---
title: "പയ്യന്നൂരിൽ പൊലീസും, എക്സൈസും ചമഞ്ഞ് ബാറുകാരിൽ നിന്നും പണം തട്ടിയെടുക്കുന്ന മധ്യവയസ്കൻ മാഹി മദ്യവുമായി പിടിയിൽ"
english_title: "Payyannur Excise Raid Mahe Liquor Arrest Fake Police Officer Money Extortion"
publisher: "panoornews.in"
canonical_url: "https://panoor.truevisionnews.com/news/388920/payyannur-fake-police-excise-officer-mahe-liquor-arrest"
published_at: "2026-10-27T09:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae0224522b7e_Untitled-15_copy.jpg"
keywords: ["Payyannur Excise Raid", "Mahe Liquor Seized", "Fake Police Officer", "Kannukarathi Muhammed Kunji", "Cherupuzha Manjakkad"]
---

# പയ്യന്നൂരിൽ പൊലീസും, എക്സൈസും ചമഞ്ഞ് ബാറുകാരിൽ നിന്നും പണം തട്ടിയെടുക്കുന്ന മധ്യവയസ്കൻ മാഹി മദ്യവുമായി പിടിയിൽ

> **Lead Summary:** മാഹി: പോലീസ്, എക്സൈസ് ഉദ്യോഗസ്ഥൻ ചമഞ്ഞ് വിൽപ്പനക്കാരിൽ നിന്നും ബാറുകാരിൽ നിന്നും പണം തട്ടിയെടുക്കുന്ന മധ്യവയസ്കൻ മാഹി മദ്യവുമായി അറസ്റ്റിൽ.26 കുപ്പി മാഹി മദ്യവുമായി പയ്യന്നൂർ എക്സൈസ് നടത്തിയ റെയ്ഡിലാണ് വിൽപ്പനക്കാരൻ പിടിയിലായത്.

## Article Content

മാഹി: പോലീസ്, എക്സൈസ് ഉദ്യോഗസ്ഥൻ ചമഞ്ഞ് വിൽപ്പനക്കാരിൽ നിന്നും ബാറുകാരിൽ നിന്നും പണം തട്ടിയെടുക്കുന്ന മധ്യവയസ്കൻ മാഹി മദ്യവുമായി അറസ്റ്റിൽ.26 കുപ്പി മാഹി മദ്യവുമായി പയ്യന്നൂർ എക്സൈസ് നടത്തിയ റെയ്ഡിലാണ് വിൽപ്പനക്കാരൻ പിടിയിലായത്.

പയ്യന്നൂർ എക്സൈസ് റെയ്ഞ്ച് സംഘം ചെറുപുഴ, മഞ്ഞക്കാട് ഭാഗങ്ങളിൽ നടത്തിയ റെയ്ഡിൽ മാഹി മദ്യവുമായി പാടിച്ചാൽ കുടവൻകുളം സ്വദേശി കണ്ണൂക്കാരത്തി മുഹമ്മദ് കുഞ്ഞി (54) യെയാണ് അറസ്റ്റ് ചെയ്തത്. പയ്യന്നൂർ റെയ്ഞ്ച് അസി. എക്സൈസ് ഇൻസ്പെക്ടർ വി.കെ. വിനോദിന്റെ നേതൃത്വത്തിലുള്ള സംഘമാണ് ഇയാളെ ചൊവ്വാഴ്ച രാവിലെ 11 ന് പിടികൂടിയത്.

പോലീസ്, എക്സൈസ് ഉദ്യോഗസ്ഥർ ചമഞ്ഞ് പണം തട്ടുന്ന കേസുകളിൽ പെട്ട് ഇയാൾ പല തവണ ജയിലിൽ കഴിഞ്ഞിട്ടുണ്ട്. സമാനമായ അബ്കാരി കേസുകളിലും മുൻപ് ജയിൽവാസം അനുഭവിച്ചിട്ടുണ്ട്. മാഹിയിൽ നിന്നും മദ്യം വാങ്ങി വിൽപ്പനക്കായി പാടിയോട്ട് ചാലിലേക്ക് വരവെയാണ് ഇയാൾ പിടിയിലായത്.

അസി. എക്സൈസ് ഇൻസ്പെക്ടർ ടി.വി. കമലാക്ഷൻ, പ്രിവന്റീവ് ഓഫീസർ ടി.വി. വിനേഷ്, സിവിൽ എക്സൈസ് ഓഫീസർമാരായ കെ.വി. സന്തോഷ്, പി.വി. ജയേഷ്, വിവേക് വിജയൻ, ശ്രേയ മുരളി എന്നിവർ പരിശോധനയിൽ പങ്കെടുത്തു.

English Summary: Middle-aged man who allegedly extorted money from sellers and bar owners posing as police and excise officer arrested with Mahe liquor in Payyannur. Excise range team seized 26 bottles in raid at Cherupuzha Manjakkad area. Arrested person identified as Kannukarathi Muhammed Kunji 54 from Padichal Kudavankulam. Team led by Assistant Excise Inspector VK Vinod nabbed him at 11 am Tuesday while bringing liquor from Mahe to Padiyottuchal for sale. Accused has previous jail terms in similar extortion and abkari cases.

### Related Links & Sources
- [Original Story Source](https://panoor.truevisionnews.com/news/388920/payyannur-fake-police-excise-officer-mahe-liquor-arrest)