---
title: "പൊയിലൂർ തെക്കയിൽ ശ്രീ മുത്തപ്പൻ മടപ്പുരയിൽ രാമായണ മാസാചരണത്തിന് ഭക്തി നിർഭര തുടക്കം."
english_title: "Ramayana Month Observance Begins at Poyiloor Thekku Sri Muthappan Madappura"
publisher: "panoornews.in"
canonical_url: "https://panoor.truevisionnews.com/news/372851/ramayana-month-observance-begins-at-poyiloor-thekku-sri-muthappan-madappura"
published_at: "2026-07-17T08:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a59aea049f03_Ramayana_Month_Observance_Begins_at_Poyiloor.jpg"
keywords: ["Muthappan Madappura", "Karkidakam", "Ramayana Parayanam", "Ramayana masam"]
---

# പൊയിലൂർ തെക്കയിൽ ശ്രീ മുത്തപ്പൻ മടപ്പുരയിൽ രാമായണ മാസാചരണത്തിന് ഭക്തി നിർഭര തുടക്കം.

> **Lead Summary:** പൊയിലൂർ: ഭക്തിസാന്ദ്രമായ ചടങ്ങുകളോടെ പൊയിലൂർ തെക്കയിൽ ശ്രീ മുത്തപ്പൻ മടപ്പുരയിൽ രാമായണ മാസാചരണത്തിന് തുടക്കമായി.

## Article Content

പൊയിലൂർ: ഭക്തിസാന്ദ്രമായ ചടങ്ങുകളോടെ പൊയിലൂർ തെക്കയിൽ ശ്രീ മുത്തപ്പൻ മടപ്പുരയിൽ രാമായണ മാസാചരണത്തിന് തുടക്കമായി.

ജൂലൈ 16 മുതൽ ആഗസ്ത് 16 വരെ ഒരു മാസം നീണ്ടുനിൽക്കുന്ന രാമായണ മാസാചരണമാണ് ഇവിടെ നടക്കുന്നത്. കർക്കടക മാസത്തിൽ വീടുകളിലും ക്ഷേത്രങ്ങളിലും രാമായണ പാരായണത്തിന് പ്രത്യേക പ്രാധാന്യമുണ്ട്.

ഉദ്ഘാടന ചടങ്ങിൽ കവിത രാഹുൽ കല്ലിക്കണ്ടി രാമായണത്തിന്റെ പ്രാധാന്യത്തെക്കുറിച്ച് പ്രഭാഷണം നടത്തി. രാമായണത്തിലെ ധാർമിക മൂല്യങ്ങളും ഇന്നത്തെ കാലത്തുള്ള പ്രസക്തിയും അവർ വിശദീകരിച്ചു.ചടങ്ങിൽ ടി. ഭാസ്കരൻ അധ്യക്ഷത വഹിച്ചു. കെ.കെ ദിനേശൻ സ്വാഗതവും മോളി ബാബു നന്ദിയും പറഞ്ഞു.

ഒരു മാസം നീളുന്ന പാരായണത്തിന് ചന്ദ്രൻ ചാലിൽ, എം. തങ്കമണി തുണ്ടിയിൽ എന്നിവർ നേതൃത്വം നൽകും. ദിവസവും രാവിലെയും വൈകുന്നേരവും ഭക്തർ സംഘടിച്ച് രാമായണം പാരായണം ചെയ്യും.

മടപ്പുരയിൽ പ്രത്യേക പൂജകളും ഭജനകളും അനുബന്ധ പരിപാടികളും സംഘടിപ്പിക്കുന്നുണ്ട്. നാട്ടിലെ നിരവധി ഭക്തരാണ് ആദ്യദിവസം തന്നെ പങ്കെടുക്കാനെത്തിയത്.

രാമായണ മാസത്തിൽ ദുഃഖങ്ങളും ദുരിതങ്ങളും അകന്ന് ഐശ്വര്യം കൈവരിക്കുമെന്ന വിശ്വാസത്തിലാണ് വിശ്വാസികൾ. മടപ്പുര കമ്മിറ്റിയുടെ നേതൃത്വത്തിൽ എല്ലാ ദിവസവും പ്രസാദവിതരണവും ഉണ്ടായിരിക്കും

### Related Links & Sources
- [Original Story Source](https://panoor.truevisionnews.com/news/372851/ramayana-month-observance-begins-at-poyiloor-thekku-sri-muthappan-madappura)