---
title: "അർജുൻ ആയങ്കിയെ തലശ്ശേരി നിന്ന് എറണാകുളത്തേക്ക് കൊണ്ടുപോയി; മുങ്ങിനടന്ന കാർ തളിപ്പറമ്പിൽ ഉപേക്ഷിച്ച നിലയിൽ കണ്ടെത്തി "
english_title: "Arjun Ayanki Taken Into Custody By Kuttampuzha Police From Thalassery Jail"
publisher: "panoornews.in"
canonical_url: "https://panoor.truevisionnews.com/news/378556/arjun-ayanki-taken-into-custody-by-kuttampuzha-police"
published_at: "2026-08-14T19:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7f218fed819_arjun.jpg"
keywords: ["Arjun Ayanki", "Kannur Cyber Crime", "Thalassery Sub Jail"]
---

# അർജുൻ ആയങ്കിയെ തലശ്ശേരി നിന്ന് എറണാകുളത്തേക്ക് കൊണ്ടുപോയി; മുങ്ങിനടന്ന കാർ തളിപ്പറമ്പിൽ ഉപേക്ഷിച്ച നിലയിൽ കണ്ടെത്തി 

> **Lead Summary:** കണ്ണൂർ : അർജുൻ ആയങ്കിയെ കസ്റ്റഡിയിലെടുത്ത് കുട്ടമ്പുഴ പൊലീസ്. പ്രൊഡക്ഷൻ വാറണ്ടിന്റെ അടിസ്ഥാനത്തിൽ തലശ്ശേരി സബ് ജയിലിൽ നിന്ന് ഹാജരാക്കിയ അർജുനെ എറണാകുളത്തേക്ക് കൊണ്ടുപോയി.

## Article Content

കണ്ണൂർ : അർജുൻ ആയങ്കിയെ കസ്റ്റഡിയിലെടുത്ത് കുട്ടമ്പുഴ പൊലീസ്. പ്രൊഡക്ഷൻ വാറണ്ടിന്റെ അടിസ്ഥാനത്തിൽ തലശ്ശേരി സബ് ജയിലിൽ നിന്ന് ഹാജരാക്കിയ അർജുനെ എറണാകുളത്തേക്ക് കൊണ്ടുപോയി.

റിമാൻഡിലായ അർജുൻ ആയങ്കിയുടെ മൂന്നു ദിവസത്തെ കസ്റ്റഡി അവസാനിച്ചതോടെ കോടതിയിൽ ഹാജരാക്കി. കോടതി അർജുന്റെ റിമാൻഡ് തുടരാൻ ഉത്തരവിട്ടു. കണ്ണൂർ സൈബർ ക്രൈം പൊലീസിന്റെ അപേക്ഷയെ തുടർന്നാണ് കോടതി അർജുനെ മൂന്നു ദിവസത്തേക്ക് കസ്റ്റഡിയിൽ നൽകിയത്.

കസ്റ്റഡി കാലയളവിൽ നടത്തിയ ചോദ്യം ചെയ്യലിൽ സംഭവങ്ങളെല്ലാം താൻ തനിച്ചാണ് ചെയ്തതെന്ന് അർജുൻ പൊലീസിന് മൊഴി നൽകിയതായി പൊലീസ് സ്രോതസ്സുകൾ അറിയിച്ചു. അതേസമയം അർജുൻ മുങ്ങിനടന്ന കാർ കുട്ടമ്പുഴ പൊലീസ് പിടികൂടി.

ബന്ധു കുട്ടന്റെ ഉടമസ്ഥതയിലുള്ള കാറാണ് തളിപ്പറമ്പിൽ ഉപേക്ഷിച്ച നിലയിൽ കണ്ടെത്തിയത്. കണ്ണൂരിലെ വിവിധ സ്ഥലങ്ങളിൽ അർജുൻ സഞ്ചരിച്ചത് ഈ കാറിലായിരുന്നുവെന്നാണ് പൊലീസിന്റെ നിഗമനം.

കസ്റ്റഡിയിലെടുത്ത് നടത്തിയ തെളിവെടുപ്പിന്റെ ഭാഗമായി അർജുനെ രണ്ടു ദിവസം ഒളിവിൽ കഴിഞ്ഞ ലോഡ്ജിലേക്കും, സുഹൃത്തുക്കൾക്കൊപ്പം കാറിൽ സഞ്ചരിച്ച ഇടങ്ങളിലേക്കും പൊലീസ് കൊണ്ടുപോയി. പിടിയിലാകുന്നതിന് മുൻപ് അർജുൻ എത്തിയിരുന്ന അഭിഭാഷകയുടെ അപ്പാർട്ട്മെന്റിലും തെളിവെടുപ്പ് നടത്തി.

കേസുമായി ബന്ധപ്പെട്ട് ഫേസ്ബുക്കിൽ പോസ്റ്റ് ചെയ്യാൻ അർജുൻ ഉപയോഗിച്ച ഐ ഫോൺ കൂടി പൊലീസ് കണ്ടെടുത്തിട്ടുണ്ട്. ഫോണും കാറും ഉൾപ്പെടെയുള്ള തെളിവുകൾ കൂടുതൽ അന്വേഷണത്തിന് ഉപയോഗിക്കുമെന്നാണ് പൊലീസിന്റെ നിലപാട്. അന്വേഷണം പുരോഗമിക്കുകയാണെന്നും കൂടുതൽ വിവരങ്ങൾ പുറത്തുവിടാനാകില്ലെന്നും കണ്ണൂർ സൈബർ ക്രൈം പൊലീസ് അറിയിച്ചു.

**English Summary:**

Arjun Ayanki was taken into custody by Kuttampuzha police on a production warrant from Thalassery Sub Jail and taken to Ernakulam. His three-day custody granted by court to Kannur Cyber Crime police has ended and the court has extended his remand. Police said Arjun told them he acted alone. Police also seized the car belonging to his relative Kuttan, which was found abandoned in Taliparamba and allegedly used by Arjun in Kannur. Evidence collection was conducted at the lodge where he hid, places he traveled in the car, and at a lawyer’s apartment. Police also recovered the iPhone used to post on Facebook.

### Related Links & Sources
- [Original Story Source](https://panoor.truevisionnews.com/news/378556/arjun-ayanki-taken-into-custody-by-kuttampuzha-police)