---
title: "കെ.പി ആർട്സ് സുരേന്ദ്രന്റെ ഓർമ്മകൾക്ക് 9 വയസ് ; ചമ്പാട്ടെ സ്മൃതി മണ്ഡപത്തിൽ പുഷ്പാർച്ചന"
english_title: "KP Arts Surendran 9th Death Anniversary Observed At Chambad KP Mohanan"
publisher: "panoornews.in"
canonical_url: "https://panoor.truevisionnews.com/news/379047/kp-arts-surendran-9th-death-anniversary-chambad-kp-mohanan"
published_at: "2026-08-18T12:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a8406c21d5a0_kp-arts-surendran-9th-death-anniversary-chambad-kp-mohanan.jpg"
keywords: ["KP Arts Surendran", "Chambad", "Death Anniversary", "KP Mohanan"]
---

# കെ.പി ആർട്സ് സുരേന്ദ്രന്റെ ഓർമ്മകൾക്ക് 9 വയസ് ; ചമ്പാട്ടെ സ്മൃതി മണ്ഡപത്തിൽ പുഷ്പാർച്ചന

> **Lead Summary:** **ചമ്പാട്: **ചമ്പാട് അരയാക്കൂൽ മേഖലയിലെ സാമൂഹിക-സാംസ്കാരിക രംഗങ്ങളിൽ നിറസാന്നിധ്യമായിരുന്ന കെ.പി. ആർട്സ് സുരേന്ദ്രന്റെ ഒൻപതാം ചരമവാർഷികം ആചരിച്ചു. അരയാക്കൂലിലെ വീട്ടുവളപ്പിലെ സ്മൃതി മണ്ഡപത്തിൽ മുൻ മന്ത്രി കെ.പി. മോഹനന്റെ നേതൃത്വത്തിൽ പുഷ്പാർച്ചന നടത്തിയാണ് അനുസ്മരണം നടത്തിയത്.

## Article Content

**ചമ്പാട്: **ചമ്പാട് അരയാക്കൂൽ മേഖലയിലെ സാമൂഹിക-സാംസ്കാരിക രംഗങ്ങളിൽ നിറസാന്നിധ്യമായിരുന്ന കെ.പി. ആർട്സ് സുരേന്ദ്രന്റെ ഒൻപതാം ചരമവാർഷികം ആചരിച്ചു. അരയാക്കൂലിലെ വീട്ടുവളപ്പിലെ സ്മൃതി മണ്ഡപത്തിൽ മുൻ മന്ത്രി കെ.പി. മോഹനന്റെ നേതൃത്വത്തിൽ പുഷ്പാർച്ചന നടത്തിയാണ് അനുസ്മരണം നടത്തിയത്.

സമൂഹത്തിന്റെ വിവിധ മേഖലകളിൽ സുരേന്ദ്രൻ നൽകിയ സംഭാവനകൾ അനുസ്മരിച്ചുകൊണ്ടായിരുന്നു ചടങ്ങ്. കലാ-സാംസ്കാരിക പ്രവർത്തനങ്ങൾക്കും സാമൂഹിക ഇടപെടലുകൾക്കും നേതൃത്വം നൽകിയ സുരേന്ദ്രന്റെ പ്രവർത്തനങ്ങൾ ഇന്നും നാട്ടുകാർക്ക് പ്രചോദനമാണെന്ന് ചടങ്ങിൽ അനുസ്മരണ പ്രഭാഷണം നടത്തിയ മുൻ മന്ത്രി കെ.പി. മോഹനൻ പറഞ്ഞു.

കലാകാരന്മാരെയും സാംസ്കാരിക പ്രവർത്തകരെയും ഒരുമിച്ച് നിർത്തി നിരവധി പരിപാടികൾക്ക് നേതൃത്വം നൽകിയ വ്യക്തിയായിരുന്നു കെ.പി. ആർട്സ് സുരേന്ദ്രൻ. അദ്ദേഹത്തിന്റെ നഷ്ടം ചമ്പാട് മേഖലയ്ക്ക് തീരാനഷ്ടമാണെന്നും മോഹനൻ അനുസ്മരിച്ചു. ചടങ്ങിൽ പന്ന്യന്നൂർ രാമചന്ദ്രൻ, രാജേന്ദ്രൻ തായാട്ട്, കെ.കെ. ജയപ്രകാശ്, ടി.വി. പ്രകാശ് ബാബു, വി.പി. മനോഹരൻ, ഷാജീസ് പാനൂർ, കെ. മോഹനൻ തുടങ്ങിയവരും കുടുംബാംഗങ്ങളും സുഹൃത്തുക്കളും സഹപ്രവർത്തകരും ഉൾപ്പെടെ നിരവധി പേർ സ്മൃതി മണ്ഡപത്തിൽ പുഷ്പാർച്ചന നടത്തി.

കലയുടെയും സേവനത്തിന്റെയും മാതൃകയായി നിലനിൽക്കുന്ന സുരേന്ദ്രന്റെ ജീവിതം പുതലമുറയ്ക്ക് മാതൃകയാണെന്ന് പങ്കെടുത്തവർ അഭിപ്രായപ്പെട്ടു.

**English Summary:**

The 9th death anniversary of KP Arts Surendran was observed at Chambad Arayakkool. Former Minister KP Mohanan led the floral tribute at the memorial in his home compound. Speaking at the event, KP Mohanan recalled Surendran's contributions to social and cultural fields and said his work continues to inspire people. Various leaders including Panniyannur Ramachandran, Rajendran Thayyatt, KK Jayaprakash, TV Prakash Babu, VP Manoharan, Shajees Panoor and K Mohanan along with family members and friends paid floral tributes.

### Related Links & Sources
- [Original Story Source](https://panoor.truevisionnews.com/news/379047/kp-arts-surendran-9th-death-anniversary-chambad-kp-mohanan)