---
title: "വിജയോത്സവം 2026 ശ്രദ്ധേയമായി; ചെറുവാഞ്ചേരി സ്കൂളിലെ ഉന്നതവിജയികളെ അനുമോദിച്ചു"
english_title: "Vijayotsavam 2026 Celebrated at Cheruvanchery School; MP Shafi Parambil Honors Toppers"
publisher: "panoornews.in"
canonical_url: "https://panoor.truevisionnews.com/news/372229/vijayotsavam-2026-celebrated-at-cheruvanchery-school-mp-shafi-parambil-honors-toppers"
published_at: "2026-07-13T22:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5514982427b_vijayotsavam-2026-cheruvanchery-school-shafi-parambil-honours-.jpg"
keywords: ["Vijayotsavam 2026", "Cheruvanchery School", "PGMGHSS", "Shafi Parambil MP", "SSLC Results", "Plus Two"]
---

# വിജയോത്സവം 2026 ശ്രദ്ധേയമായി; ചെറുവാഞ്ചേരി സ്കൂളിലെ ഉന്നതവിജയികളെ അനുമോദിച്ചു

> **Lead Summary:** ചെറുവാഞ്ചേരി: പാട്യം ഗോപാലൻ മെമ്മോറിയൽ ഗവ. ഹയർ സെക്കൻഡറി സ്കൂളിൽ വിജയോത്സവം 2026 വിപുലമായ ജനപങ്കാളിത്തത്തോടെ സംഘടിപ്പിച്ചു. എസ്.എസ്.എൽ.സി. ഫുൾ എ പ്ലസ് നേടിയവർ, പ്ലസ് ടു ഉന്നതവിജയികൾ, എസ്.പി.സി. സ്റ്റേറ്റ് ക്യാമ്പിലേക്ക് തിരഞ്ഞെടുക്കപ്പെട്ട വിദ്യാർത്ഥി, സി.എം. കിഡ്സ് യു.പി പദ്ധതിയിൽ മികവ് തെളിയിച്ച വിദ്യാർത്ഥികൾ എന്നിവരെ ചടങ്ങിൽ അനുമോദിച്ചു.

## Article Content

ചെറുവാഞ്ചേരി: പാട്യം ഗോപാലൻ മെമ്മോറിയൽ ഗവ. ഹയർ സെക്കൻഡറി സ്കൂളിൽ വിജയോത്സവം 2026 വിപുലമായ ജനപങ്കാളിത്തത്തോടെ സംഘടിപ്പിച്ചു. എസ്.എസ്.എൽ.സി. ഫുൾ എ പ്ലസ് നേടിയവർ, പ്ലസ് ടു ഉന്നതവിജയികൾ, എസ്.പി.സി. സ്റ്റേറ്റ് ക്യാമ്പിലേക്ക് തിരഞ്ഞെടുക്കപ്പെട്ട വിദ്യാർത്ഥി, സി.എം. കിഡ്സ് യു.പി പദ്ധതിയിൽ മികവ് തെളിയിച്ച വിദ്യാർത്ഥികൾ എന്നിവരെ ചടങ്ങിൽ അനുമോദിച്ചു.

പ്രിൻസിപ്പൽ കെ. ഷാജഹാൻ സ്വാഗതം ആശംസിച്ച ചടങ്ങിൽ പി.ടി.എ. പ്രസിഡന്റ് കെ. കെ. സമീർ അധ്യക്ഷത വഹിച്ചു. വടകര പാർലമെന്റ് അംഗം ഷാഫി പറമ്പിൽ എം.പി. ചടങ്ങ് ഉദ്ഘാടനം ചെയ്തു. എസ്.എസ്.എൽ.സി.യിൽ ഫുൾ എ പ്ലസ് നേടിയവരെയും പ്ലസ് ടു പരീക്ഷയിൽ ഉന്നതവിജയം നേടിയ വിദ്യാർത്ഥികളെയും എം.പി. അനുമോദിക്കുകയും ഉപഹാരങ്ങൾ വിതരണം ചെയ്യുകയും ചെയ്തു.

പാട്യം ഗ്രാമപഞ്ചായത്ത് വൈസ് പ്രസിഡന്റ് പി. പി. ബീന എസ്.പി.സി. സ്റ്റേറ്റ് ക്യാമ്പിലേക്ക് തിരഞ്ഞെടുക്കപ്പെട്ട വിദ്യാർത്ഥികളെയും സി.എം. കിഡ്സ് യു.പി പദ്ധതിയിൽ ശ്രദ്ധേയ നേട്ടം കൈവരിച്ച വിദ്യാർത്ഥികളെയും അനുമോദിച്ചു. വിദ്യാർത്ഥികളുടെ സമഗ്രവികസനത്തിന് പഠനമികവിനൊപ്പം വ്യക്തിത്വവികസനവും സാമൂഹിക പ്രതിബദ്ധതയും അനിവാര്യമാണെന്ന് അവർ അഭിപ്രായപ്പെട്ടു.

വാർഡ് മെമ്പറും എസ്.എം.സി. ചെയർമാനുമായ കെ. സുരേഷ് കുമാർ ആശംസാപ്രസംഗം നടത്തി. ഇ.എം. സി. മഹമ്മൂദ്, പി.കെ. ദിവാകരൻ, പന്ന്യോടൻ ചന്ദ്രൻ, ആർ. വി. ശശിധരൻ, ശ്രീഷ്മ കെ.കെ., പി. അബ്ദുള്ള എന്നിവർ ആശംസകൾ നേർന്നു.

സ്കൂളിന്റെ തുടർച്ചയായ അക്കാദമിക മികവും പാഠ്യേതര രംഗത്തെ നേട്ടങ്ങളും ചടങ്ങിൽ എല്ലാവരും പ്രശംസിച്ചു. വിദ്യാർത്ഥികളുടെയും അധ്യാപകരുടെയും രക്ഷിതാക്കളുടെയും കൂട്ടായ പരിശ്രമമാണ് ഈ വിജയങ്ങൾക്ക് പിന്നിലെന്നും നേതാക്കൾ ചൂണ്ടിക്കാട്ടി.

സ്കൂളിന്റെ അഭിമാനമായ വിജയികളെയും സംസ്ഥാനതല അംഗീകാരം നേടിയ വിദ്യാർത്ഥികളെയും മൊമെന്റോകളും ഉപഹാരങ്ങളും നൽകി ആദരിച്ചു. വിദ്യാർത്ഥികളുടെയും രക്ഷിതാക്കളുടെയും വലിയ സാന്നിധ്യം പരിപാടിക്ക് പ്രൗഢി പകർന്നു

### Related Links & Sources
- [Original Story Source](https://panoor.truevisionnews.com/news/372229/vijayotsavam-2026-celebrated-at-cheruvanchery-school-mp-shafi-parambil-honors-toppers)