---
title: "ഇടിമിന്നൽ അതീവ ജാഗ്രത വേണം ; കൊളശേരിയിൽ നാല് വീടുകൾക്ക് നാശനഷ്ടം"
english_title: "Lightning Alert Kolachery Four Houses Damaged Electrical Wiring Safety"
publisher: "panoornews.in"
canonical_url: "https://panoor.truevisionnews.com/news/387454/lightning-alert-kolachery-four-houses-damaged"
published_at: "2026-10-17T10:50:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ad30637459e7_lightning-alert-kolachery-four-houses-damaged.jpg"
keywords: [": Lightning", "Kolachery", "House Damage", "Electrical Damage"]
---

# ഇടിമിന്നൽ അതീവ ജാഗ്രത വേണം ; കൊളശേരിയിൽ നാല് വീടുകൾക്ക് നാശനഷ്ടം

> **Lead Summary:** പാനൂർ: ശക്തമായ ഇടിമിന്നലിൽ കൊളശേരി നിട്ടൂർ രാമനാൽ തെരുവിലെ നാല് വീടുകൾക്ക് വൻ നാശനഷ്ടം. ഇന്ന് പുലർച്ചെ രണ്ടരയോടെയുണ്ടായ ഇടിമിന്നലിലാണ് വീടുകളിലെ വയറിങ്ങും ഇലക്ട്രിക്കൽ ഉപകരണങ്ങളും കത്തിനശിച്ചത്.

## Article Content

പാനൂർ: ശക്തമായ ഇടിമിന്നലിൽ കൊളശേരി നിട്ടൂർ രാമനാൽ തെരുവിലെ നാല് വീടുകൾക്ക് വൻ നാശനഷ്ടം. ഇന്ന് പുലർച്ചെ രണ്ടരയോടെയുണ്ടായ ഇടിമിന്നലിലാണ് വീടുകളിലെ വയറിങ്ങും ഇലക്ട്രിക്കൽ ഉപകരണങ്ങളും കത്തിനശിച്ചത്.

ആർ.കെ. തെരുവിലെ ഷാജി, രവി, കൗൺസിലർ റിനിഷ എന്നിവരുടെ വീടുകൾ ഉൾപ്പെടെ നാല് വീടുകൾക്കാണ് നാശനഷ്ടമുണ്ടായത്. ഇടിമിന്നലിനെത്തുടർന്ന് വീടുകളിലെ വൈദ്യുതി വയറിങ്ങിനും വിവിധ ഇലക്ട്രിക്കൽ ഉപകരണങ്ങൾക്കും കേടുപാടുകൾ സംഭവിച്ചു. പുലർച്ചെയുണ്ടായ ശക്തമായ ഇടിമിന്നൽ പ്രദേശവാസികളെ പരിഭ്രാന്തിയിലാക്കി.

സംസ്ഥാനത്തിന്റെ വിവിധ ഭാഗങ്ങളിൽ ഇടിമിന്നൽ ശക്തമാകുന്ന സാഹചര്യത്തിൽ പൊതുജനങ്ങൾ അതീവ ജാഗ്രത പാലിക്കണം. ഇടിമിന്നൽ ഉണ്ടാകുമ്പോൾ തുറസ്സായ സ്ഥലങ്ങളിൽ നിൽക്കുന്നതും മരച്ചുവട്ടിൽ അഭയം തേടുന്നതും ഒഴിവാക്കണം. വീടിനുള്ളിലാണെങ്കിലും വൈദ്യുത ഉപകരണങ്ങൾ ഉപയോഗിക്കുന്നതിലും ജാഗ്രത വേണം.ഇടിമിന്നൽ സമയത്ത് ശ്രദ്ധിക്കേണ്ട കാര്യങ്ങൾ:

ഇടിമിന്നൽ ആരംഭിച്ചാൽ സുരക്ഷിതമായ കെട്ടിടത്തിനുള്ളിൽ അഭയം തേടുക.മരച്ചുവട്ടിലും തുറസ്സായ സ്ഥലങ്ങളിലും ജലാശയങ്ങൾക്ക് സമീപവും നിൽക്കരുത്.ഇടിമിന്നൽ സമയത്ത് വൈദ്യുത ഉപകരണങ്ങൾ, പ്ലഗ്, സ്വിച്ച് എന്നിവ കൈകാര്യം ചെയ്യുന്നത് ഒഴിവാക്കുക.വൈദ്യുതി ലൈനുകൾക്കും പൊട്ടിവീണ വൈദ്യുത കമ്പികൾക്കും സമീപം പോകരുത്.കാലാവസ്ഥാ മുന്നറിയിപ്പുകൾ ശ്രദ്ധിക്കുകയും അധികൃതരുടെ നിർദേശങ്ങൾ പാലിക്കുകയും ചെയ്യുക.ഇടിമിന്നലിനെ നിസ്സാരമായി കാണരുത്. ചെറിയ അശ്രദ്ധ പോലും ജീവനും സ്വത്തിനും അപകടമുണ്ടാക്കാൻ ഇടയുള്ളതിനാൽ എല്ലാവരും ജാഗ്രത പാലിക്കണം.

### Related Links & Sources
- [Original Story Source](https://panoor.truevisionnews.com/news/387454/lightning-alert-kolachery-four-houses-damaged)