---
title: "പരിയാരം മെഡിക്കൽ കോളേജിൽ രണ്ടര മാസം പ്രായമുള്ള കുഞ്ഞിനു ശസ്ത്രക്രിയ ചെയ്തതിൽ വീഴ്ചയെന്ന് പരാതി"
english_title: "Pariyaram Medical College Surgery Negligence Baby Complaint"
publisher: "panoornews.in"
canonical_url: "https://panoor.truevisionnews.com/news/391339/pariyaram-medical-college-baby-surgery-negligence-complaint"
published_at: "2026-11-12T18:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6af5bc6ca9d96_pariyaram-medical-college-baby-surgery-negligence-complaint.jpg"
keywords: ["Pariyaram Medical College", "Baby Surgery Negligence", "Pyloric Stenosis", "Kannur Medical College", "Health Minister Complaint"]
---

# പരിയാരം മെഡിക്കൽ കോളേജിൽ രണ്ടര മാസം പ്രായമുള്ള കുഞ്ഞിനു ശസ്ത്രക്രിയ ചെയ്തതിൽ വീഴ്ചയെന്ന് പരാതി

> **Lead Summary:** പരിയാരം: കണ്ണൂർ പരിയാരം മെഡിക്കൽ കോളേജിൽ രണ്ടര മാസം പ്രായമുള്ള കുഞ്ഞിനു ശസ്ത്രക്രിയ ചെയ്തതിൽ വീഴ്ചയെന്ന് പരാതി.കുഞ്ഞിന്റെ പൈലോറിക് പേശിയിലെ തടിപ്പ് നീക്കം ചെയ്യാൻ നടത്തിയ ശസ്ത്രക്രിയയിൽ ഡോക്ടർക്ക് വീഴ്ച പറ്റിയെന്നാണ് ആരോപണം. തടിപ്പ് പൂർണമായും നീക്കിയില്ലെന്ന് സ്വകാര്യ ആശുപത്രിയിൽ നടത്തിയ പരിശോധനയിൽ കണ്ടെത്തിയതോടെ കുഞ്ഞിനെ വീണ്ടും ശസ്ത്രക്രിയക്ക് വിധേയനാക്കേണ്ടി വന്നുവെന്ന് അച്ഛൻ ജ്യോതിഷ് പറഞ്ഞു.

## Article Content

പരിയാരം: കണ്ണൂർ പരിയാരം മെഡിക്കൽ കോളേജിൽ രണ്ടര മാസം പ്രായമുള്ള കുഞ്ഞിനു ശസ്ത്രക്രിയ ചെയ്തതിൽ വീഴ്ചയെന്ന് പരാതി.കുഞ്ഞിന്റെ പൈലോറിക് പേശിയിലെ തടിപ്പ് നീക്കം ചെയ്യാൻ നടത്തിയ ശസ്ത്രക്രിയയിൽ ഡോക്ടർക്ക് വീഴ്ച പറ്റിയെന്നാണ് ആരോപണം. തടിപ്പ് പൂർണമായും നീക്കിയില്ലെന്ന് സ്വകാര്യ ആശുപത്രിയിൽ നടത്തിയ പരിശോധനയിൽ കണ്ടെത്തിയതോടെ കുഞ്ഞിനെ വീണ്ടും ശസ്ത്രക്രിയക്ക് വിധേയനാക്കേണ്ടി വന്നുവെന്ന് അച്ഛൻ ജ്യോതിഷ് പറഞ്ഞു.

ആരോഗ്യ പ്രശ്നങ്ങളെ തുടർന്നാണ് കണ്ണൂർ പാടിയോട്ടുച്ചാൽ സ്വദേശി ജ്യോതിഷിന്റെ രണ്ടര മാസം പ്രായമുള്ള കുഞ്ഞിനെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്.

പൈലോറിക് പേശിക്ക് കട്ടി കൂടി അടഞ്ഞ് പോകുന്ന പൈലോറിക് സ്റ്റെനോസിസ് എന്ന അവസ്ഥയാണ് കുഞ്ഞിനെന്ന് കണ്ടെത്തി. ഛർദ്ദി തുടർന്നതോടെ തടിപ്പ് നീക്കം ചെയ്യാനായി കുഞ്ഞിനെ ഒക്ടോബർ 11ന് ശസ്ത്രക്രിയക്ക് വിധേയനാക്കി. ഏഴ് ദിവസത്തിന് ശേഷം ഡിസ്ചാർജ് ചെയ്തെങ്കിലും രക്തം ഛർദ്ദിച്ചു. തുടർന്നാണ് കുഞ്ഞിനെ മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചത്.

പരിയാരം മെഡിക്കൽ കോളേജിലെ ശസ്ത്രക്രിയയിൽ തടിപ്പ് പൂർണമായും നീക്കിയില്ലെന്ന് സ്വകാര്യ ആശുപത്രിയിൽ നടത്തിയ അൾട്രാ സൗണ്ട് സ്കാനിങ്ങിൽ വ്യക്തമായെന്ന് കുടുംബം പറഞ്ഞു. ഇതോടെ കുഞ്ഞിന് വീണ്ടും ശസ്ത്രക്രിയ നടത്തേണ്ടി വന്നുവെന്ന് ജ്യോതിഷ് പറയുന്നു. പരിയാരം മെഡിക്കൽ കോളേജിൽ വെച്ച് കുഞ്ഞിനെ ശസ്ത്രക്രിയക്ക് വിധേയനാക്കിയ ഡോക്ടർക്ക് ഗുരുതര വീഴ്ചയാണുണ്ടായതെന്ന് കുടുംബം ആരോപിച്ചു.

ആരോഗ്യ മന്ത്രിക്ക് കുടുംബം നൽകിയ പരാതിയിൽ അന്വേഷണം തുടങ്ങിയിട്ടുണ്ടെന്ന് മെഡിക്കൽ കോളേജ് സൂപ്രണ്ട് അറിയിച്ചു. അന്വേഷണ സമിതിയുടെ റിപ്പോർട്ട് കിട്ടിയ ശേഷം തുടർ നടപടി സ്വീകരിക്കുമെന്നും അദ്ദേഹം വ്യക്തമാക്കി.

English Summary: Pariyaram: A complaint has been filed alleging negligence in the surgery performed on a two-and-a-half-month-old baby at Kannur Pariyaram Medical College. The allegation is that the doctor made a mistake during the surgery to remove the swelling in the baby's pyloric muscle. The father Jyothish said that after a check-up at a private hospital revealed that the swelling was not completely removed, the baby had to undergo surgery again. The baby of Jyothish, a native of Padiyottuchal in Kannur, was admitted to Pariyaram Medical College Hospital due to health problems. The baby was diagnosed with pyloric stenosis, a condition where the pyloric muscle thickens and closes. As vomiting continued, the baby underwent surgery on October 11 to remove the swelling. Though discharged after seven days, the baby vomited blood. The baby was then admitted to a private hospital in Mangaluru. The family said that an ultrasound scan at the private hospital revealed that the swelling was not completely removed in the surgery at Pariyaram Medical College. Jyothish says that the baby had to undergo surgery again. The family alleged serious negligence on the part of the doctor who operated on the baby at Pariyaram Medical College. The Medical College Superintendent informed that an investigation has started on the complaint filed by the family to the Health Minister. He also clarified that further action will be taken after receiving the report of the inquiry committee.

### Related Links & Sources
- [Original Story Source](https://panoor.truevisionnews.com/news/391339/pariyaram-medical-college-baby-surgery-negligence-complaint)