---
title: "പരിയാരത്ത് ഭാര്യയെ മർദിക്കുകയും ഭീഷണിപ്പെടുത്തുകയും ചെയ്തു; ഭർത്താവിനെതിരെ കേസ്"
english_title: "Case Registered Against Husband For Assaulting Wife In Pariyaram Kannur"
publisher: "panoornews.in"
canonical_url: "https://panoor.truevisionnews.com/news/375807/case-registered-against-husband-for-assaulting-wife-in-pariyaram-kannur"
published_at: "2026-07-31T17:34:00+05:30"
category: "Obituary"
language: "ml"
image: "https://cf.zdn.im/img/truevisionnews.com/0/image-uploads/6a6c90b486cb8_kannur-bike-robbery-screwdriver-arrest.jpg"
keywords: []
---

# പരിയാരത്ത് ഭാര്യയെ മർദിക്കുകയും ഭീഷണിപ്പെടുത്തുകയും ചെയ്തു; ഭർത്താവിനെതിരെ കേസ്

> **Lead Summary:** പരിയാരം: കുടുംബവഴക്കിനിടെ ഭാര്യയെ മർദിക്കുകയും അസഭ്യം പറയുകയും വധഭീഷണി മുഴക്കുകയും ചെയ്തെന്ന പരാതിയിൽ ഭർത്താവിനെതിരെ പരിയാരം പോലീസ് കേസെടുത്തു.

## Article Content

പരിയാരം: കുടുംബവഴക്കിനിടെ ഭാര്യയെ മർദിക്കുകയും അസഭ്യം പറയുകയും വധഭീഷണി മുഴക്കുകയും ചെയ്തെന്ന പരാതിയിൽ ഭർത്താവിനെതിരെ പരിയാരം പോലീസ് കേസെടുത്തു.

പരിയാരം തിരുവട്ടൂർ പി.എം. ഹൗസിലെ അബ്ദുൾ ജബ്ബാർ (32) നെതിരെയാണ് കേസ്. ഭാര്യ കെ. ഷിബാന (28) നൽകിയ പരാതിയുടെ അടിസ്ഥാനത്തിലാണ് നടപടി.

ജൂലൈ 29-ന് രാത്രി ഏഴുമണിയോടെയാണ് സംഭവം. വീട്ടിൽ വെച്ച് ഭർത്താവ് തടഞ്ഞുനിർത്തി മുഖത്തടിക്കുകയും തള്ളിയിടുകയും ചെയ്തതായി പരാതിയിൽ പറയുന്നു. ഇതിൽ ഷിബാനയ്ക്ക് പരിക്കേറ്റതായും ആരോപണമുണ്ട്.

ഇതോടൊപ്പം കൊല്ലുമെന്ന് ഭീഷണിപ്പെടുത്തുകയും അസഭ്യം പറയുകയും ചെയ്തതായി പരാതിയിൽ ചൂണ്ടിക്കാട്ടുന്നു.പരാതി ലഭിച്ചതോടെ പരിയാരം പോലീസ് ഭാരതീയ ന്യായ സംഹിതയിലെ വിവിധ വകുപ്പുകൾ ചേർത്ത് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

ഗാർഹിക പീഡനവുമായി ബന്ധപ്പെട്ട് പരാതികൾ വർധിക്കുന്ന സാഹചര്യത്തിൽ കർശന നടപടി സ്വീകരിക്കുമെന്ന് പോലീസ് അറിയിച്ചു.

### Related Links & Sources
- [Original Story Source](https://panoor.truevisionnews.com/news/375807/case-registered-against-husband-for-assaulting-wife-in-pariyaram-kannur)