-porridge-watertwo-cows-died-in-kannur"
published_at: "2023-01-31T12:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63d8c30553422_Untitled-1_copy.jpg"
keywords: []
---

# അമിതമായി കഞ്ഞി വെള്ളം കൊടുത്തു; കണ്ണൂരിൽ രണ്ട് പശുക്കൾ ചത്തു

> **Lead Summary:** കണ്ണൂർ: അമിതമായി കഞ്ഞി വെള്ളം കുടിച്ച് രണ്ട് പശുക്കൾ ചത്തു. പയ്യന്നൂരിലാണ് സംഭവം. മഠത്തുംപടി ക്ഷേത്ര പരിസരത്തെ ക്ഷീര കർഷകൻ അനിൽ കുമാറിന്റെ രണ്ട് പശുക്കളാണ് ചത്തത്. അമിതമായി ചോറും കഞ്ഞി വെള്ളവും നൽകിയതാണ് മരണ കാരണമെന്ന് ഗവ. മൃഗാശുപത്രിയിലെ ഡോക്ടർമാർ പറയുന്നു.

## Article Content

കണ്ണൂർ: അമിതമായി കഞ്ഞി വെള്ളം കുടിച്ച് രണ്ട് പശുക്കൾ ചത്തു. പയ്യന്നൂരിലാണ് സംഭവം. മഠത്തുംപടി ക്ഷേത്ര പരിസരത്തെ ക്ഷീര കർഷകൻ അനിൽ കുമാറിന്റെ രണ്ട് പശുക്കളാണ് ചത്തത്. അമിതമായി ചോറും കഞ്ഞി വെള്ളവും നൽകിയതാണ് മരണ കാരണമെന്ന് ഗവ. മൃഗാശുപത്രിയിലെ ഡോക്ടർമാർ പറയുന്നു.

കർഷകന്റെ ബാക്കി 13 പശുക്കൾ സുഖം പ്രാപിച്ചുവരുന്നതായും അധികൃ‍തർ വ്യക്തമാക്കി. ക്ഷേത്രോത്സവത്തിൽ അന്നദാനത്തിന് വേണ്ടി തയാറാക്കിയ ചോറും കഞ്ഞിവെള്ളവും വലിയ അളവിൽ പശുക്കൾക്കു കൊടുത്തതായി അനിൽ പറഞ്ഞു. ഞായറാഴ്ച ഉച്ച മുതൽ തന്നെ പശുക്കൾ അവശതയിലായി.

മൃഗാശുപത്രിയിലെ ഡോക്ടർമാരെത്തി ചികിത്സ തുടങ്ങിയെങ്കിലും രണ്ട് പശുക്കളെ രക്ഷിക്കാനായില്ല. ഒരെണ്ണം രണ്ട് മാസം ഗർഭിണിയായിരുന്നു.

### Related Links & Sources
- [Original Story Source](https://panoor.truevisionnews.com/news/93598/gave-too-much-porridge-watertwo-cows-died-in-kannur)