---
title: "കണ്ണൂരിൽ  വിവാഹത്തിന് ദിവസങ്ങൾ മാത്രം ബാക്കിനിൽക്കെ പ്രതിശ്രുത വധു കുഴഞ്ഞുവീണ് മരിച്ചു"
english_title: "Bride To Be Dies Days Before Wedding Kottoor Sreekandapuram Fathimathu Rana Collapses Kannur Shocking Death"
publisher: "panoornews.in"
canonical_url: "https://panoor.truevisionnews.com/news/390092/bride-to-be-dies-days-before-wedding-kottoor-sreekandapuram-fathimathu-rana-kannur"
published_at: "2026-11-03T20:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae9fce37b70b_bride-to-be-dies-days-before-wedding-kottoor-sreekandapuram-fathimathu-rana-kannur.jpg"
keywords: ["Kannur Bride To Be Death", "Fathimathu Rana Kottoor", "Sreekandapuram Kottoor Death", "Wedding Tragedy Kannur"]
---

# കണ്ണൂരിൽ  വിവാഹത്തിന് ദിവസങ്ങൾ മാത്രം ബാക്കിനിൽക്കെ പ്രതിശ്രുത വധു കുഴഞ്ഞുവീണ് മരിച്ചു

> **Lead Summary:** കണ്ണൂർ: വിവാഹത്തിന് ദിവസങ്ങൾ മാത്രം ബാക്കിനിൽക്കെ പ്രതിശ്രുത വധു കുഴഞ്ഞുവീണ് മരിച്ചു. ശ്രീകണ്ഠപുരം കോട്ടൂർ സ്വദേശിനി ഫാത്തിമത്ത് റാന ആണ് മരിച്ചത്. കോട്ടൂരിലെ സി.പി. പോക്കറിന്റെയും കെ.വി. റമീസയുടെയും മകളാണ്.

## Article Content

കണ്ണൂർ: വിവാഹത്തിന് ദിവസങ്ങൾ മാത്രം ബാക്കിനിൽക്കെ പ്രതിശ്രുത വധു കുഴഞ്ഞുവീണ് മരിച്ചു. ശ്രീകണ്ഠപുരം കോട്ടൂർ സ്വദേശിനി ഫാത്തിമത്ത് റാന ആണ് മരിച്ചത്. കോട്ടൂരിലെ സി.പി. പോക്കറിന്റെയും കെ.വി. റമീസയുടെയും മകളാണ്.

നവംബർ എട്ടിന് ഞായറാഴ്ച വിവാഹം നടക്കാനിരിക്കെയാണ് അപ്രതീക്ഷിത മരണം. വിവാഹ ഒരുക്കങ്ങൾ പുരോഗമിക്കുന്നതിനിടെയുണ്ടായ യുവതിയുടെ വിയോഗം കുടുംബാംഗങ്ങളെയും ബന്ധുക്കളെയും നാട്ടുകാരെയും ദുഃഖത്തിലാഴ്ത്തി.

കുഴഞ്ഞുവീണതിനെ തുടർന്ന് ഫാത്തിമത്ത് റാനയെ ഉടൻ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

വിവാഹത്തിനായി ഒരുങ്ങിയിരുന്ന വീട്ടിലേക്ക് അപ്രതീക്ഷിതമായി മരണവാർത്തയെത്തിയത് ബന്ധുക്കൾക്കും നാട്ടുകാർക്കും തീരാവേദനയായി. യുവതിയുടെ മരണകാരണം സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.

English Summary: A 23 year old bride to be from Kottoor in Kannur died after collapsing while wedding preparations were underway. Deceased identified as Fathimathu Rana 23 daughter of CP Poker and KV Rameesa of Kottoor Sreekandapuram. Wedding was scheduled for Sunday November 8. Sudden death amidst wedding preparations has plunged family relatives and locals into grief. She was taken to a private hospital in Kannur but could not be saved. Cause of death has not been disclosed.

### Related Links & Sources
- [Original Story Source](https://panoor.truevisionnews.com/news/390092/bride-to-be-dies-days-before-wedding-kottoor-sreekandapuram-fathimathu-rana-kannur)