---
title: "ഇനി വിളച്ചിലെടുക്കേണ്ട; കൂത്തുപറമ്പ് താലൂക്ക് ആശുപത്രിയിൽ പൊലീസ് എയ്ഡ് പോസ്റ്റ് സജ്ജം"
english_title: "Police Aid Post Inaugurated at Koothuparamba Taluk Hospital for Enhanced Security"
publisher: "panoornews.in"
canonical_url: "https://panoor.truevisionnews.com/news/373650/police-aid-post-inaugurated-at-koothuparamba-taluk-hospital-for-enhanced-security"
published_at: "2026-07-21T10:45:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5f0145de34c_koothuparamba-taluk-hospital-police-aid_copy.jpg"
keywords: ["Koothuparamba", "Taluk Hospital", "Police Aid Post", "Hospital Security", "Kannur", "PK Praveen MLA"]
---

# ഇനി വിളച്ചിലെടുക്കേണ്ട; കൂത്തുപറമ്പ് താലൂക്ക് ആശുപത്രിയിൽ പൊലീസ് എയ്ഡ് പോസ്റ്റ് സജ്ജം

> **Lead Summary:** കൂത്തുപറമ്പ്: കൂത്തുപറമ്പ് ഗവ. താലൂക്ക് ആശുപത്രിയിൽ അനുവദിച്ച പൊലീസ് എയ്ഡ് പോസ്റ്റിന്റെ ഉദ്ഘാടനം നടന്നു. പി.കെ. പ്രവീൺ എംഎൽഎ ഉദ്ഘാടനം നിർവഹിച്ചു. നഗരസഭ ചെയർപേഴ്സൺ വി. ഷിജിത്ത് അധ്യക്ഷത വഹിച്ചു.

## Article Content

കൂത്തുപറമ്പ്: കൂത്തുപറമ്പ് ഗവ. താലൂക്ക് ആശുപത്രിയിൽ അനുവദിച്ച പൊലീസ് എയ്ഡ് പോസ്റ്റിന്റെ ഉദ്ഘാടനം നടന്നു. പി.കെ. പ്രവീൺ എംഎൽഎ ഉദ്ഘാടനം നിർവഹിച്ചു. നഗരസഭ ചെയർപേഴ്സൺ വി. ഷിജിത്ത് അധ്യക്ഷത വഹിച്ചു.

ആശുപത്രി പരിസരത്ത് നിരന്തരം ഉണ്ടാകുന്ന സാമൂഹ്യവിരുദ്ധ ശല്യങ്ങളും ജീവനക്കാർക്ക് നേരെയുള്ള അതിക്രമങ്ങളും കണക്കിലെടുത്താണ് പൊലീസ് എയ്ഡ് പോസ്റ്റ് സ്ഥാപിച്ചത്. ഇനി ആശുപത്രിയിൽ മുഴുവൻ സമയവും പൊലീസ് ഉദ്യോഗസ്ഥരുടെ സേവനം ലഭ്യമാകും.

ചടങ്ങിൽ സി.ഐ ബിജു ആന്റണി, നഗരസഭ വൈസ് ചെയർപേഴ്സൺ എം.വി. ശ്രീജ, നഗരസഭ ആരോഗ്യ സ്ഥിരം സമിതി അധ്യക്ഷ ഫാത്തിമത്തുൽ ഹഷിത, വാർഡ് കൗൺസിലർ മുഹമ്മദ് റാഫി, ആശുപത്രി സൂപ്രണ്ട് ഡോ. എ.കെ. സഹിന, എം. ബിന്ദു, എം. ഗിരീഷ് കുമാർ എന്നിവർ സംസാരിച്ചു.

രോഗികൾക്കും കൂട്ടിരിപ്പുകാർക്കും ജീവനക്കാർക്കും കൂടുതൽ സുരക്ഷ ഉറപ്പാക്കുന്നതിന്റെ ഭാഗമായാണ് ഈ നടപടി. രാത്രികാലങ്ങളിലും അടിയന്തര സാഹചര്യങ്ങളിലും പെട്ടെന്ന് ഇടപെടാൻ എയ്ഡ് പോസ്റ്റ് സഹായിക്കുമെന്ന് അധികൃതർ പറഞ്ഞു.

ആശുപത്രിയിലെത്തുന്ന പൊതുജനങ്ങൾക്ക് യാതൊരു ഭയവുമില്ലാതെ ചികിത്സ തേടാനുള്ള സാഹചര്യം ഒരുക്കുക എന്നതാണ് ലക്ഷ്യമെന്ന് പി.കെ. പ്രവീൺ എംഎൽഎ ഉദ്ഘാടന പ്രസംഗത്തിൽ പറഞ്ഞു.

### Related Links & Sources
- [Original Story Source](https://panoor.truevisionnews.com/news/373650/police-aid-post-inaugurated-at-koothuparamba-taluk-hospital-for-enhanced-security)