---
title: "പരിയാരത്ത് ഓട്ടോ തടഞ്ഞ് യുവാവിനെ ഇരുമ്പ് പൈപ്പ് കൊണ്ട് ആക്രമിച്ചു; അഞ്ച് പേർക്കെതിരെ വധശ്രമത്തിന് കേസ്"
english_title: "Pariyaram Attempt To Murder Case Five Booked For Attacking Man With Iron Pipe"
publisher: "panoornews.in"
canonical_url: "https://panoor.truevisionnews.com/news/385622/pariyaram-auto-blocked-man-attacked-iron-pipe-attempt-murder-case-five"
published_at: "2026-10-05T15:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ac3707b33b97_pariyaram-auto-blocked-man-attacked-iron-pipe-attempt-murder-case-five.jpg"
keywords: ["Pariyaram attempt to murder iron pipe attack", "auto blocked youth attacked SNG office Sreestha", "Cheruthazham Vinod Kumar attack case"]
---

# പരിയാരത്ത് ഓട്ടോ തടഞ്ഞ് യുവാവിനെ ഇരുമ്പ് പൈപ്പ് കൊണ്ട് ആക്രമിച്ചു; അഞ്ച് പേർക്കെതിരെ വധശ്രമത്തിന് കേസ്

> **Lead Summary:** പരിയാരം: ഓട്ടോ തടഞ്ഞ് യുവാവിനെ വലിച്ചിറക്കി ഇരുമ്പ് പൈപ്പ് കൊണ്ട് ആക്രമിച്ച അഞ്ച് പേർക്കെതിരെ പരിയാരം പോലീസ് വധശ്രമത്തിന് കേസെടുത്തു.

## Article Content

പരിയാരം: ഓട്ടോ തടഞ്ഞ് യുവാവിനെ വലിച്ചിറക്കി ഇരുമ്പ് പൈപ്പ് കൊണ്ട് ആക്രമിച്ച അഞ്ച് പേർക്കെതിരെ പരിയാരം പോലീസ് വധശ്രമത്തിന് കേസെടുത്തു.

ചെറുതാഴം കുളപ്പുറത്തെ ടി വി വിനോദ് കുമാറിനെ (നാൽപത്തിയേഴ് വയസ്സ്) ആണ് വധിക്കാൻ ശ്രമിച്ചത്. പരാതിയിൽ ശ്രീസ്ഥയിലെ സതീശൻ, ലക്ഷ്മണൻ, ഷൈജു, പാർത്ഥിവ് എന്നിവർക്കും കണ്ടാലറിയാവുന്ന മറ്റൊരാൾക്കുമെതിരെയാണ് പോലീസ് കേസെടുത്തത്.

ഒന്നാം തീയതി വൈകുന്നേരം അഞ്ചര മണിക്ക് ശ്രീസ്ഥ എസ്എൻജി ഓഫീസിന് സമീപം വെച്ചാണ് സംഭവം. ഓട്ടോയിൽ നിന്നും വലിച്ചിറക്കി ഒന്നാം പ്രതി വാരിയെല്ലിനും കാലിനും ഇരുമ്പ് പൈപ്പ് കൊണ്ട് അടിച്ച് പരിക്കേൽപ്പിക്കുകയും രണ്ടും മൂന്നും നാലും പ്രതികൾ ചേർന്ന് മുഖത്തും തലയ്ക്കും മർദ്ദിക്കുകയും തലയ്ക്ക് ഇരുമ്പ് പൈപ്പ് കൊണ്ട് അടിച്ചതിൽ താടിക്ക് പരിക്ക് പറ്റുകയും ചെയ്തു എന്നാണ് പരാതി.

മുൻവൈരാഗ്യമാണ് ആക്രമണത്തിന് കാരണമെന്നാണ് വിവരം. പരിക്കേറ്റ യുവാവിനെ പയ്യന്നൂർ സഹകരണ ആശുപത്രിയിൽ പ്രവേശിപ്പിച്ചു. പരാതിയിൽ വധശ്രമത്തിന് കേസെടുത്ത പോലീസ് അന്വേഷണം ആരംഭിച്ചു.

English Summary:

Pariyaram police have registered an attempt to murder case against five persons for attacking a man after blocking his auto. The victim is TV Vinod Kumar (47) from Kulappuram, Cheruthazham. Case was filed against Satheeshan, Lakshmanan, Shaiju, Parthiv of Sreestha and one other identifiable person. The incident occurred on the 1st at 5.30 pm near Sreestha SNG office. As per complaint, first accused hit him on ribs and legs with iron pipe after pulling him from auto, while other accused assaulted on face and head causing injury to jaw. Previous enmity is said to be the reason. Injured admitted to Payyannur Co-op Hospital. Police started investigation.

### Related Links & Sources
- [Original Story Source](https://panoor.truevisionnews.com/news/385622/pariyaram-auto-blocked-man-attacked-iron-pipe-attempt-murder-case-five)