---
title: "ചരിത്രത്തിലെ ഏറ്റവും ഉയർന്ന സമ്മാനത്തുകയുമായി ഭാ​ഗ്യക്കുറി വകുപ്പ് ; തിരുവോണം ബംപർ ഒന്നാം സമ്മാനം 30 കോടി രൂപ, വിൽപന തിങ്കളാഴ്ച മുതൽ"
english_title: "Kerala Thiruvonam Bumper 2026: First Prize 30 Crore, Sales Start Monday"
publisher: "panoornews.in"
canonical_url: "https://panoor.truevisionnews.com/news/372749/kerala-thiruvonam-bumper-2026-first-prize-30-crore-sales-start-monday"
published_at: "2026-07-16T14:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a589bb6cc4be_kerala-thiruvonam-bumper-2026-first.jpg"
keywords: []
---

# ചരിത്രത്തിലെ ഏറ്റവും ഉയർന്ന സമ്മാനത്തുകയുമായി ഭാ​ഗ്യക്കുറി വകുപ്പ് ; തിരുവോണം ബംപർ ഒന്നാം സമ്മാനം 30 കോടി രൂപ, വിൽപന തിങ്കളാഴ്ച മുതൽ

> **Lead Summary:** പാനൂർ:ഈ വർഷത്തെ തിരുവോണം ബംപർ ഭാഗ്യക്കുറി ടിക്കറ്റ് മുഖ്യമന്ത്രി വി.ഡി. സതീശൻ ഔദ്യോഗികമായി പുറത്തിറക്കി. ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയർന്ന സമ്മാനത്തുകയായ 30 കോടി രൂപയാണ് ഇത്തവണത്തെ ഒന്നാം സമ്മാനം.

## Article Content

പാനൂർ:ഈ വർഷത്തെ തിരുവോണം ബംപർ ഭാഗ്യക്കുറി ടിക്കറ്റ് മുഖ്യമന്ത്രി വി.ഡി. സതീശൻ ഔദ്യോഗികമായി പുറത്തിറക്കി. ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയർന്ന സമ്മാനത്തുകയായ 30 കോടി രൂപയാണ് ഇത്തവണത്തെ ഒന്നാം സമ്മാനം.

കഴിഞ്ഞ വർഷം വരെ 25 കോടി രൂപയായിരുന്നു ഒന്നാം സമ്മാനമായി നൽകിയിരുന്നത്. 5 കോടി രൂപയുടെ വർധനയോടെയാണ് ഇത്തവണ ബംപർ എത്തുന്നത്.

തിങ്കളാഴ്ച മുതൽ സംസ്ഥാനത്തെ മുഴുവൻ ഭാഗ്യക്കുറി ഏജൻസികളിലും തിരുവോണം ബംപറിന്റെ വിൽപ്പന ആരംഭിക്കും. സെപ്റ്റംബർ 26-ന് ആണ് നറുക്കെടുപ്പ് നടക്കുക.

ഒന്നാം സമ്മാനമായ 30 കോടിക്ക് പുറമെ രണ്ടാം സമ്മാനം 1 കോടി രൂപ വീതം 20 പേർക്കും, മൂന്നാം സമ്മാനം 25 ലക്ഷം രൂപ വീതം 20 പേർക്കും ലഭിക്കും. കൂടാതെ നിരവധി ആശ്വാസ സമ്മാനങ്ങളും മറ്റ് ചെറിയ സമ്മാനങ്ങളും ഉണ്ടായിരിക്കും.

ഒരു ടിക്കറ്റിന്റെ വില 500 രൂപയാണ്. ഓണക്കാലത്ത് കോടീശ്വരനാകാനുള്ള അവസരമാണ് തിരുവോണം ബംപർ ഒരുക്കുന്നതെന്ന് മുഖ്യമന്ത്രി പറഞ്ഞു. സംസ്ഥാനത്തിന്റെ വികസന പ്രവർത്തനങ്ങൾക്കായി ഭാഗ്യക്കുറി വകുപ്പ് നൽകുന്ന സംഭാവന വളരെ വലുതാണെന്നും അദ്ദേഹം ചടങ്ങിൽ കൂട്ടിച്ചേർത്തു.

ഓരോ വർഷവും തിരുവോണം ബംപറിന് വൻ സ്വീകാര്യതയാണ് ലഭിക്കുന്നത്. റെക്കോർഡ് സമ്മാനത്തുകയോടെ ഇത്തവണയും വിൽപ്പനയിൽ വൻ വർധനവ് പ്രതീക്ഷിക്കുന്നതായി ഭാഗ്യക്കുറി വകുപ്പ് അധികൃതർ അറിയിച്ചു. ടിക്കറ്റ് വാങ്ങുന്നവർ സർക്കാർ അംഗീകൃത ഏജൻസികളിൽ നിന്ന് മാത്രം വാങ്ങണമെന്നും വ്യാജ ടിക്കറ്റുകളോട് ജാഗ്രത പാലിക്കണമെന്നും വകുപ്പ് നിർദേശിച്ചു.

### Related Links & Sources
- [Original Story Source](https://panoor.truevisionnews.com/news/372749/kerala-thiruvonam-bumper-2026-first-prize-30-crore-sales-start-monday)