---
title: "'തേങ്ങ ഉഴിഞ്ഞ് ഓതിയാൽ ദാമ്പത്യ പ്രശ്നം മാറും' ; ഭർത്താവിനൊപ്പം എത്തിയ  യുവതിയെ പീഡിപ്പിച്ച നിരവധി കേസുകളിൽ പ്രതിയായ വ്യാജ സിദ്ധൻ അറസ്റ്റിൽ"
english_title: "Fake Siddhan Arrested for Assaulting Woman in Thamarassery Anwar Sadath"
publisher: "panoornews.in"
canonical_url: "https://panoor.truevisionnews.com/news/384011/ake-siddhan-arrested-thamarassery-anwar-sadath-puthupadi"
published_at: "2026-09-24T11:07:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab4b7e85f38e_fake-siddhan-arrested-thamarassery-anwar-sadath-puthupadi.jpg"
keywords: ["Fake Siddhan Arrest", "Anwar Sadath", "Puthupadi", "POCSO Case", "Crime News"]
---

# 'തേങ്ങ ഉഴിഞ്ഞ് ഓതിയാൽ ദാമ്പത്യ പ്രശ്നം മാറും' ; ഭർത്താവിനൊപ്പം എത്തിയ  യുവതിയെ പീഡിപ്പിച്ച നിരവധി കേസുകളിൽ പ്രതിയായ വ്യാജ സിദ്ധൻ അറസ്റ്റിൽ

> **Lead Summary:** താമരശേരിയിൽ യുവതിയെ പീഡിപ്പിച്ച വ്യാജ സിദ്ധൻ അറസ്റ്റിൽ. പുതുപ്പാടി സ്വദേശി അൻവർ സാദത്താണ് പിടിയിലായത്. പോക്സോ ഉൾപ്പെടെ നിരവധി കേസുകളിലെ പ്രതിയാണ് ഇയാൾ.

## Article Content

താമരശേരിയിൽ യുവതിയെ പീഡിപ്പിച്ച വ്യാജ സിദ്ധൻ അറസ്റ്റിൽ. പുതുപ്പാടി സ്വദേശി അൻവർ സാദത്താണ് പിടിയിലായത്. പോക്സോ ഉൾപ്പെടെ നിരവധി കേസുകളിലെ പ്രതിയാണ് ഇയാൾ.

ദാമ്പത്യ പ്രശ്നം പരിഹരിക്കുന്നതിനായാണ് കൊടുവള്ളി സ്വദേശിയായ യുവതിയും ഭർത്താവും അൻവർ സാദത്തിനെ സമീപിച്ചത്. തേങ്ങ ഉഴിഞ്ഞ് ഓതിയാൽ എല്ലാ പ്രശ്നങ്ങളും മാറുമെന്നായിരുന്നു വ്യാജ സിദ്ധന്റെ മറുപടി.

ചടങ്ങുകളുടെ ഭാഗമായി ഭർത്താവിന്റെ കയ്യിൽ തേങ്ങ നൽകി മുറിയുടെ ഒരു മൂലയിലേക്ക് തിരിഞ്ഞിരുന്ന് കണ്ണടച്ച് പ്രാർത്ഥിക്കാൻ വ്യാജ സിദ്ധൻ ആവശ്യപ്പെട്ടു. ഭർത്താവിന്റെ ശ്രദ്ധ മാറിയ സമയം യുവതിയെ മുറിയുടെ പിൻഭാഗത്തേക്ക് കൊണ്ടുപോയി ഭീഷണിപ്പെടുത്തി ലൈംഗികമായി പീഡിപ്പിക്കുകയായിരുന്നു. പീഡനവിവരം പുറത്തുപറഞ്ഞാൽ കൊന്നുകളയുമെന്നും ഭീഷണിപ്പെടുത്തി.

മുൻപും ഇതേ രീതിയിൽ ഇയാൾ സ്ത്രീകളെ പീഡനത്തിനിരയാക്കിയിട്ടുണ്ട്. പോക്സോ കേസുകൾ അടക്കം താമരശ്ശേരി പോലീസ് സ്റ്റേഷനിൽ മാത്രം ഇയാൾക്കെതിരെ അഞ്ച് ക്രിമിനൽ കേസുകളുണ്ട്. പരാതികൾ ഉയർന്നതിന്റെ പശ്ചാത്തലത്തിൽ ഇയാളുടെ ചികിത്സാ കേന്ദ്രത്തിലേക്ക് മുമ്പ് നാട്ടുകാർ പ്രതിഷേധ പ്രകടനം നടത്തിയിരുന്നു.

English Summary: Fake godman Anwar Sadath from Puthupadi arrested in Thamarassery for sexually assaulting a woman from Koduvally who approached him for marital counseling. He allegedly made her husband pray with a coconut while he assaulted her threatening to kill. Accused has five criminal cases including POCSO at Thamarassery station and locals had earlier protested at his center.

### Related Links & Sources
- [Original Story Source](https://panoor.truevisionnews.com/news/384011/ake-siddhan-arrested-thamarassery-anwar-sadath-puthupadi)