---
title: "വിഘ്നേശ്വരാ കാക്കണേ...; മെസ്സിക്കും  അർജന്റീനക്കുമായി പള്ളൂരിലെ ഗണപതി ക്ഷേത്രത്തിൽ മകം നക്ഷത്രത്തിൽ 'ജലധാര...!'"
english_title: "Kerala Fans Offer Jaladhara for Messi and Argentina at Palloor Ganapathy Temple"
publisher: "panoornews.in"
canonical_url: "https://panoor.truevisionnews.com/news/373121/kerala-fans-offer-jaladhara-for-messi-and-argentina-at-palloor-ganapathy-temple"
published_at: "2026-07-18T10:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5b0d719d152_palloor-ganapathy-temple-jaladhara-messi-argentina.jpg"
keywords: ["Messi Fans Kerala", "Argentina World Cup", "Palloor Temple", "Jaladhara Vazhipadu", "Football Devotion", "Kerala Football"]
---

# വിഘ്നേശ്വരാ കാക്കണേ...; മെസ്സിക്കും  അർജന്റീനക്കുമായി പള്ളൂരിലെ ഗണപതി ക്ഷേത്രത്തിൽ മകം നക്ഷത്രത്തിൽ 'ജലധാര...!'

> **Lead Summary:** പള്ളൂർ: ലോകകപ്പ് ആവേശം കേരളത്തിൽ കൊടുമ്പിരിക്കൊള്ളുന്നതിനിടെ അർജന്റീന ടീമിനും ഇതിഹാസ താരം ലയണൽ മെസ്സിക്കും വിജയാശംസകൾ നേർന്ന് വ്യത്യസ്തമായൊരു പ്രാർത്ഥന.

## Article Content

പള്ളൂർ: ലോകകപ്പ് ആവേശം കേരളത്തിൽ കൊടുമ്പിരിക്കൊള്ളുന്നതിനിടെ അർജന്റീന ടീമിനും ഇതിഹാസ താരം ലയണൽ മെസ്സിക്കും വിജയാശംസകൾ നേർന്ന് വ്യത്യസ്തമായൊരു പ്രാർത്ഥന.

പള്ളൂർ കോയ്യോട്ട് തെരു ശ്രീ മഹാഗണപതി ക്ഷേത്രത്തിലാണ് അർജന്റീനയുടെ വിജയത്തിനായി മകം നക്ഷത്ര ദിനത്തിൽ 'ജലധാര' വഴിപാട് നടത്തിയത്.

> ലയണൽ മെസ്സിയുടെ കടുത്ത ആരാധകനായ ഒരാൾ ക്ഷേത്രത്തിൽ എത്തി 10 രൂപയുടെ ജലധാര വഴിപാട് നേർന്നു. "വിഘ്നേശ്വരാ... കാക്കണേ" എന്ന പ്രാർത്ഥനയോടെയാണ് ആരാധകൻ വഴിപാട് നടത്തിയത്.

ഫുട്ബോളിനോടുള്ള ആവേശവും മെസ്സിയോടുള്ള ആരാധനയും എത്രത്തോളം ആഴത്തിലുണ്ടെന്ന് തെളിയിക്കുന്ന സംഭവമാണിത്. ലോകകപ്പ് ഫൈനലിന് മുന്നോടിയായി കേരളത്തിന്റെ വിവിധ ഭാഗങ്ങളിൽ ആരാധകർ പ്രാർത്ഥനകളും വഴിപാടുകളും നേർന്ന് ടീമിന് പിന്തുണ അറിയിക്കുന്നതിനിടെയാണ് പള്ളൂരിലെ ഈ വ്യത്യസ്തമായ വഴിപാടും ശ്രദ്ധ നേടുന്നത്.

ക്ഷേത്രത്തിലെത്തിയ ആരാധകൻ മെസ്സിയുടെ ഫോട്ടോ മുന്നിൽ വച്ചാണ് പ്രാർത്ഥന നടത്തിയതെന്നും നാട്ടുകാർ പറയുന്നു. അർജന്റീന കിരീടം ഉയർത്തണമെന്നും, ടീമിനും മെസ്സിക്കും പരിക്കുകളില്ലാതെ കളിക്കാനാവട്ടെയെന്നുമാണ് പ്രാർത്ഥന.

ഫുട്ബോൾ ആവേശം ആരാധനയുടെ ഭാഷയിലും പ്രതിഫലിച്ച ഈ സംഭവം പ്രദേശവാസികൾക്കിടയിൽ വലിയ കൗതുകമായി മാറിയിട്ടുണ്ട്. അർജന്റീന കിരീടം ഉയർത്തുമോയെന്നും, ആരാധകരുടെ ഈ പ്രാർത്ഥന ഫലിക്കുമോയെന്നും അറിയാൻ ഇനി ഒരു ദിവസത്തെ കാത്തിരിപ്പ് മാത്രമാണ് ബാക്കി.

### Related Links & Sources
- [Original Story Source](https://panoor.truevisionnews.com/news/373121/kerala-fans-offer-jaladhara-for-messi-and-argentina-at-palloor-ganapathy-temple)