---
title: "പേരാവൂരിൽ മൂന്ന് പേർക്ക് വെട്ടേറ്റ സംഭവം: പ്രതികളായ മൂന്ന് പേരെ പൊലീസ് കസ്റ്റഡിയിലെടുത്തു"
english_title: "Three Taken Into Custody After Attack On Wedding Guests In Peravoor"
publisher: "panoornews.in"
canonical_url: "https://panoor.truevisionnews.com/news/380962/peravoor-wedding-house-attack-three-custody"
published_at: "2026-09-03T12:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a992653bea39_peravoor-wedding-house-attack-three.jpg"
keywords: []
---

# പേരാവൂരിൽ മൂന്ന് പേർക്ക് വെട്ടേറ്റ സംഭവം: പ്രതികളായ മൂന്ന് പേരെ പൊലീസ് കസ്റ്റഡിയിലെടുത്തു

> **Lead Summary:** പേരാവൂർ: കല്യാണ വീട്ടിലെത്തിയവരെ അയൽവാസിയുടെ നേതൃത്വത്തിൽ വെട്ടിയ സംഭവത്തിൽ മൂന്ന് പേരെ പൊലീസ് കസ്റ്റഡിയിലെടുത്തു. പേരാവൂർ സ്വദേശികളായ നിഖിൽ, സനിൽ, പ്രണവ് എന്നിവരെയാണ് പൊലീസ് കസ്റ്റഡിയിലെടുത്തത്.

## Article Content

പേരാവൂർ: കല്യാണ വീട്ടിലെത്തിയവരെ അയൽവാസിയുടെ നേതൃത്വത്തിൽ വെട്ടിയ സംഭവത്തിൽ മൂന്ന് പേരെ പൊലീസ് കസ്റ്റഡിയിലെടുത്തു. പേരാവൂർ സ്വദേശികളായ നിഖിൽ, സനിൽ, പ്രണവ് എന്നിവരെയാണ് പൊലീസ് കസ്റ്റഡിയിലെടുത്തത്.

കല്യാണവീട്ടിലെത്തിയ അൻസാർ, അരുൺ, അഭിജിത്ത് എന്നിവർക്കാണ് വെട്ടേറ്റത്. സംഭവത്തിൽ പരിക്കേറ്റ അൻസറിന്റെ നില ഗുരുതരമായി തുടരുകയാണ്.

ഇവർ മദ്യപിച്ച് പാട്ട് പാടിയത് അയൽവാസിയായ രാജേഷ് ചോദ്യം ചെയ്തതോടെയാണ് സംഭവങ്ങളുടെ തുടക്കം. പാട്ട് പാടിയതുമായി ബന്ധപ്പെട്ട് രാജേഷും കല്യാണവീട്ടിലെത്തിയവരും തമ്മിൽ വാക്കുതർക്കമുണ്ടായി. പിന്നീട് തർക്കം സംഘർഷത്തിലേക്ക് നീങ്ങുകയായിരുന്നു.

സംഘർഷത്തിനിടെ രാജേഷ് സുഹൃത്തുക്കളെ വിളിച്ചുവരുത്തിയതായാണ് വിവരം. അതേസമയം, കല്യാണം നടന്ന വീട്ടുകാരും അയൽവാസിയായ രാജേഷും തമ്മിൽ നേരത്തെ തന്നെ അതിർത്തി തർക്കം നിലനിന്നിരുന്നതായും പറയുന്നു.

നിലവിലുണ്ടായിരുന്ന ഈ തർക്കവും സംഘർഷം രൂക്ഷമാകുന്നതിനും ഏറ്റുമുട്ടലിലേക്ക് നീങ്ങുന്നതിനും കാരണമായതായാണ് വിവരം.

### Related Links & Sources
- [Original Story Source](https://panoor.truevisionnews.com/news/380962/peravoor-wedding-house-attack-three-custody)