---
title: "തൊട്ടിൽപ്പാലത്ത് കാറുകൾ കൂട്ടിയിടിച്ച് കുട്ടികൾ ഉൾപ്പെടെ നാലുപേർക്ക് പരിക്ക് ; അപകടത്തിൽപ്പെട്ടത് ചൊക്ലി സ്വദേശികൾ സഞ്ചരിച്ച കാർ "
english_title: "Four Injured In Car Collision Near Moondamkai Bridge On Thottilpalam-Wayanad Road"
publisher: "panoornews.in"
canonical_url: "https://panoor.truevisionnews.com/news/378836/thottilpalam-wayanad-road-car-collision-4-injured"
published_at: "2026-08-16T21:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a81e2a2983aa_thottilpalam-wayanad-road-car-collision-4-injured.jpg"
keywords: ["Accident Case", "Thottilpalam Accident", "Car Accident"]
---

# തൊട്ടിൽപ്പാലത്ത് കാറുകൾ കൂട്ടിയിടിച്ച് കുട്ടികൾ ഉൾപ്പെടെ നാലുപേർക്ക് പരിക്ക് ; അപകടത്തിൽപ്പെട്ടത് ചൊക്ലി സ്വദേശികൾ സഞ്ചരിച്ച കാർ 

> **Lead Summary:** **ചൊക്ലി : **തൊട്ടിൽപ്പാലം-വയനാട് റോഡിൽ മൂന്നാംകൈ പാലത്തിന് സമീപം കാറുകൾ കൂട്ടിയിടിച്ച് നാലുപേർക്ക് പരിക്ക്. ചുരം ഇറങ്ങി കുറ്റ്യാടി ഭാഗത്തേക്ക് പോവുകയായിരുന്ന ചൊക്ലി സ്വദേശികൾ സഞ്ചരിച്ച കാറും, ചുരം ഭാഗത്തേക്ക് പോവുകയായിരുന്ന ആവള സ്വദേശികൾ സഞ്ചരിച്ച കാറുമാണ് കൂട്ടിയിടിച്ചത്.

## Article Content

**ചൊക്ലി : **തൊട്ടിൽപ്പാലം-വയനാട് റോഡിൽ മൂന്നാംകൈ പാലത്തിന് സമീപം കാറുകൾ കൂട്ടിയിടിച്ച് നാലുപേർക്ക് പരിക്ക്. ചുരം ഇറങ്ങി കുറ്റ്യാടി ഭാഗത്തേക്ക് പോവുകയായിരുന്ന ചൊക്ലി സ്വദേശികൾ സഞ്ചരിച്ച കാറും, ചുരം ഭാഗത്തേക്ക് പോവുകയായിരുന്ന ആവള സ്വദേശികൾ സഞ്ചരിച്ച കാറുമാണ് കൂട്ടിയിടിച്ചത്.

അപകടത്തിൽ ചൊക്ലി സ്വദേശികളായ രണ്ടുപേർക്കും ആവള സ്വദേശികളായ രണ്ട് കുട്ടികൾക്കുമാണ് പരിക്കേറ്റത്. പരിക്കേറ്റവരെ ഉടൻ തൊട്ടിൽപ്പാലം ഇഖ്റ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.

വയനാട് ചുരം റോഡിലെ തിരക്കേറിയ ഭാഗമായ മൂന്നാംകൈ പാലത്തിന് സമീപമാണ് അപകടമുണ്ടായത്. വിവരം അറിഞ്ഞ് നാട്ടുകാരും പൊലീസും സ്ഥലത്തെത്തി രക്ഷാപ്രവർത്തനം നടത്തി. അപകട കാരണം സംബന്ധിച്ച് പൊലീസ് അന്വേഷണം ആരംഭിച്ചു. റോഡിലെ വളവും വേഗക്കുറവും അപകടത്തിന് കാരണമായതാണോ എന്ന് പരിശോധിക്കുന്നതായി പൊലീസ് അറിയിച്ചു.അപകടത്തെ തുടർന്ന് കുറച്ച് നേരം ഗതാഗതം തടസ്സപ്പെട്ടു. പിന്നീട് വാഹനങ്ങൾ നീക്കി ഗതാഗതം പുനഃസ്ഥാപിച്ചു.

**English Summary:**

Four people were injured in a car collision near Moondamkai Bridge on the Thottilpalam-Wayanad road. A car with residents of Chokli heading towards Kuttiyadi collided with a car with residents of Avala heading towards the ghat. Two people from Chokli and two children from Avala were injured. All were admitted to Ikhra Hospital in Thottilpalam. Hospital sources said none of the injuries are serious. Police have started an investigation into the cause of the accident. Traffic was disrupted for some time and later restored.

### Related Links & Sources
- [Original Story Source](https://panoor.truevisionnews.com/news/378836/thottilpalam-wayanad-road-car-collision-4-injured)