---
title: "ഒമാനിൽ സലാലക്ക് സമീപം വാഹനാപകടത്തിൽ കണ്ണൂർ  സ്വദേശിനി മരിച്ചു,ഭർത്താവിന് പരിക്ക്  "
english_title: "Kannur Woman Fatimat Shana Dies in Oman Road Accident Near Salalah, Husband Injured"
publisher: "panoornews.in"
canonical_url: "https://panoor.truevisionnews.com/news/373488/kannur-woman-fatimat-shana-dies-in-oman-road-accident-near-salalah-husband-injured"
published_at: "2026-07-20T12:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5dcbb78214e_oman-salalah-road-accident-kannur-woman-fatimat-shana-.jpg"
keywords: ["Oman Accident", "Salalah", "Kannur", "Fatimat Shana", "Malayali"]
---

# ഒമാനിൽ സലാലക്ക് സമീപം വാഹനാപകടത്തിൽ കണ്ണൂർ  സ്വദേശിനി മരിച്ചു,ഭർത്താവിന് പരിക്ക്  

> **Lead Summary:** ഒമാനിലെ സലാല- ഹൈമ റോഡിൽ ഉണ്ടായ വാഹനാപകടത്തിൽ കണ്ണൂർ സ്വദേശിനി ഫാത്തിമത്ത് ഷാന മരിച്ചു.താഴെചൊവ്വ ഇളയാവൂർ സീബ് മൻസിൽ മുഹമ്മദ് ഷാനിദിന്റെ ഭാര്യ*യും *താഴെചൊവ്വ തിലന്നൂർ ബർഷമഹലിലെ സ്വദേശിനിയുമാണ് ഫാത്തിമത്ത് ഷാന.

## Article Content

ഒമാനിലെ സലാല- ഹൈമ റോഡിൽ ഉണ്ടായ വാഹനാപകടത്തിൽ കണ്ണൂർ സ്വദേശിനി ഫാത്തിമത്ത് ഷാന മരിച്ചു.താഴെചൊവ്വ ഇളയാവൂർ സീബ് മൻസിൽ മുഹമ്മദ് ഷാനിദിന്റെ ഭാര്യ*യും *താഴെചൊവ്വ തിലന്നൂർ ബർഷമഹലിലെ സ്വദേശിനിയുമാണ് ഫാത്തിമത്ത് ഷാന.

ഞായറാഴ്ച വൈകീട്ടായിരുന്നു അപകടം. ഹൈമയിൽ സൈൻ ബോർഡ് ജോലി കഴിഞ്ഞ് തിരിച്ചുവരികയായിരുന്ന സംഘം സഞ്ചരിച്ച കാർ നിയന്ത്രണം വിട്ട് മറിയുകയായിരുന്നു.

അപകടത്തിൽ ഭർത്താവ് മുഹമ്മദ് ഷാനിദ്(31), കൂടെ യാത്ര ചെയ്ത മുഹമ്മദ് അനസ് പൂളക്കൽ(26) എന്നിവർക്ക് പരിക്കേറ്റു. ഇവരെ സലാലയിലെ സുൽത്താൻ ഖാബൂസ് ആശുപത്രിയിൽ പ്രവേശിപ്പിച്ചു. ഇരുവരുടെയും നില തൃപ്തികരമാണെന്നാണ് വിവരം.

മസ്കത്തിലെ സീബിലെ 'ഫാൽക്കൺ ഗ്രാഫിക്സ്' എന്ന സ്ഥാപനത്തിലാണ് മുഹമ്മദ് ഷാനിദും മുഹമ്മദ് അനസും ജോലി ചെയ്യുന്നത്. അടുത്തിടെയാണ് ഫാത്തിമത്ത് ഷാന വിസിറ്റ് വിസയിൽ ഒമാനിലെത്തിയത്.

അപകടവിവരമറിഞ്ഞ് ഒമാനിലെ ഇന്ത്യൻ എംബസിയും സാമൂഹിക പ്രവർത്തകരും ഇടപെട്ടു. മൃതദേഹം നാട്ടിലെത്തിക്കാനുള്ള നടപടികൾ പുരോഗമിക്കുകയാണ്. കുടുംബത്തിനൊപ്പം നാട്ടിലേക്ക് പോകാനുള്ള ഒരുക്കങ്ങൾക്കിടെയാണ് ഫാത്തിമത്തിന് ദാരുണാന്ത്യം സംഭവിച്ചത്.

### Related Links & Sources
- [Original Story Source](https://panoor.truevisionnews.com/news/373488/kannur-woman-fatimat-shana-dies-in-oman-road-accident-near-salalah-husband-injured)