---
title: "പാനൂർ ഹൈസ്കൂൾ 1988 എസ്.എസ്.എൽ.സി ബാച്ച് 'ചങ്ങാതിക്കൂട്ടം' ഒത്തുചേരൽ സീസൺ 3 ഹൃദ്യമായി"
english_title: "Panoor High School 1988 SSLC Batch Changathikootam Reunion Season 3 Held"
publisher: "panoornews.in"
canonical_url: "https://panoor.truevisionnews.com/news/385801/panoor-highschool-1988-sslc-changathikootam-reunion-season3"
published_at: "2026-10-06T17:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ac4e075a2a83_Panoor_High_School_1988_SSLC_Batch_Changathikootam_Reunion_Season_3_Held.jpg"
keywords: ["panoor highschool 1988 reunion", "changathikootam season 3", "panoor west up school"]
---

# പാനൂർ ഹൈസ്കൂൾ 1988 എസ്.എസ്.എൽ.സി ബാച്ച് 'ചങ്ങാതിക്കൂട്ടം' ഒത്തുചേരൽ സീസൺ 3 ഹൃദ്യമായി

> **Lead Summary:** പാനൂർ: കലാലയ ദിനങ്ങളുടെ നഷ്ടബോധവും മധുരിക്കുന്ന നൊമ്പരങ്ങളും നെഞ്ചിലേറ്റിക്കൊണ്ട്, നീണ്ട ഇടവേളയ്ക്കുശേഷം പഴയ കൂട്ടുകാർ വീണ്ടും ഒരേ കുടക്കീഴിൽ അണിനിരന്നു. പാനൂർ വെസ്റ്റ് യുപി സ്കൂളിൽ അതിവിപുലമായ പരിപാടികളോടെ സംഘടിപ്പിച്ച പാനൂർ ഹൈസ്കൂൾ 1988 എസ്.എസ്.എൽ.സി ബാച്ച് 'ചങ്ങാതിക്കൂട്ടം' കൂട്ടായ്മയുടെ ഒത്തുചേരൽ (സീസൺ 3) അവിസ്മരണീയ മുഹൂർത്തങ്ങളാൽ സമ്പന്നമായി.

## Article Content

പാനൂർ: കലാലയ ദിനങ്ങളുടെ നഷ്ടബോധവും മധുരിക്കുന്ന നൊമ്പരങ്ങളും നെഞ്ചിലേറ്റിക്കൊണ്ട്, നീണ്ട ഇടവേളയ്ക്കുശേഷം പഴയ കൂട്ടുകാർ വീണ്ടും ഒരേ കുടക്കീഴിൽ അണിനിരന്നു. പാനൂർ വെസ്റ്റ് യുപി സ്കൂളിൽ അതിവിപുലമായ പരിപാടികളോടെ സംഘടിപ്പിച്ച പാനൂർ ഹൈസ്കൂൾ 1988 എസ്.എസ്.എൽ.സി ബാച്ച് 'ചങ്ങാതിക്കൂട്ടം' കൂട്ടായ്മയുടെ ഒത്തുചേരൽ (സീസൺ 3) അവിസ്മരണീയ മുഹൂർത്തങ്ങളാൽ സമ്പന്നമായി.

​കൂത്തുപറമ്പ് എംഎൽഎ പ്രവീൺ പി.കെ. ചടങ്ങ് ഔദ്യോഗികമായി ഉദ്ഘാടനം ചെയ്തു. സൗഹൃദത്തിന്റെ കരുത്തും വിദ്യാലയ കാലഘട്ടത്തിന്റെ നന്മകളും ഓർമ്മിപ്പിച്ചുകൊണ്ടുള്ള അദ്ദേഹത്തിന്റെ വാക്കുകൾ സദസ്സിന് പുതിയ ഊർജം പകർന്നു.

ചങ്ങാതിക്കൂട്ടം പ്രസിഡന്റ് ഷാജിമോൻ ചടങ്ങിൽ അധ്യക്ഷത വഹിച്ചു. രവി മാവിലേരി സ്വാഗതം ആശംസിച്ച യോഗത്തിൽ രാജീവൻ മാസ്റ്റർ ആശംസകൾ നേർന്നു സംസാരിച്ചു.

​തുടർന്ന് നടന്ന ഔദ്യോഗിക യോഗത്തിൽ കഴിഞ്ഞ വർഷത്തെ പ്രവർത്തന റിപ്പോർട്ടും കണക്കുകളും സെക്രട്ടറി പ്രവീൺകുമാർ അവതരിപ്പിച്ചു. ചടങ്ങിന്റെ ഭാഗമായി, എസ്.എസ്.എൽ.സി, പ്ലസ് ടു പരീക്ഷകളിൽ ഫുൾ എ പ്ലസ് വിജയം കരസ്ഥമാക്കിയ സഹപാഠികളുടെ മക്കളെ ആദരിച്ചു. വൈസ് പ്രസിഡന്റ് നിലീന ചടങ്ങിന് നന്ദി പറഞ്ഞു.

​സ്നേഹത്തിന്റെ ഇഴയടുപ്പം കൂട്ടിയ ഊഷ്മളമായ ചായസൽക്കാരവും വിഭവസമൃദ്ധമായ ഉച്ചഭക്ഷണവും ഒത്തുചേരലിന് കൂടുതൽ മാറ്റ് കൂട്ടി. തുടർന്ന് നടന്ന സഹപാഠികളുടെ വൈവിധ്യമാർന്ന കലാ-കായിക പരിപാടികൾ ചടങ്ങിന് വർണ്ണപ്പകിട്ടേകി.

English Summary:

Panoor High School 1988 SSLC batch 'Changathikootam' reunion Season 3 held heartwarmingly at Panoor West UP School with elaborate programs. Inaugurated by Kuthuparamba MLA KP Praveen. Presided by President Shajimon, welcomed by Ravi Mavileri, felicitation by Rajeewan Master. Secretary Praveenkumar presented annual report and accounts. Children of batchmates who secured Full A+ in SSLC and Plus Two were honored. Vote of thanks by Vice President Nileena. Event featured tea, lunch and cultural sports programs by classmates.

### Related Links & Sources
- [Original Story Source](https://panoor.truevisionnews.com/news/385801/panoor-highschool-1988-sslc-changathikootam-reunion-season3)