---
title: "ലിറ്റിൽ കൈറ്റ്സ് അവാർഡ്; തുടർച്ചയായ രണ്ടാം തവണയും മിന്നും  നേട്ടവുമായി മൊകേരി രാജീവ് ഗാന്ധി മെമ്മോറിയൽ ഹയർ സെക്കന്ററി സ്കൂൾ"
english_title: "Little KITEs Award: Mokeri Rajiv Gandhi HSS Wins District Award Second Year in a Row"
publisher: "panoornews.in"
canonical_url: "https://panoor.truevisionnews.com/news/372557/little-kites-award-mokeri-rajiv-gandhi-hss-wins-district-award-second-year-in-a-row"
published_at: "2026-07-15T16:24:00+05:30"
category: "Panoor Special"
language: "ml"
image: "https://cf.zdn.im/img/truevisionnews.com/0/image-uploads/6a5767b3e394f_mokeri-rajiv-gandhi-hss-little-kites-award.jpg"
keywords: ["Little KITEs", "Mokeri", "Rajiv Gandhi HSS", "KITE Award", "School Award"]
---

# ലിറ്റിൽ കൈറ്റ്സ് അവാർഡ്; തുടർച്ചയായ രണ്ടാം തവണയും മിന്നും  നേട്ടവുമായി മൊകേരി രാജീവ് ഗാന്ധി മെമ്മോറിയൽ ഹയർ സെക്കന്ററി സ്കൂൾ

> **Lead Summary:** മൊകേരി:കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എജ്യുക്കേഷൻ KITE നടപ്പിലാക്കുന്ന ലിറ്റിൽ കൈറ്റ്സ് ഐടി ക്ലബ്ബിന്റെ പ്രവർത്തന മികവിനുള്ള അവാർഡിൽ ചരിത്ര നേട്ടം കൈവരിച്ച് മൊകേരി രാജീവ് ഗാന്ധി മെമ്മോറിയൽ ഹയർ സെക്കൻഡറി സ്കൂൾ.

## Article Content

മൊകേരി:കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എജ്യുക്കേഷൻ KITE നടപ്പിലാക്കുന്ന ലിറ്റിൽ കൈറ്റ്സ് ഐടി ക്ലബ്ബിന്റെ പ്രവർത്തന മികവിനുള്ള അവാർഡിൽ ചരിത്ര നേട്ടം കൈവരിച്ച് മൊകേരി രാജീവ് ഗാന്ധി മെമ്മോറിയൽ ഹയർ സെക്കൻഡറി സ്കൂൾ.

കണ്ണൂർ ജില്ലയിലെ ഏറ്റവും മികച്ച മൂന്നാമത്തെ സ്കൂൾ യൂണിറ്റ് എന്ന നേട്ടമാണ് സ്കൂൾ സ്വന്തമാക്കിയത്. തുടർച്ചയായി രണ്ടു വർഷവും ജില്ലാതല പുരസ്കാരം നേടുന്ന ജില്ലയിലെ ഏക വിദ്യാലയം എന്ന റെക്കോർഡും ഇതോടെ സ്കൂളിന്റെ പേരിലായി.

വിദ്യാർത്ഥികൾക്കിടയിൽ വിവരസാങ്കേതിക വിദ്യയും ഡിജിറ്റൽ സാക്ഷരതയും പ്രോത്സാഹിപ്പിക്കുന്നതിൽ കൈവരിച്ച സ്ഥിരതയാർന്ന മുന്നേറ്റത്തിനുള്ള അംഗീകാരമാണ് ഈ പുരസ്കാരം. അനിമേഷൻ, ഹാർഡ്‌വെയർ, സൈബർ സുരക്ഷ, മൊബൈൽ ആപ്പ് നിർമ്മാണം തുടങ്ങി വിവിധ മേഖലകളിൽ ലിറ്റിൽ കൈറ്റ്സ് യൂണിറ്റ് കഴിഞ്ഞ വർഷങ്ങളിലുടനീളം മികച്ച പ്രവർത്തനങ്ങളാണ് കാഴ്ചവെച്ചത്.

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഡിജിറ്റൽ ക്ലാസ് മുറികളും അത്യാധുനിക കമ്പ്യൂട്ടർ ലാബുകളുമുള്ള സ്കൂൾ ജില്ലയിലെ തനത് ഐടി പ്രവർത്തനങ്ങളിലും സാമൂഹ്യ ഇടപെടലുകളിലും മാതൃകയാണ്.

ഹരിത വിദ്യാലയം 4.0 റിയാലിറ്റി ഷോയിൽ സംസ്ഥാനത്തെ മൂന്നാമത്തെ മികച്ച വിദ്യാലയമായി തെരഞ്ഞെടുക്കപ്പെട്ടപ്പോൾ സ്കൂളിനെ പ്രതിനിധീകരിച്ച് പങ്കെടുത്ത ലിറ്റിൽ കൈറ്റ്സ് വിദ്യാർത്ഥികളും ശ്രദ്ധേയമായ പ്രകടനം കാഴ്ചവെച്ചു.

തിരുവനന്തപുരം നിയമസഭാ മന്ദിരത്തിലെ ശങ്കരനാരായണൻ തമ്പി ഹാളിൽ നടന്ന ചടങ്ങിൽ പൊതുവിദ്യാഭ്യാസ മന്ത്രി എം. ഷംസുദീനിൽ നിന്ന് സ്കൂൾ പ്രതിനിധികൾ അവാർഡ് ഏറ്റുവാങ്ങി

### Related Links & Sources
- [Original Story Source](https://panoor.truevisionnews.com/news/372557/little-kites-award-mokeri-rajiv-gandhi-hss-wins-district-award-second-year-in-a-row)