---
title: "പുതുവർഷം മുതൽ പുതു നിരക്ക് ; ഇന്ന്  അർധരാത്രി മുതൽ നടത്താനിരുന്ന ഓട്ടോ - ടാക്സി പണിമുടക്ക് പിൻവലിച്ചു"
english_title: "Kerala Auto Taxi Strike Withdrawn New Fare From January 1"
publisher: "panoornews.in"
canonical_url: "https://panoor.truevisionnews.com/news/391172/kerala-auto-taxi-strike-withdrawn-new-fare-january-1"
published_at: "2026-11-11T14:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6af42f25e9a1a_Untitled-12_copy.jpg"
keywords: ["Auto Taxi Strike Withdrawn", "Kerala Auto Fare Hike", "CP John", "ESI Auto Drivers", "Kerala Transport"]
---

# പുതുവർഷം മുതൽ പുതു നിരക്ക് ; ഇന്ന്  അർധരാത്രി മുതൽ നടത്താനിരുന്ന ഓട്ടോ - ടാക്സി പണിമുടക്ക് പിൻവലിച്ചു

> **Lead Summary:** തിരുവനന്തപുരം: സംസ്ഥാനത്ത് ഓട്ടോ-ടാക്സി പണിമുടക്ക് പിൻവലിച്ചു. നിരക്ക് വർദ്ധിപ്പിക്കാനുള്ള നിർദ്ദേശം മന്ത്രി തത്വത്തിൽ അംഗീകരിച്ചു. വിഷയം പഠിക്കാൻ അടിയന്തരമായി കമ്മീഷനെ നിയോഗിക്കും. ജനുവരി ഒന്നു മുതൽ പുതുക്കിയ നിരക്ക് പ്രഖ്യാപിക്കുമെന്ന് മന്ത്രി സി പി ജോൺ ഉറപ്പു നൽകിയതായും തൊഴിലാളി സംഘടന പ്രതിനിധികൾ.

## Article Content

തിരുവനന്തപുരം: സംസ്ഥാനത്ത് ഓട്ടോ-ടാക്സി പണിമുടക്ക് പിൻവലിച്ചു. നിരക്ക് വർദ്ധിപ്പിക്കാനുള്ള നിർദ്ദേശം മന്ത്രി തത്വത്തിൽ അംഗീകരിച്ചു. വിഷയം പഠിക്കാൻ അടിയന്തരമായി കമ്മീഷനെ നിയോഗിക്കും. ജനുവരി ഒന്നു മുതൽ പുതുക്കിയ നിരക്ക് പ്രഖ്യാപിക്കുമെന്ന് മന്ത്രി സി പി ജോൺ ഉറപ്പു നൽകിയതായും തൊഴിലാളി സംഘടന പ്രതിനിധികൾ.

കമ്മീഷൻ അന്വേഷണം നടത്തുമ്പോൾ ഓരോ യൂണിയനുകൾക്കും അവരവരുടെ നിരക്കുമായി ബന്ധപ്പെട്ട അഭിപ്രായങ്ങൾ അറിയിക്കാം. ഓട്ടോ ഡ്രൈവർമാർക്ക് ഇ എസ് ഐ നൽകണമെന്ന ആവശ്യം പരിഗണിക്കുമെന്ന് ഉറപ്പ് നൽകിയെന്നും അവർ കൂട്ടിച്ചേർത്തു.

മന്ത്രി സി പി ജോണും വിഷയത്തിൽ പ്രതികരിച്ചു. തൊഴിലാളി സംഘടന പ്രതിനിധികളുമായി ചർച്ച നടത്തിയെന്നും ചർച്ചയുടെ അടിസ്ഥാനത്തിലാണ് പണിമുടക്ക് പിൻവലിച്ചതെന്നും മന്ത്രി. ഓട്ടോ ടാക്സി നിരക്കുകൾ 2022 ലാണ് പരിഷ്കരിച്ചത്.

നിരക്ക് പരിഷ്കരിക്കണമെന്ന് ട്രേഡ് യൂണിയനുകളുടെ ആവശ്യം സർക്കാർ തത്വത്തിൽ അംഗീകരിച്ചു. അതിനായി കമ്മീഷനെ നിയോഗിക്കും. പുതിയ നിരക്ക് പ്രാബല്യത്തിൽ വരാനുള്ള നടപടികൾ സർക്കാർ തീരുമാനിക്കുമെന്നും മന്ത്രി കൂട്ടിച്ചേർത്തു.

ഓട്ടോ ടാക്സി ഡ്രൈവർമാർക്ക് ഇ എസ് ഐ നൽകണമെന്ന് കാര്യത്തിൽ അനുഭാവപൂർവ്വം നടപടി സ്വീകരിക്കാമെന്ന് ഉറപ്പ് നൽകിയിട്ടുണ്ട്. ഡ്രൈവർമാർക്ക് വിശ്രമമുറി സൗകര്യം ഒരുക്കുന്നതിൽ ടൂറിസം ഡിപ്പാർട്ട്മെന്റുമായും ഹോട്ടൽ ഉടമകളുമായും സംസാരിച്ചു. സൗകര്യം ഏർപ്പെടുത്തണമെന്ന ആവശ്യം സർക്കാർ പരിഗണിക്കും.

ടൂവീലർ ടാക്‌സികൾ അനുവദനീയമാണ്. പക്ഷേ മഞ്ഞ ബോർഡുകൾ അല്ലാതെ വെള്ള ബോർഡുകൾ വെച്ച് ടാക്സികൾ ഉപയോഗിക്കുന്നുണ്ടെന്നും അത് കർശനമായി നിയന്ത്രിക്കാൻ തീരുമാനമായിട്ടുണ്ടെന്നും മന്ത്രി. കമ്മീഷൻ അംഗങ്ങളെ നിലവിൽ തീരുമാനിച്ചിട്ടില്ല.

English Summary: The auto-taxi strike in Kerala has been withdrawn. Minister C.P. John has in principle accepted the demand to increase fares. A commission will be appointed urgently to study the matter, and the revised fare will be announced from January 1, union representatives said. Unions can submit their opinions on fares to the commission. The demand for ESI for auto drivers will also be considered. The minister said the strike was withdrawn based on discussions with union representatives. Auto-taxi fares were last revised in 2022. The government will take sympathetic action on ESI, consider rest room facilities for drivers in coordination with the tourism department and hotel owners, and strictly control white-board vehicles operating as taxis.

### Related Links & Sources
- [Original Story Source](https://panoor.truevisionnews.com/news/391172/kerala-auto-taxi-strike-withdrawn-new-fare-january-1)