---
title: "കുറ്റ്യാടി നിട്ടൂരിൽ സംഘർഷം: പെൺകുട്ടിയുമായുള്ള അടുപ്പത്തെ തുടർന്ന് 3 യുവാക്കൾക്ക് വെട്ട്"
english_title: "Kuttiady Nittoor Clash Three Youth Stabbed One Arrested"
publisher: "panoornews.in"
canonical_url: "https://panoor.truevisionnews.com/news/377781/kuttiady-nittoor-clash-3-youth-stabbed-arrest"
published_at: "2026-08-10T15:24:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a79a042cded7_Untitled-3_copy.jpg"
keywords: ["Kuttiady", "Nittoor", "Clash", "Attack", "Arrest"]
---

# കുറ്റ്യാടി നിട്ടൂരിൽ സംഘർഷം: പെൺകുട്ടിയുമായുള്ള അടുപ്പത്തെ തുടർന്ന് 3 യുവാക്കൾക്ക് വെട്ട്

> **Lead Summary:** കുറ്റ്യാടി നിട്ടൂരിൽ ബൈക്കിലെത്തിയ സംഘത്തിന്റെ ആക്രമണത്തിൽ മൂന്ന് യുവാക്കൾക്ക് വെട്ടേറ്റു. സംഭവത്തിൽ ഒരാളെ പോലീസ് കസ്റ്റഡിയിലെടുത്തു.

## Article Content

കുറ്റ്യാടി നിട്ടൂരിൽ ബൈക്കിലെത്തിയ സംഘത്തിന്റെ ആക്രമണത്തിൽ മൂന്ന് യുവാക്കൾക്ക് വെട്ടേറ്റു. സംഭവത്തിൽ ഒരാളെ പോലീസ് കസ്റ്റഡിയിലെടുത്തു.

ഇന്നലെ രാത്രിയാണ് സംഭവം. നിട്ടൂർ സ്വദേശികളായ ഷോജിൻ, ബബിൻ, അശ്വിൻ എന്നിവർക്കാണ് പരിക്കേറ്റത്. മൂന്ന് ബൈക്കുകളിലെത്തിയ 6 അംഗ സംഘമാണ് യുവാക്കളെ ആക്രമിച്ചതെന്ന് പരിക്കേറ്റവർ പോലീസിന് മൊഴി നൽകി.

ഒരു പെൺകുട്ടിയുമായുള്ള അടുപ്പമാണ് ആക്രമണത്തിന് പിന്നിലെ കാരണമെന്നാണ് പ്രാഥമിക നിഗമനം. പരിക്കുകൾ ഗുരുതരമല്ലെന്നാണ് വിവരം. പരിക്കേറ്റവരെ ഉടൻ ആശുപത്രിയിൽ പ്രവേശിപ്പിച്ച് ചികിത്സ നൽകി.

സംഭവത്തിൽ കുറ്റ്യാടി പോലീസ് കേസെടുത്ത് അന്വേഷണം ആരംഭിച്ചു. അക്രമി സംഘത്തിലെ ശ്രീജിത്ത് എന്നയാളെയാണ് പോലീസ് കസ്റ്റഡിയിലെടുത്തത്. മറ്റ് പ്രതികളെ കണ്ടെത്താനുള്ള നടപടികൾ ഊർജിതമാക്കിയിട്ടുണ്ട്.സംഭവത്തെ തുടർന്ന് പ്രദേശത്ത് നേരിയ പിരിമുറുക്കമുണ്ട്. സ്ഥലത്ത് പോലീസ് പട്രോളിംഗ് ശക്തമാക്കിയതായി അധികൃതർ അറിയിച്ചു.

### Related Links & Sources
- [Original Story Source](https://panoor.truevisionnews.com/news/377781/kuttiady-nittoor-clash-3-youth-stabbed-arrest)